Proverbs 17:11 - Ohiatonhseratokénti

¹¹ Kenhé꞉ion éntewe tsi ní꞉ioht iáh tehotennitenrá꞉tskon rarihwakarénieʼs tsi nonkwá ne iáh tetionkweʼtaié꞉ri ne tsi tiótkon kaʼnikonhrharáhtshera tehonawénrie.

Proverbs 17:11 ပူးပေါင်းရင်းမြစ်များ

2 Samuel 15:12

Tsi nikarí꞉wes ne Absalom ne wahateriwathéntsiaʼte wahatenaskwaʼtsahatá꞉nion, Ahithophel Giloró꞉non ne sahotiéten ne iahá꞉sa, ne roʼtenikonráwiskwe ne Táwit, thóh nón꞉we nithawénon raonatowanénhke Giloh. Ne kariwaséhton ontehiá꞉ron wakasháststenhne, tánon nonkweʼókons iakotsiokowanenhonhátie ne Absalom raoriwá꞉ke.

2 Samuel 18:15

Tánon oiéri nihá꞉ti ne ken nithotiʼiónsa, ne ne Joab rateriʼiostákwah ratíhas, watonwahonwarón꞉ni ne Absalom tánon waʼtonwahnonwárehke tánon wahonwanonwarhiákhon.

2 Samuel 18:19

Ehʼthóhʼne Ahimaaz ne ne roiénha ne Zadok wahén꞉ron, “Ahnion takerí꞉hon niatakarátate, tánon iakeriwénhawe ne kariwí꞉io rahonháke ne ronnontí꞉io nètho Roiá꞉ner tsi sahohiatotarí꞉si tsi nòkwah ne raotishaststénsera ne ronwásons.”

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

2 Samuel 20:22

Ehʼthóhʼne ne iónkwe thóh niahá꞉he onhkwéʼne ne iaká꞉hawe ne aówenk tsi niiotenikonrón꞉ni. Tánon wahonwanontsístsiake ne Sheba ne roiénha ne Bichri, tánon thóh iahó꞉ti tsítʼres ne Joab. Káti ne raónha wahahonráwate ne iehonrawátsta, tánon éhren sahónhnete ne kanatowanénke, tánon ratikwé꞉kon tsi thotinonshó꞉tons nionsahónhne, ók ne Joab Jerusalem neh nionsá꞉re.

1 Kings 2:31

“Tó꞉ki nátier tsi niháton ne Joab,” tsi watharihwasehráko ne Solomon. “Tsenonhwarhiákon tánon tsiatháta. Ethòne kíʼ ní꞉i tánon nakorénhsons ne Táwit rahowátsires tsi iáh thaʼhonsahiakwahterihwakéthaʼte tsi nahó꞉iere ne Joab nó꞉nen sahononhwarhiákon ne iáh othènen tehoníkon ronhkwekénhʼen.

1 Kings 2:46

Ethòne kíʼ ne ronhnonhtí꞉io wahó꞉nahne ne Benaiah, iahá꞉re tánon wahononhwarhiákon ne Shimei. Ó꞉nenh kíʼ ne Solomon kwáh hiatehahiáti tsi roʼterihwatsʼteríston.

Proverbs 17:10

Nón꞉kwe ne teiakoʼnikonhráthe sénha wé꞉so enieweientéhtaʼne ne énska khók aiontattéhten tsi ní꞉ioht tehotenonhwarorí꞉tonte ók ó꞉ni énska tewenʼniáwe ahonwanonhwáreʼke iáh ki thahaweientéhtaʼne.

Proverbs 17:12

Ne sénha ioiánere taietsàteraʼne ne konwaʼnisténha ohkwá꞉ri konwawiranénhskwen tsi ní꞉ioht ne taietsàteraʼne rononhwaró꞉ri iáh orí꞉wa té꞉ken tsi nihatiéhrha.

Proverbs 24:21

Konién꞉ʼa, wé꞉so tsi etskweniènhsthak ne Roiá꞉ner, tánon etshennó꞉wanaʼt ne ronontí꞉io. Tóhsa sewatén꞉rok nón꞉kwe ne iáh tehontahónhsatats tsi nihotirihò꞉ten ne Roiá꞉ner tánon ne ronontí꞉io;

Matthew 21:41

Tontahonniron: Oriȣiio onȣe tsi enhatennhane enhonȣanaȣentho nok akoren ensesakoni nenhonȣaȣiseke tsi nikon raoȣenk.

Matthew 22:7

Ȣahonakkȣen nʼOnontiio-koȣa Sahariȣaronke, iasakotori raosotarha ȣasakonaȣentho ne rontaȣenthos, nok ȣasakohnatenatentaȣe.

Luke 19:27

Nok kenh kaien ne ionksȣens oni iah tehonathontaton akheiaststeriston karo nontaietsiiatenhaf nok akkenton ietsiiaȣentho.