Proverbs 18:18 - Ohiatonhseratokénti

¹⁸ Tókaʼ tetsà꞉ron nirihwaʼshátste tehorihwakéhnhen tsi teieiaʼtorehtáhkhwa, nó꞉nen enkaʼwahstótion tsi iatenkarihwaién꞉taʼne enkarí꞉wenʼne kiʼ.

Proverbs 18:18 ပူးပေါင်းရင်းမြစ်များ

1 Chronicles 24:31

Né nonnónhtsi í꞉ken né satiwatsirátʼtsons tánon ne kén nierá꞉ha rokénha né enhawasʼthó꞉tsi tsi nenhotiʼhiotenhseroténhaʼke, kwáh shaʼthenhiotónhake tsi nòkwah ne ronthátenons, né ratitsihénsthatsis né Aaron nón꞉we nithonatwatsiríhnon, né tsi nihotiʼiéren. Ronnontí꞉io Táwit, tánon ne Zadok, Ahimelech, tánon nonontsikowátʼtsons tsi ratiwatsírahiens ne rahtitsihénstatsis ó꞉ni né Leviró꞉nons tsi nihotirihwanirátons.

1 Chronicles 6:63

Kwáh né sáka, ne tékeni-iawénhre nikanátakes ne tsi kanakeraseráien ne Reuben, Gad, tánon ne Zebulun tsi tahonwanawíhons ne tsi ratitáraiens ne Merari, ne satiwatsirátʼtsions.

Nehemiah 11:1

Tánon ne sakotihenténhse nonkwehó꞉kons thóh ratinákere Jerusalem; tánon ne ronátiaʼkes nonkwehó꞉kons washakotiiatarakwenhá꞉ton tionkwè꞉ta ne oié꞉ri nihiá꞉kon entesakotiiaténhawe ne thóh ahieterónhtake Jerusalem, né꞉ne kanatowanénhke ne iotokénhti, ók ne tióhton nihá꞉ti ne iatoʼnathaténhre thóh ne enhatiʼterónhtake nó꞉ia kanatahién꞉tons.

Proverbs 16:33

Nón꞉kwe tehatí꞉iens tsi ní꞉ioht tsi nahatiweientéhtaʼne Rawenni꞉io raononhtonniónhtshera, nok ki Rawenni꞉io raonhá꞉ʼa thanónhtons tsi nieniá꞉wenʼne.

Proverbs 18:17

Ónhka enthatié꞉renhte enhatá꞉ti tsi teieiaʼtorehtáhkhwa tsi ní꞉ioht ne tkariwaié꞉ri, tsik tenhiatewennotón꞉ko ne ohén꞉ton thotá꞉tihon tánon enhoriʼwanontonniónhahse.

Proverbs 18:19

Sheiaʼtakéhnha ne sewatátenonhkwe tánon ronónha ó꞉ni eniesaiaʼtanónhstate tsi ní꞉ioht ne kanatowá꞉nen tewahsónhtote otstèn꞉ra. Tókaʼ tensewaterihwakén꞉ni enthatihnhó꞉ton tsi ronatehnhonhká꞉ronte ne sarihwà꞉ke.

Joshua 14:2

Tsi nihoró꞉ri ne Roiá꞉ner ne Mahís, ne rahotinakeráhseras ne tióhton tánon tshiaʼtsewasénhnon nihotitióhkwake ne Israerʼró꞉nonke ne tsi iaʼtewatsénhtos nokwá꞉ti ne Jordan Skentiohkwà꞉tions wahatiwasthotión꞉ko tsi nakanakerahseró꞉ten enhatiienà꞉seron.

1 Samuel 14:41

Eʼthó꞉ne ne Saul wahén꞉ron, “Ó Saiá꞉ner Shé꞉ní꞉io NʼIsraerʼró꞉nons, nontiéren tsi iáh thatetseriwaʼsehrakwénhni ne sanhá꞉tsera nón꞉wa wenhniserátekwe? Tó꞉ka kí꞉ken kanítʼtshera akonhá꞉ke kénteron khéhs ne riʼién꞉ha Jonathan, Ó Saiá꞉ner Sheʼníio NʼIsraerʼró꞉nons, tasát꞉kaf ne kanenhiaʼtóken ierihahthákwah ne Urim; ók tó꞉ka kí꞉ken kaníhtshera thóh kénteron roʼnonháke ne shonkwetaʼshón꞉ʼahs Israerʼró꞉nons ne tasát꞉kaf ne kanenhiaʼtokénston Thummim.” Tánon ne Jonathan tánon ne Saul ne wahonwanátsaton ne tsi wahonwatiʼnenhiaién꞉hase nohontsáke, ók nonkweókons sahiontsiatotarísi.

1 Samuel 14:42

Eʼthó꞉ne ne Saul wahén꞉ron, “Kanenhiató꞉ken kiʼ ísewats ne enwatʼróri kák nikáien í꞉i khéhs ne riʼién꞉ha Jonathan tahiontiaʼterientaweriéhon.” Tánon Jonathan nokwáti niahá꞉he.