Proverbs 17:9 - Ohiatonhseratokénti

⁹ Tókaʼ íhsehre nón꞉kwe aiesanón꞉weʼne, sasheʼnikónhrhens nó꞉nen eniesakarón꞉ni. Tókaʼ enhsehiá꞉rake nahò꞉ten ioʼtáksenʼs tenhtsatenroʼseráksenʼne kiʼ.

Proverbs 17:9 ပူးပေါင်းရင်းမြစ်များ

Psalms 32:1

Iakotáskat tsi nihiákon nakorihwanerahák꞉tsera kasnikonhrénhen, nakorihwaʼnerahák꞉tsera skarakéwen.

Proverbs 10:12

Kahswènhtshera nek tkáhas kaʼnikonhrharáhtshera, nok kanoronhkhwáhtshera tsoʼnikónhrhens akwé꞉kon nahò꞉ten iakoʼnikonhraksá꞉tha.

Proverbs 16:28

Nón꞉kwe ne iáh tetionkweʼtaié꞉ri teierihwenhawíhtha; ó꞉ni tahshakonaʼnikonhrhá꞉ren tánon tahshakotikháhsi natenroʼseraʼshón꞉ʼa.

Proverbs 17:10

Nón꞉kwe ne teiakoʼnikonhráthe sénha wé꞉so enieweientéhtaʼne ne énska khók aiontattéhten tsi ní꞉ioht tehotenonhwarorí꞉tonte ók ó꞉ni énska tewenʼniáwe ahonwanonhwáreʼke iáh ki thahaweientéhtaʼne.

1 Corinthians 13:4

Kanoronkwátshera tekawhishástses ó꞉ni tioriwaiéri; iáh tehiotekéfʼfen iáh ó꞉ni thatewathaterénhsharons iáh ó꞉ni tekanáie.

Ne꞉ne Sák Rohiaton 5:20

Ne kí꞉ken sehwehiárak: nonkakiʼók tensesakokaraténi ne iakoriwáneren tsi ní꞉ioht tsi iakothahítake, ensaniákente ne rahónha rahothónnhets. Tsi nòkwa ne kenhéion ó꞉ni ienwathihéntho wéso nahonsakanikonrén꞉en ne kariwáneren.

1 Tiér 4:8

Ne kwáh éneken iothohetstákwen, tasewanikonrakontakwénhak tsi tesewatatenorónkwak, tioríwa kanoronkwátsera karorótstha ne wéso kariwánerens.