Proverbs 17:14 - Ohiatonhseratokénti

¹⁴ Nentewatáhsawen tahsatewennotón꞉ko ne shá꞉ka aontontié꞉renhte ne taká꞉rihte ohné꞉ka tsi ieió꞉re tewahsónhtote; téstahst ohén꞉ton tsi niió꞉re isiʼnón nienhén꞉we.

Proverbs 17:14 ပူးပေါင်းရင်းမြစ်များ

2 Samuel 19:41

Eʼthóhʼne ratikwé꞉kon nonkweʼókons NIsraerʼronónke ronnontí꞉ioke niahónhne, tánon wahonwénhase, “Onhnón꞉tiere ne iakwatatekénʼahs ne Judahró꞉nons tsi éhren wahesaiatenhá꞉wite nontionhá꞉ke, tánon tahonwahiaténhawe ne ronnontí꞉io ó꞉ni ne raowátsire wathonwahiaiát꞉te ne Jordan kaniataratátsie, tánon ratikwé꞉kon ne Táwit raonkweʼtashón꞉ahs?”

2 Chronicles 13:17

Né Abijah tánon ne raotsiókwah ronhterí꞉ios tsi nahonwatiʼiérahse Nisraeʼró꞉nons wathonwatinetstorahrát꞉kon tsi wahonwatisénhni—satesewasénhnon ne mirihien nihá꞉ti ne kwáh thonhnonhkwetí꞉iosʼkwe Nisraeʼró꞉nons ronhterí꞉ios wahonwatinonwariakónhnion.

Proverbs 13:10

Ne wanonhthonnionhtsheráksen nek tkáhas taionʼnikonhrhá꞉ren. Ne sénha wattokhahtsherí꞉io nahseriʼwanón꞉ton naiesaʼnikón꞉ron.

Proverbs 14:29

Tókaʼ saʼnikonhrí꞉io, tesaʼnikonhráthe kiʼ, tókaʼ senaʼkwahseró꞉hen, nek ne enhshenaʼtón꞉hahse tsi tehsatenonhwarorí꞉tonte.

Proverbs 15:1

Tókaʼ skenén꞉ʼa tsi tenhserihwaʼserá꞉ko shakʼthenwá꞉ton ne kanaʼkhwénhtshera, nok ne kanaʼkhwenhsherá꞉kon nowén꞉na sénha eniakonaʼkón꞉ni.

Proverbs 16:32

Ne sénha ioiánere ne iakoʼnikonhrí꞉io tsi ní꞉ioht ne aiakoʼshatstenhserowanénhake. Ne sénha ioiánere aontahsanónhton tsi sónhnhe tsi ní꞉ioht ne aontasahnónhton tsi kanataién꞉ton.

Proverbs 17:19

Ahsenonhwé꞉sheke karihwanéren ne shá꞉ka senón꞉weʼs ne tahshaʼnikohnhrá꞉ren. Tókaʼ tió꞉konteʼ tesataterénhsarons, seriʼwanóntha ki ne kaʼnikonhrharáhtshera.

Proverbs 19:11

Tókaʼ sattokhahtsherí꞉io enhskwé꞉ni ki aontahseniaro꞉taroʼke ne sanaʼkhwénhsera. Nó꞉nen ónhka eniesaʼnikonhráksaʼte, ne iorihowá꞉nen tókaʼ enhskwé꞉ni tóhsa tahserihwáhshnieʼne.

Proverbs 20:3

Thiʼkawenní꞉io ónhka tehotenonhwarorí꞉tonte aontahatáhsawen ne tahaterihwakén꞉ni; ne ioiánere é꞉ren satatiatenhá꞉wiht.

Proverbs 25:8

Tóhsa só꞉tsi tesasteríhen kaianerenhserà꞉ke niáhse tsi nahò꞉ten wahsatkáhtho. Oh nénhshiere tókaʼ akó꞉ren enierihwahní꞉rate tsi nahò꞉ten í꞉sen iáh tó꞉kenhske té꞉ken?

Proverbs 26:21

Ohswèn꞉ta katsí꞉rakatste, ó꞉iente enhshientóntho eniotékhake kiʼ tánon ó꞉ni ne ronnéhsaks ne tahonterihotáhrho ratinón꞉weʼs aiónhnheke ne taionterihwakén꞉ni.

Proverbs 29:22

Nón꞉kwe ienaʼkwahseró꞉hen tkáhas wé꞉so ne taionterihwakén꞉ni ó꞉ni kaʼnikonhrharáhtshera.

Romans 12:18

Kwáh oriwakwékon iathesháti satheniénten neh skén꞉nen ahkénhake tsi natesewáterhe.

1 Thessalonians 4:11

Sewahkwísron ne kwáh sakʼtakénhake tsi aitiónnheke, nek khók sewahstérist ne sewahriwasónhas, tánon sewahióten tsi sewahtanonʼnhakénen, kwáh tsiʼnitkwahróhri ne tiotserénton.