Proverbs 18:21 - Ohiatonhseratokénti

²¹ Tsi nahò꞉ten enhsì꞉ron enkakwé꞉ni nakanónhstate natónhnhets, tókaʼ ó꞉ni akarihwáhtonʼte; ó꞉nenk ká꞉ti tsi enhshié꞉na tsi neniá꞉wenʼne nahò꞉ten entehsewennínekenʼne.

Proverbs 18:21 ပူးပေါင်းရင်းမြစ်များ

Psalms 12:5

“Tioríhwa tsi nikarihwahétken tsi nihonwatiʼiérase ne tehonthonhnakárias, tioríhwa, tsi niotironhiáken né tehonthonhnakárias, kwáh ónenk thóh nénhtiere,” ráton né Roiá꞉ner; “kwáh entkákʼkakwe né kaienawaséhtshera tsi nithonskáneks.”

Proverbs 10:31

Tiakorihwaié꞉ri nón꞉kwe nek tiontá꞉tis ne karihwí꞉ioʼs, nok ne awenʼnáhson entkawennínekenʼne karihwáksen tenkatáhstonʼ kiʼ.

Proverbs 11:30

Tkarihwaié꞉ri tiakó꞉wis natónhnhets, nok ne ateriiohseraʼón꞉we akwé꞉kon ienskáhawe.

Proverbs 12:13

Ne iáh tethotirihwaié꞉ri ne ienhotiià꞉tenhte ne raotiwén꞉na, nok ne rotirihwakwaríhshion iáh nen né꞉ʼe thaʼtahonʼnikonhrhá꞉ren.

Proverbs 21:23

Tókaʼ íhsehre tóhsa oʼthé꞉nen taiesaʼnikonhrhá꞉ren, seʼnikón꞉rarak tsi nahò꞉ten enhsí꞉ron.

Isaiah 3:10

Ietsiró꞉ri ne iakoiáneren tsi enhotiʼianerásten, asèken ne enhónhneke tsi nahó꞉ten rotiʼioténhen.

Isaiah 57:19

Skénnonk, skénnonk, né nahinónsons nió꞉re ít꞉kens tánon naktatsiesónhas í꞉ken, ratónhnions ne Roiá꞉ner; tánon kí enshekhétienʼte.

Hosea 10:13

Ne satharakaratʼthóston ne karihwahekénhsera, ne tsi saientkwákwen ne iáh tetkarihwaié꞉ri í꞉ken, ne sahiákon nonowenhtashón꞉as í꞉ken. Tiorì꞉wa tsi ne seniahesénhne ní꞉se sashatsténhsera tánon ne tsi nihonatiohkowá꞉nen shonkwè꞉taien ronterí꞉ios,

2 Corinthians 11:15

Kwáh káti iáh thé꞉nen teiorihowá꞉nen tóka ne raonkweʼtaʼshón꞉ʼa ne ranehsonhró꞉non neh ronatkonwarò꞉rokston ne karihwiióston akonwaioʼtén꞉shehke. Nok kiʼ tsi ieiótoʼkte tenhonateriʼwaserakwáhse tsi nihatiioʼtenhserò꞉ten.

2 Corinthians 2:16

Asèken tsi niiakon ne iakotiaʼtatonʼon, ne ne wenhseratʼsen kenheiat ne nenhneʼe iakoʼnonhwahiakons; Tsi niká꞉ien ne tiontanenonhstaton, ne ne wenserakon tkahas atonhnets. Ónhka káti iakokwénion ne tho nikaioʼtenhserò꞉ten aiakoióʼten?

Ephesians 4:29

Tóhsa ne íhsas nowénna naiakonikonráksate, nók nek khók nowénna ne iakonikonrahnírats, tsi nikáien ne iakokétskwas ó꞉ni tsakówis nahóten tehiothonwentióʼon, neh káti tsi nahóten ensíron eniakohiénawase tsi niháti nen iesatʼthóntene.

Colossians 4:6

Nensewahtá꞉ti tehiotonwentió꞉on ne tió꞉konte aionwesénhake ó꞉ni aiontaiakonikonratihéntʼto, tánon tesatonwentió꞉ni naisaterientá꞉rake tsi ní꞉ioht tsi tenseriwaserákwase.

2 Tiér 2:18

Rontathonniénnis ne kanaiésera ó꞉ni tehiotenonwaroríthonte tsi nahótens rontónnions, tánon rónsta ne ioteriwatéha ne ratiʼierónkes tsi sakonaskanekténnis tsi asakonaterístaien tsi nihiákon ne ónwak iakotasawátie nahonwanatékwase nónkwe neh thóh nónwe nihonónnhe ne aterientawenrhietserákon.