Proverbs 17:10 - Ohiatonhseratokénti

¹⁰ Nón꞉kwe ne teiakoʼnikonhráthe sénha wé꞉so enieweientéhtaʼne ne énska khók aiontattéhten tsi ní꞉ioht tehotenonhwarorí꞉tonte ók ó꞉ni énska tewenʼniáwe ahonwanonhwáreʼke iáh ki thahaweientéhtaʼne.

Proverbs 17:10 ပူးပေါင်းရင်းမြစ်များ

Psalms 141:5

Sehríhon ne rotirihwakwahríshions ahionkatewenhnaiéntonhwe; seríhon ne rotirihwató꞉ken tiontʼkerihwakwahríhshias. Tó꞉sa nonwénhton ne raonénhie ne ronhnonkwetahét꞉kens ne ahionkenontsistókaʼwe, asèken nakaterénhnaient iehiorihwakonhtákwen tsi kát꞉konte tsi nihatiweienhnák꞉sens.

Proverbs 13:1

Ratsa꞉ʼa ne raʼteʼnikonhrattókha enhotahónhsatate ne roʼniha nó꞉nen enhotakwahrisi, ók ne ratiʼnikonhráksen iáh nonhwénhton tahontró꞉ri nahò꞉ten ne iáh tetkariwaié꞉ri tsi nihontiéhrha.

Proverbs 15:5

Teiotenonhwarorí꞉tonte ne tóhsa ahshié꞉na nahò꞉ten ne iesaién꞉ʼa iesarihonnién꞉ni, wattokhatsherí꞉io nahshié꞉na nahò꞉ten eniesarihwakwaríhshien.

Proverbs 17:11

Kenhé꞉ion éntewe tsi ní꞉ioht iáh tehotennitenrá꞉tskon rarihwakarénieʼs tsi nonkwá ne iáh tetionkweʼtaié꞉ri ne tsi tiótkon kaʼnikonhrharáhtshera tehonawénrie.

Proverbs 17:9

Tókaʼ íhsehre nón꞉kwe aiesanón꞉weʼne, sasheʼnikónhrhens nó꞉nen eniesakarón꞉ni. Tókaʼ enhsehiá꞉rake nahò꞉ten ioʼtáksenʼs tenhtsatenroʼseráksenʼne kiʼ.

Proverbs 19:25

Atkanronniáhtshera teiotonhwentsóhon akahrewáhton, ó꞉nen ki nen né꞉ʼe nón꞉kwe ne iáh tshiekaié꞉ri teiakoterién꞉tare enwá꞉ton naieweientéhtaʼne. Tókaʼ ká꞉ti tesaʼnikonhráthe, enhseweientéhtaʼne nónhka aiesarihwakwaríhshien.

Proverbs 27:22

Ók ó꞉ni tókaʼ wahonwanonwenhserário tsi niió꞉re ne kenheiá꞉tne, ne tehonatenonhwarorí꞉tonte shé꞉kon kiʼ iáh thaʼtahsheté꞉ni tsi tehonatenonhwarorí꞉tonte.

Proverbs 29:19

Iáh thaʼón꞉ton nahsherihwakwaríhshien ne kahnhá꞉tshera nek ne ahshehtháhrhahse. Tókaʼ nón꞉wa enhotiʼnikonhraién꞉taʼne nok kiʼ iáh oʼthé꞉nen thahontahónhsatate.

Revelation 3:19

Enkheiaʼtewenhnaién꞉tonhwe tánon enkheriónhnien tsi niiá꞉kon ne khenorónhkwa. Kwáh kíʼ tasewaʼnikonrakontakwénhak, ne aorí꞉wa, tánon sasewatatré꞉wat.