Proverbs 17:5 - Ohiatonhseratokénti

⁵ Tókaʼ thenhsheié꞉ron iakotenhténion, entsheʼnikonhrakaré꞉wahte Rawenni꞉io aseʼkénh ne shakoiaʼtíson. Ensatré꞉wahte tókaʼ enhsatshennón꞉ni nónhka iakoteraʼswaksén꞉ʼen.

Proverbs 17:5 ပူးပေါင်းရင်းမြစ်များ

Job Tánon ne Raoronhiakensera 31:29

“Tó꞉ka ahonkatonhná꞉rake tsi nahontkarón꞉ni tsi nihá꞉ti ne ióntswens, khés nahonkaʼtsenhnakaratá꞉tonke nó꞉nen ne karihwát꞉sen wahakononhté꞉raʼne;

Psalms 69:9

Né꞉ne Sanónsa aokwéniat ontsiatakári; tsi niháti iesanikonraksátha í꞉i sewák꞉ras.

Proverbs 14:21

Tókaʼ tesatonhwentsó꞉ni naiesatonhnhá꞉rake, shé꞉tenhr ne iakó꞉ten; karihwáksen nónhka ahshekèn꞉ron.

Proverbs 14:31

Tókaʼ enhshetenhstéhten ne iakotenhténion, enhtsheʼnikonhrakaré꞉wahte Rawenni꞉io ne shakoiaʼtíson; tókaʼ tenhsheiahrhó꞉ton ne iakó꞉ten Rawenni꞉io enhtshennó꞉wanahte.

Proverbs 16:5

Roiá꞉ner ráhswens nónhka iakotkenhronniá꞉tskon; iáh nonwén꞉ton thahatiʼniá꞉kenʼne tsi ahshakohré꞉wahte.

Jeremiah 17:16

Ók, Saiá꞉ner, Iáh nonhwénhton thaʼtehionkeniʼriwahkenáhon nahsehkarónni; iáh nonhwénhton tewahkaskanékon né thènen tahotinikonhráhren. Saiá꞉ner, sahteriéntahre thíʼken; sahteriénthare tsi nahó꞉ten wáhken.

Ezekiel 25:3

Sehró꞉ri nahontahónshathaʼte tsi nahó꞉ten í꞉ih, nre Wakenonhtí꞉io Watiá꞉ner, kathónhnions: Wesehwerientí꞉io tsi wesehwatʼkátho nakenonhsatokentikówa onhétkenʼne, nahisehwatkátho tsi ionhwénhtsaien ne Israerʼró꞉nonhke nakariwénhthonke, asèhken nonhkweshón꞉ʼa ne Judah ahonwahtinahkeráhkwahthe.

Obadiah 1:10

Asè꞉ken tsi iáh oh thé꞉nen tekaianerenhserá꞉ien tsi nihonwaierá꞉se ne tsatateʼkén꞉ʼa Jacob, kwáh kiʼ atehènhsera entisaró꞉roke, tánon kwáh kiʼ eniesónhnhiaʼke.

Obadiah 1:16

Asè꞉ken tsi nisahnekí꞉ren eʼthó nón꞉we ne akenontatokenhtí꞉ke, katíʼ kwáh nonkwehshón꞉ʼahs enhatihnekí꞉ra ienhatikón꞉tahkwe; kwáh enhatihnekí꞉ra tánon kwáh tshienhatiniaʼkwakwaríhshiaʼte, tánon katíʼ tsi shí꞉ken ní꞉ioht ne iáh ʼeh thaiawèn꞉ʼen.

Romans 12:15

Skátʼne sewathónʼnhare ne ronathonʼnháhere, skát꞉ne tesewaséntho ne tehonsénsthos.

1 Sawátis 3:17

Tóhkaʼ ionkwakwátie tánon enhetʼthíken nakorénson rothinoronsténni, sók entewanóthon nonkweriáne ne rohnonhakéson, onh ní꞉ioht tsi aitewariwanírate tsi etʼtsitewanorónkwa ne Rawenni꞉io?