Proverbs 18:10 - Ohiatonhseratokénti

¹⁰ Roiá꞉ner ne táhtsheren ne kwáh tioʼnikahtaʼní꞉ron, tsi nón꞉we enwá꞉ton niá꞉ien ne tionkweʼtaié꞉ri ne skén꞉nen aionnonhtonniónhake.

Proverbs 18:10 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 32:11

Saskeʼniá꞉kenht, ahsathón꞉tate, tétstaʼs ne iatiatateʼkén꞉ʼa, tánon takenónhstat tsi nonkwá ne Esau, aseʼkénh ritshá꞉nihs; nontié꞉renʼk èntre tánon iakwakwé꞉kon enhshonkwanonhwariá꞉kon, skátne ne kaʼnisténhseraʼs ó꞉ni ne ratiksaʼokón꞉ʼahs.

2 Samuel 22:2

Wahén꞉ron: Ne Roiá꞉ner seh nakisténhra í꞉ken, ne nakaʼtenhén꞉ra, ó꞉ni shaʼkatatewenhniʼiotseráwis,

2 Samuel 22:3

Akení꞉io í꞉ken, akisténra, rahonháke nón꞉we nikataséhta, akatrenhostákwa ó꞉ni ne ne kashaststénsera natiatakenatiéra, ne nakatenhenranirát꞉tsera ó꞉ni tsi katasehtá꞉kwa, ne sakeskontákwen; í꞉se stsiatanónstats tsi nòkwah ne kaʼniakatsʼthénshera.

2 Samuel 22:51

Rahónha noniká꞉ta í꞉ken ne kaiatakenhátshera raoriwá꞉ke ne raononhtí꞉io, tánon rawenéston ne ioriwató꞉ten kaʼnonronkwáhtshera rahonhá꞉ke ne rohiatará꞉kwen, rahonhá꞉ke ne Táwit ó꞉ni tsi nienhatwatsiríne ne tsi nénhwe enkénhake.

Psalms 144:2

Rahónha tákenes tánon tehakatsiatháton, ne nakáwenk ne waskwáhere tánon shatsatákwas, rahonháke nónhwe nitewaketákwen né꞉ne skenenkówak í꞉ken. Rahónha shakosénhnies nonkweshónhas tánon í꞉i rakonhkwetáwis nakhehiatkórasʼte.

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Psalms 20:2

Aiáwenhs ahontahiateniénhten ne kaienawaséhtsera né꞉ne raononsatokentikówane nón꞉we nahontáwe né꞉ne tsi tionontáhere ne Zion nón꞉we.

Psalms 27:1

Né Roiá꞉ner rahón꞉ha nakswatthétshera í꞉ken ó꞉ni natiatakenhátsera; ónhka ká꞉ti atkhetshánike? Né Roiá꞉ner rahón꞉ha thá꞉nes ne tsi kónnhe; ónhka ká꞉ti akhetshánike?

Psalms 91:14

Tsi nihiákon ne ionhkenorónhkwa, kwáh kíʼ enkhenónsthaʼte; kwáh kíʼ enthékhene tsi nihiákon ne iontsenhnaʼientéri.

Psalms 91:2

enhonhwénhase ne Roiá꞉ner, “Í꞉seke nón꞉we nikatasehtákwah tánon í꞉se nakathenhénra í꞉ken; í꞉se nakení꞉io í꞉ken, shón꞉hake nón꞉we nitewaʼkethákwen.”

Exodus 6:3

Khehiaʼthotashiénʼni ne Abraham, ó꞉ni ne lsaac, ó꞉ni ne Jacob tsi Wakeshatsʼtenseroʼwáhnen Ní꞉io, ók iáh kíʼ né tewakathatonhniáton Watiá꞉ner ne roʼnonhàke tsi ne naʼiontsenterestaʼkwe natʼsenhnató꞉kenti.

Proverbs 14:26

Nahonwakwénienhste ne Roiá꞉ner tkáhas ne rón꞉kwe skén꞉nen ahanonhtonniónheke ók ó꞉ni raohwá꞉tsire.

Proverbs 29:25

Iótteron tahsatateʼnikonhrhá꞉ren tsi nahò꞉ten ronnonhtónnions nakohrèn꞉shon ní꞉se sarihwà꞉ke, nok kiʼ tókaʼ tsheniahé꞉sen ne Roiá꞉ner skén꞉nen enhsanonhtonniónheke.

Isaiah 26:4

Tatsisewetakwénhak ne Roiá꞉ner né꞉ne tsi nénhwe akénhake, asèken rahonháke ne Roiá꞉ner Ní꞉io sáien ne tsi nénhwe ostʼténra í꞉ken.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Jeremiah 23:6

Ne nónen enhonontí꞉ioʼke, nonhkweshón꞉a ne Judah kwáh enshontatewenhní꞉ioʼke, tánon nonhkweshón꞉a ne Israerʼró꞉nons skénnon tsi enshonnónhnheke. Ne enhonwanahtónkwahke ‘Ne Roiá꞉ner nonhkwahiathaʼkenhátshera.’

Habakkuk 3:19

Rawenni꞉io, ne Roiá꞉ner, seh nakeshatsténhsera í꞉ken; ne ronhniátha ne kasitàke kwáh thóh natahonkekhatónhke tsi ní꞉ioht noskenónton, tánon ratiatanónstats ne tsi ionontahrónhnions. Ne Raterenhnathentsatha: né áhonste né karenshó꞉taron waterenhnót꞉tha.

Matthew 1:23

Iah tekanakȣaienteri nenhioȣiraientane; Emmanuel enhonȣanatonkȣe; neh sakat naiahiron Niio teȣakȣekonhatie.

Revelation 1:8

“Í꞉i ne tsi tiotáhsawe (Alpha) tánon ne tsi iehiotókte (Omega),” ráton ne Roiá꞉ner Ní꞉io, raónha se tánon raónha tsi nitsotónhne, ne ne Roshatstenhserowá꞉nen.

1 Samuel 17:45

Ók ne Táwit wahawénhase ne Philistiaró꞉non, “Ní꞉se akonhá꞉ke nontáhse sasharenháwi tánon kaiénkwireh ó꞉ni ne iesahniontsethákwa; ók kiʼ ní꞉i shonháke nontáhke thóh raosenhná꞉kon ne Sakoiá꞉ner ne ratironhiakeró꞉nons, ne ne sakoNí꞉io í꞉ken ne ronterí꞉ios NʼIsraerʼronónke, tsi nikáien ní꞉se entsenhnaksáton.

1 Samuel 30:6

Ne Táwit tsi teiotenonʼianíton tehothatenikónrahre; asèken nonkweókon iakotharákwen ahonwahnenhióiaʼke tsi ahonwanonwahrhiá꞉kon, tsió꞉riwa tsi onkweʼtakwé꞉kon tsi iakonakwénhen ne tsi wahakótonhse nakonekenterashón꞉ʼahs ó꞉ni ne sakotiʼiohokón꞉has tsionatthonwísens. Ók ne Táwit sahathaʼteshatsténseron thóh raonháke ne Roiá꞉ner Raoní꞉io.