Proverbs 17:19 - Ohiatonhseratokénti

¹⁹ Ahsenonhwé꞉sheke karihwanéren ne shá꞉ka senón꞉weʼs ne tahshaʼnikohnhrá꞉ren. Tókaʼ tió꞉konteʼ tesataterénhsarons, seriʼwanóntha ki ne kaʼnikonhrharáhtshera.

Proverbs 17:19 ပူးပေါင်းရင်းမြစ်များ

2 Samuel 15:1

Ehʼthóhʼne ó꞉nen ne Absalom tahatáshaʼwenh ne wahohonwiseréhson notsiónkwa káseres tánon kosáhtens wakontirónhten, tánon wísk-niwáhsen niháti ronhnón꞉kwe ne tahonrá꞉tate raohén꞉ton.

1 Kings 1:5

Kíʼ tsi ónenh rawenhéion ne Absalom, ne Adonijah rahónha tokʼsténhaʼkwe, né꞉ne roʼníha ne Táwit tánon né ó꞉ni iathatekénha ne Haggith. Kwáh íken tsi ronhkwetí꞉iohne. Né Táwit iáh nonhwénhton tehotewenhnaienthónhon né tsit nahó꞉ten akénhake, tánon raskánekskwe ne rahónha ahatenonhtí꞉iosʼthe. Wahathatesehrethawíhon notsónkwas, tánon kosáhtens, tánon wísk-niwásen niháti ronónh꞉kwe nahonwahʼiatanonhnatiésheʼke.

Proverbs 16:18

Kanaiéhtshera eniakohshá꞉rine tsi nonkwá ne karihwaiesáhtshera, tánon atkenronniáhtshera ehtà꞉ke ieniakoiaʼténhas.

Proverbs 17:14

Nentewatáhsawen tahsatewennotón꞉ko ne shá꞉ka aontontié꞉renhte ne taká꞉rihte ohné꞉ka tsi ieió꞉re tewahsónhtote; téstahst ohén꞉ton tsi niió꞉re isiʼnón nienhén꞉we.

Proverbs 18:12

Iáh ónhka thatskwénienhste tsik roniténhton; nón꞉kwe iontatón꞉ni tho néntewe tsi eniontatkarón꞉ni.

Proverbs 24:27

Tóhsa satenonhsón꞉ni tánon tserón꞉nits tsi nón꞉we enhsiʼteròn꞉take, tsik saweienentá꞉ʼon tsi nón꞉we tisonhwentsá꞉ien tánon orihwí꞉io tsi enhskwé꞉ni nahsatonhnhíhsake.

Proverbs 29:9

Nó꞉nen ónhka teiakoʼnikonhráthe tsi teieiaʼtorehtáhkhwa enhonwahiatónhseron ne tehotenonhwarorí꞉tonte, nek ne roiéshon tánon iorakaré꞉ni tsi ni꞉iot tsi enhatonkweʼtáksaʼte.

2 Corinthians 12:20

Thiwákterons nó꞉nen téntke tóka iáh shaʼonkwaʼnikòn꞉ra thakénhake. Thiwakteronʼón꞉we sewatiaʼkéhshon tensewarihwatirón꞉take, tensewatateʼnósha, tóka ó꞉ni tensewatatenahkhwá꞉se, tóka ó꞉ni ensewatehtshén꞉hake, tóka ó꞉ni taisewatatenowenhtaniónhahse, tóka ó꞉ni aisewatshokentonníhake tánon taisewatateʼnikonhrakaré꞉wahte. Kwáh ó꞉ni thiwákterons nontié꞉renk aisewanaiéhake sók eh naitsonhnhoténhake tsi ní꞉ioht ne tehatinenhrahrí꞉tha.

Ne꞉ne Sák Rohiaton 1:20

Nahiakonákwen nónkwe iáh thetieriwaiérits ne Rawenni꞉io rahoriwakwarishióntseras tsi nahiotónhake.