Proverbs 17:23 - Ohiatonhseratokénti

²³ Ratirihwènhtha ne iáh tethotirihwaié꞉ri ratiié꞉nas ioterihwahséhton nahonatkáriaʼkse sók iáh tetkariwaié꞉ri tsi enhatirí꞉wenhte.

Proverbs 17:23 ပူးပေါင်းရင်းမြစ်များ

Exodus 23:8

Tó꞉sa othènen sewahiéna ne taieʼtsiʼtsikhethároʼse, asèken né tahionthaʼthitsikhetharó꞉se iakahonnhniénhnis nonhkweshón꞉ʼa ne tahierónhweʼke tsi nòkwah ne tkariwaiéri tánon iakohetkenténhnis noriwaʼshónha tsi nihiákon ne iáh tehiakonhníkon.

Proverbs 17:8

Ótiaʼke nón꞉kwe í꞉ienhreʼk tókaʼ entehswistakeʼtó꞉ten ne eniakohskátsten; tsi ni꞉iot tsi thonehtáhkwen akwé꞉kon ne enkakwatá꞉ko.

Proverbs 18:16

Tesatonwenhtsó꞉ni kenh taietsatátken nónhka iehsennowá꞉nen? Ne sénha watié꞉sen iáhshawe tsi okʼnahò꞉tenk ahshé꞉ion.

Proverbs 21:14

Tókaʼ ónhka iesanakhwá꞉se ahtasehtón꞉ke, tiok nahò꞉ten èntshon ne enkakwé꞉ni iaʼtenhshanaʼkwaieʼwèn꞉taʼne.

Ecclesiastes 7:7

Tó꞉ka nónhwa satenikonratʼthókha, ók kíʼ tó꞉ka ónhkak asehnikonhráhten, thóh nisahtierenhátie tsi ní꞉ioht ne thoʼnonhnhótʼte. Tó꞉ka thén꞉enh tahiesatsitkhethá꞉rohse, wasétkenthe ne sahiatorethátshera.

Isaiah 1:23

Né ieshakoráshons iehonwatsatóntsies ne Ní꞉io tánon ne wahonteroserónhni ne ratinénskwas. Onkwetakwékon ne ienónhwes ne knahótenk tahionthaʼthetsikhetáhroʼse tánon ne ratiriwanóntons athatahwí꞉tsheras ahonwanawíhon. Kwáh iáh tethesakótines ne tehiontonhnakárias, tánon ne ionateréhons ahotirihwashónhas iáh rahotihénton tsewétha.

Isaiah 5:23

ronón꞉ha sehshakonatkáwas ne iakoníkon tsioríwa tsi ronwanarahratsʼténhnis athatahwí꞉tshera enhonwanawí꞉hon, tánon tesehiatotʼtakwénhnis ne iáh tehiakoníkon ne raotiʼianerénhseras!

Ezekiel 22:12

Ótiakes ne shonkwetaʼshónha ronatkárhiase tsi ensakonáhsehte. Ótiakes rathikarháiens ne wahtehiárons nenshakotiwístani ne ótiakes Nisraeró꞉nonhs tánon rothikwáhtses tsi nishakonahteniakatsʼténhni. Ionkenikonhrénhen.” Ne Ronhnontí꞉io Roiá꞉ner wahatáti.

Ezekiel 22:27

Ne kakorahsehráhkon ronahterihónton thóh nihatihiathótens tsi ní꞉ioht nokwáho ratiwahrahratiónkwas ne kárhio konhwáhrhio. Sakonahséhtha onhnahiáwenhne nahothikwátsene.

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Micah 3:9

Sewatónhtet kí꞉ken, í꞉se ne sewaʼkóras tsi ronónshote ne Jacob tánon ne sewaterihón꞉tons ne raotinóns꞉kons ne Israerʼró꞉nons, tsi ratí꞉sons ne kaiáneren tehatiwátases nahò꞉ten ne ioterihwakwaríhshion í꞉ken,

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

Deuteronomy 16:19

Tó꞉sa rothiʼiéntak ne iáh tehioteriwakwaríshon tó꞉ka ó꞉ni nahonhnè꞉neste tsi thotiriwarèhkwen tsi nokwáh ne rahotihiaʼtoretátshera; tánon iáh tehiówenk nahatiʼié꞉na ne thé꞉nen tahonwatitsikhethá꞉roʼse, nathatawí꞉tsheras tehiakorónhweks ne ronhteʼnikonhraʼtókhas ó꞉ni ne thonhonkweʼthaié꞉ris, tánon iakahonhnién꞉nis wahétken tsi ní꞉ioht tsi tahatihiaʼtó꞉rehte.

1 Samuel 12:3

Kénʼen í꞉kes; serihwanírat naskatʼkónten raoʼhén꞉ton ne Roiá꞉ner tánon raoʼhén꞉ton ne roʼiatarákwen. Ónhka raoʼtshé꞉nen ne teonákares tionhnhónskwaron iehiʼiaténha? Khéhs ónka raoʼtshénen tehahóntes iehiʼiaténha? Khéhs ónhka ahinikonraténhni? Ónhka ahironhiakénton? Khéhs ónhka ratsanáke nón꞉we nahontónkʼkha tsi tahionkhetsiketároʼse ne ne tsiaʼtahonkateronwékon? Seriwaní꞉rat naskatʼkónten tánon kwáh kiʼténtʼtion tsi nahó꞉ten ne iahónkʼkhake.”

1 Samuel 8:3

Nék ne raoʼnekenterontserashón꞉ʼahs tsi iáh teotíseron ne raoʼteweién꞉na, kwáh nek khók thotiʼnikonratihénthos nahiatʼwistónhni; káti ne waʼniʼienáhseron tsi nathonwatiʼtsikhetá꞉rohse tánon waʼnisakéte ne kariwenhtá꞉tshera.