Proverbs 18:23 - Ohiatonhseratokénti

²³ Nó꞉nen nonkwehshón꞉ʼa ne rotí꞉ten enthontá꞉ti, ó꞉nenk tsi ronaniténhton, nok ne rotikwáhtshe ronatewennátkon nó꞉nen tenhatirihwaʼserá꞉ko.

Proverbs 18:23 ပူးပေါင်းရင်းမြစ်များ

Genesis 42:30

“Ne rón꞉kwe, ne ne roiá꞉nehr neh nón꞉we tionhwentsá꞉ien, wahshonkwatewennatshahníhten, tánon wahshonkwarihwáhrho naiakwaterihwatoráthseke neh nón꞉we niionhontsá꞉ien.

Genesis 42:7

Nó꞉nen ne Só꞉se sahshakó꞉ken ne rontateʼkoʼokón꞉ʼa, wahshakoièn꞉tereʼne, ók tho nahá꞉iere tsi sí꞉ken ní꞉ioht ne iáh thahshakoienté꞉rike tánon wahshakotewennatshahníhten. “Kaʼnitisewé꞉non wahariʼwanón꞉ton?” Wahonní꞉ron, “Tsi tionhontsá꞉ien ne Canaan, naiakwatenaʼtsherahní꞉non.”

1 Kings 12:13

Né ronhnontí꞉io iáh othènen karíhwa tehahónhni tsi nihonwatenikonhráwi ne thotíhions tánon washakotewenhnatʼtsaníthen nonhkweshón꞉as,

2 Chronicles 10:13

Né ronnontí꞉io iáh othènen karíhwa tehahónhni tsi nihonwatenikonhráwi ne thotíhions ronhnónkwe tánon washakotewenhnatsaníten nonhkweʼshón꞉as,

Job Tánon ne Raoronhiakensera 41:3

Ahiá꞉nhitentaʼse onʼtéken nahonshatsiát꞉kawe? Kwáh onhtèken sak aronhni tsi ahatá꞉ti?

Exodus 5:2

“Ónhka nènhʼne ne Roiá꞉ner?” ne Ronhnonhtí꞉io wahariʼwahnónhton. “Ónhʼnonhtié꞉ren tsi né nahiʼhiatahónshataʼte tánon nakatʼthóntate akhehiáʼtkawe ne lsraeró꞉nons? Iáh tehiʼientéri ne Roiá꞉ner; tánon iáh kíʼ takhehiátʼkaʼwe nʼIsraerʼró꞉nons.”

Proverbs 19:7

Ók ó꞉ni ne ró꞉ten raohwá꞉tsire ronwakenhrón꞉ni; iáh ki teionehráhkwa tsi iáh tehotenroʼserá꞉ien. Iáh theʼtewatsteríhstha tho ni꞉iot tsi ahateʼnién꞉ten iáh kiʼ thahatkwé꞉ni nahateroʼserón꞉ni.

Proverbs 22:7

Rotikwahtshénion ronatatehnhaʼtsherón꞉ni ne rotitenhténion. Nónhka eniesahwístani í꞉se kiʼ senhnhá꞉tshera enwá꞉ton.

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Matthew 5:3

Iakotaskat nʼiakonikonrenton: aseken akoȣenk ne karonhiake.

Ne꞉ne Sák Rohiaton 2:3

Tánon tóhka neh sénha entsisewakwénienste ne rotiataserónni ó꞉ni entsisewaróhri, “Kén nón nashátsien neh tsi sénha ne kíʼ wanitskwarahtserí꞉io,” nók entsisewénhase ne tehathonnakárias, “Kén níse nónwe naʼtéstan, tóhka ó꞉ni kén oswenkaráke sáhtsien kasihʼtákʼtha,”

Ne꞉ne Sák Rohiaton 2:6

Nók ietʼtsikenrón꞉ni ne iakóten! Ronʼnónha ne teietʼtsinikonrhára tánon rahothihénton ne rathiriwéntha nieietʼtsiʼiaténhas? Kí꞉ken rahʼthiriwénthas ronnónha nah ne rohthikwatsénion!

Ruth 2:7

Waʼonkeriʼwanóntonhse nakheríhon nahonwatíhsere ne rotiióʼte tánon aiakohrón꞉ko ne óhere. Oronhkéstsi shiiakoióʼte kwáh ón꞉wak kenʼ nikarihwésha tiakotoríshen tsi wahskwáhere.”

1 Samuel 2:36

Nón꞉ka iatheniakotaténhronhke ne saʼwá꞉tsire kwáh éntsien neh nahonwanéken ostón꞉ha kawistaráken khóks ne kaná꞉taro, tánon kwáh eniaiéron, Asathónhtaʼte thóh takí꞉teron tsi nón꞉we ne ratsihénstatsi nihénteron, neh naʼhón꞉ton ostón꞉ha takatská꞉on.’”

1 Samuel 25:10

Ók ne Nabal watesakoriwaserákwahse ne Táwit raonkweʼtashón꞉ʼahs, “Ónhka nènhne ne Táwit? Ónhka ne ne roién꞉ha ne Jesse? Kwáh í꞉ken tsi ronatiokowánen ne ratinhá꞉tsheras nón꞉wa wenhniseraténion ró꞉nonha ne sakonatsá꞉tonhtakwenhnis ne rowatiiá꞉takwení꞉ios.

1 Samuel 25:17

Ó꞉nen kiʼ thóh nón꞉we naisateréntahrak kí꞉ken tánon tetsatóret onkwanáshiere; asèken ne kariwahét꞉ken teioiatoréhton tsi nòkwah ne shonkwaiataʼkwení꞉io tánon tsi nòkwah nakwé꞉kon tsi rononshó꞉tons; ne raónha tsi nironkweʼtahétken nètho iáh ónka tewátons ne tanitháren.”