Proverbs 16:7 - Ohiatonhseratokénti

⁷ Nó꞉nen entsheʼnikonhraié꞉rite Roiá꞉ner, enhskwé꞉ni ne iesáhswenhs ahsheiatenroʼserónnion.

Proverbs 16:7 ပူးပေါင်းရင်းမြစ်များ

Genesis 27:41

Nón꞉wa ne Esau róhswenhskweʼ ne Jacob, ne iorihonní꞉ʼon ne kaiaʼtateríhtshera ne roʼníha tsi roiaʼtateríhston ne Jacob, tánon ne Esau raonhá꞉ke khók tsi wahén꞉ron, “Ne wentaténionʼs nahonwatshón꞉nionʼse ne rakeʼníha ákta taiawenonhtonhátie; eʼthó꞉ne kíʼ enhinonhwariá꞉kon ne iatiatateʼkén꞉ʼa Jacob.”

Genesis 32:28

Eʼthó꞉ne ne rón꞉kwe wahén꞉ron, “Kwáh kíʼ ó꞉nen iáh Jacob thaonsaiesanaʼtónhkhwake, ók Israel, aseʼkénh wetsaterí꞉io ne Rawenni꞉io ó꞉ni nonkwehshón꞉a, tánon kíʼ wahsatkwé꞉ni.”

Genesis 33:4

Ók ne Esau hiatarahtate Niatahoterate, tánon tahohiéna, tánon iahoniása tánon wathonoronhkwahniónton, tánon wathasénhtho.

2 Chronicles 17:10

Né Roiá꞉ner kwáh akwé꞉kon niaʼsakahónhnien ne aktónhties kanakeraserakérons nahonwatsanísehke ne Jehoshaphat né꞉ne tó꞉sa iahonwatsatónhti nahonterí꞉io.

2 Chronicles 20:30

ká꞉ti ne Jehoshaphat kwáh skénnonk tsi wahatkórasʼte, tánon Rawenni꞉io taháwenh ne kaiatanonstátʼtsheras né kwáh tsitnahontahiotsherátonhke.

Ezra 8:36

Káti ó꞉ni iahatíhawe ne kaiatónhsera ne ronhnontí꞉io teshakó꞉wi tánon ne tahonwénhnon ne ratikoráhsons ó꞉ni ne ronaterihónʼtons ne tsi iaʼtewatséntos nokwáh ne Euphrates Wathonhontsá꞉ien, ethò꞉ne ó꞉nenh ne ronónha tahonwanatswanónhna nonhkweshón꞉as tánon Nononsatokentihkó꞉wane.

Psalms 69:31

Né kí꞉ken enthonikonhraiérihte ne Roiá꞉ner sénha tsi ní꞉ioht ne tionhnónskwaron teonákares khés nahiʼiateskóntʼthase ne rotehiáron tionhnónskwaron rátsinn.

Exodus 3:21

“Kwáh enkhehiónhnien ne Egyptró꞉nons naietʼtsikwéniensthe ne káti nó꞉nen nakonhkwetashón꞉ʼas enshonténti, iáh káti thatahoʼnatsaʼnenhtónhne.

Proverbs 16:8

Ne sénha ioiánere ne ostón꞉ha tahsatèn꞉tsha tókaʼ tkarihwaié꞉ri, tsi niʼiot ne wé꞉so tahsatèn꞉tsha tánon iáh tetkariwaié꞉ri tsi ní꞉ioht tsi wesaién꞉taʼne.

Proverbs 3:17

Attokháhtshera entkáhawe ne ionʼwé꞉sen tsi ahsónhnheke eʼthó niensaiaʼténhawe tsi nón꞉we aiesaiaʼtanónhstate tsi iathenshotʼkawe.

Jeremiah 15:11

Saiá꞉ner, akwékon ne rahonatkenrensehronniátshera thóh nahiáwenhne tó꞉ka iáh kahiotenserí꞉io tsi tekonhiótenhse, tó꞉ka iáh tekonhianiténthaʼse ne hiónkswenhs rahothiriwáhke nónhnen shaʼthonihnikonhráhren tánon wahatiʼnikonhrahronhiáken. (

Jeremiah 39:12

“Wáhs tánon tsiatishákʼka ne Jeremiah tánon kwáh ioianeréhak tsi thaʼtsiatewehienthónhas. Tó꞉sa thènenh skarèhwat, ók thóh náhtiere tsi nahthehothonwenhtsóni.”

Jeremiah 42:12

Tsioríhwah tsi wahkahtennitenrátskon, enhiʼiónhnien nahienténhre tánon enhiaríhon nahonshaʼsahténti. Í꞉i, ne Watiá꞉ner, wakahtáti.’

Daniel 1:9

Tánon ne Rawenni꞉io wahaónnien ne Ashpenaz nahorì꞉wawaʼse ne Daniel.

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

Philippians 4:18

Kwá akwékon sewakatkarhiákʼse, ó꞉ni tsiníkon ioteiarónhon. Kwá íken tsi wakerientí꞉ios tsi nahoténsons waskwawíhon neh Epaphroditus thakawitén꞉ni. Neh teskaieróntare ne kwá teiohtsikhétare tsiniwenserákon ionthatáwis tóhka ó꞉ni ne kwá tkariwhaiéri ne hiontsenkwaronniathákwa ne rawehrienthiʼióstha ne Rawenni꞉io.

Colossians 1:10

Eʼthò꞉ne káti khók enskwé꞉ni nasónnheke tsi natehontonwentióni ne Roiá꞉ner tánon ó꞉ni thóh nénhsere tsi nahó꞉ten ne rawerientiióstha. Tsi tiónhne niaté꞉kon tsi ní꞉ioht tsi enwehiá꞉ron ne kahiotenserí꞉ios, tánon kwáh ensatehiá꞉ron tsi nentseriwahientérane ne Rawenni꞉io.

Colossians 3:20

Sewaksaokónhas, tsi sewariwiióstons kwáh sewateriwaié꞉ni ne tiótʼkonhón꞉we aieʼtsiwenhnaráhkwake ne iaʼní꞉ha ó꞉ni ne saʼnisténha, asè꞉ken ne rawerentihióstha ne Rawenni꞉io.

1 Tiér 3:13

Ónhka aiesakarónni tóhkaʼ ne saskáneks aisaióten ne ioiánere?

1 Sawátis 3:22

Entewaiéna kwá tsi nahoténsons entsitewariwanóntonse, ne tsi ehtsitewawennarákwa tánon ne ionkwahióte nahontatsitewanikonraiérite.