Proverbs 17:17 - Ohiatonhseratokénti

¹⁷ Atenró꞉sera tiótkon wé꞉ne ronnón꞉nis ne raotinoronhkhwáhtshera. Kahwá꞉tsire ionkwahrhá꞉re naontaionkhíhnhe, nó꞉nen tentewaʼnikonhrhá꞉ren.

Proverbs 17:17 ပူးပေါင်းရင်းမြစ်များ

2 Samuel 1:26

Wakenikonráksens ne sarihwáke, tiaʼtatèken Jonathan; kanoronkwahtserowánen kén ne ní꞉se nakerihwáke; ne sanoronhkwáhtsera tsi nòkwah ní꞉i tsi niʼionerakwátonne, sén꞉ha isiʼnónwe nikènʼne tsi ní꞉ioht ne konnón꞉kwe.

2 Samuel 15:21

Ók ne Ittai watoriwaserá꞉kwahse ne ronnontí꞉io, “Tsi nironnheónwe ne Roiá꞉ner, tánon tsi nirónhne natiá꞉ner ronnontí꞉io, tsi nón꞉we natiá꞉ner naréhseke, khés ne kenheiát꞉ne khéhs tsi nirónnhe, thó nón꞉we nenhkéhseke.”

Esther 4:14

Tóka iáh thé꞉nen thahsì꞉ron ón꞉wa nikahá꞉wi karonhià꞉ke ki néntewe ne kaiaʼtakehnháhtshera raotirihwà꞉ke ne Sitaeró꞉non, tánon enhatiʼniá꞉kenʼne, ók ní꞉se enshí꞉heie tánon iaʼníha raohwá꞉tsire enhonwanáhtonʼte. Ónhka ó꞉ni iakoterién꞉tare—tóka nón꞉wa ne waʼkarihón꞉ni tsi wesanontí꞉ioʼne!”

Proverbs 16:28

Nón꞉kwe ne iáh tetionkweʼtaié꞉ri teierihwenhawíhtha; ó꞉ni tahshakonaʼnikonhrhá꞉ren tánon tahshakotikháhsi natenroʼseraʼshón꞉ʼa.

Proverbs 18:24

Ótiaʼke natenró꞉sera iáh shaʼtékena té꞉ken, ótiaʼke natenró꞉sera ísiʼ nón꞉we tsi rotirihwató꞉ken tsi ní꞉ioht ne rontateʼkenʼokón꞉ʼa.

Proverbs 19:13

Ne iáh thaʼtehotiʼnikonhráthe ratiksaʼokón꞉ʼa, niaʼté꞉kon entkáhawe nahotikarón꞉ni ne ronwatiién꞉ʼa. Ne iáh thaʼtehotiʼnikonhráthe shakotiienʼokón꞉ʼa entkáhawe niaʼté꞉kon ahontkarón꞉ni. Rón꞉kwe ronià꞉kon ne tió꞉konteʼ iakorihwakatèn꞉ʼen ne shá꞉ka ne tió꞉konteʼ ohné꞉kanos iotshánhon.

Proverbs 19:7

Ók ó꞉ni ne ró꞉ten raohwá꞉tsire ronwakenhrón꞉ni; iáh ki teionehráhkwa tsi iáh tehotenroʼserá꞉ien. Iáh theʼtewatsteríhstha tho ni꞉iot tsi ahateʼnién꞉ten iáh kiʼ thahatkwé꞉ni nahateroʼserón꞉ni.

Hebrews 2:11

Seshakahonnakanónnis nonkwesónha tsi nòkwah nakoriwaherahákʼtsheras, tánon ne tetiáron ne rahónha ó꞉ni tsi niháti ne sohnatonnakanonní꞉ion kwáh né shahotinísera. Né aoríwah ne Ié꞉sos iáh tahatéhens nashakonathónkwen raowáhtsire.

Ruth 1:16

Tontakariʼwaserá꞉ko ne Ruth, “Tóhsa takeriʼwanón꞉tons nakoniá꞉tkawe! Takeríhon naiétene. Tsi nón꞉ nienhénhse tho kiʼ niʼ ní꞉i nienhén꞉ke tsi nón꞉ nenhsiʼteróntake tho kiʼ enkiʼteróntake. Sonkweʼtaʼshón꞉ʼa í꞉ʼi꞉ ó꞉ni akonkweʼtaʼshón꞉ʼa enwá꞉ton tánon Saní꞉io í꞉ʼi ó꞉ní Akení꞉io enwá꞉ton.

1 Samuel 18:3

Eʼthóhʼne ne Jonathan wahiatsaʼnerenhserónhni ne Táwit, tsioríhwa tsi nihonorónhkwah kwáh tsi ní꞉ioht tsi rónnhe ne raónha.

1 Samuel 19:2

Ne Jonathan wahoronkáten ne Táwit, “Ne rakení꞉ha Saul í꞉rehre naianonwarhiákhon; ne kiʼ aorí꞉wah sathatenikonráhrat noronhkéne; thóh shé꞉sek tsi nón꞉we nihiotaséhton tánon sathatiatásek.

1 Samuel 19:3

Ní꞉i kwáh thóh ièn꞉ke tánon thóh tenkʼtáhne raiatákʼta ne rakení꞉ha thóh kahentáhke tsi nón꞉we ní꞉se ní꞉ses, tánon tenhiakenithá꞉ren ne rakení꞉ha ní꞉se sariwá꞉ke; tó꞉ka thènon enkeriwatsén꞉ri kwáh kiʼ enkonró꞉ri.”

1 Samuel 20:17

Ne Jonathan wahahónhnien ne Táwit nahariwanírate shé꞉kon ne raonoronkwáhtshera tsi nòkwah ne raón꞉ha; asèken ronorón꞉kwah tsi kiʼ ne nihanorón꞉kwah tsi nirónnhe.

1 Samuel 23:16

Tánon ne Jonathan ne ne Saul roiénha, wathá꞉tahne, tánon thóh wárete tsi thonón꞉shote ne Táwit ne ne Horesh nón꞉we, tánon thóh nón꞉we iahonikonráhreke ne tsi wahashátstenhne ne rahwetakwáhtshera raonháke ne Ní꞉io.