Proverbs 16:27 - Ohiatonhseratokénti

²⁷ Nón꞉kwe ne iáh tethotirihwaié꞉ri ronné꞉saks ne ahshakotikarón꞉ni nakotiaʼkéhshon; ók ó꞉ni wátshaʼahs tsi thatiwennínekenʼs.

Proverbs 16:27 ပူးပေါင်းရင်းမြစ်များ

Ne꞉ne Sák Rohiaton 3:6

Tánon kíʼ nawenʼnáson kwá né꞉ne ótsire. Kwá ohontsiakwékon tsi iáh tetkaiéri, thóh nón nihiotienawáston nonkwaiéronke tánon ne tehioreniáton ne wahétken ne tewahiatakwékon. Kwá enhiotsirótake tsi nikaríwes entiónnheke, nótsire kwá onèson nón nitewétha tsi hioʼtsiénnis.

Proverbs 6:14

Tió꞉konteʼ nek ronnonhtonniónkwas nahò꞉ten ioʼtáksen nahshakotikarón꞉ni tsi nón꞉we nienhón꞉ne.

Isaiah 5:18

Ní꞉se enseshataʼteriwásthen, í꞉se neh shé꞉sereh ne kariwáneren ne sathironhtákwen nahosehrí꞉ie nonhówenhs tánon ne kariwahétkens kwáh thóh ní꞉ioht kwáh ne ne otsiónkwa aosehrí꞉ie.

Proverbs 6:12

Iáh shaʼtékena té꞉ken tsi nihatiiaʼtó꞉ten ne rotirihwaneraʼákskon ne tsi tió꞉konteʼ ronnonwenhtánions.

Psalms 57:4

Kwáh tehionkehonwaʼrónhni ne iónkshons, ne ronhnónha thóh nihatihiatóten tsi ní꞉ioht ne ónhkwe sakotiwáʼraks kénreks. Ne tsi ratinotsiótons kwáh né꞉ne osìkwe tánon kaiénkwires, né ronhnasákes kwáh né꞉ne iosarotí꞉ie.

1 Samuel 25:17

Ó꞉nen kiʼ thóh nón꞉we naisateréntahrak kí꞉ken tánon tetsatóret onkwanáshiere; asèken ne kariwahét꞉ken teioiatoréhton tsi nòkwah ne shonkwaiataʼkwení꞉io tánon tsi nòkwah nakwé꞉kon tsi rononshó꞉tons; ne raónha tsi nironkweʼtahétken nètho iáh ónka tewátons ne tanitháren.”

Proverbs 2:4

Wé꞉so tsi sé꞉sak tsi shí꞉ken ní꞉ioht tókaʼ kahwistarà꞉ken tókaʼ ni ahsetshén꞉ri ne wahsehtánion atshoʼkowáhtshera.

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

Habakkuk 2:13

Nonkweshón꞉as ne sehiatsiatakweʼniióston tsi rotihiothénhen iáh kíʼ othé꞉nen tatehonaténhtion nahontsenhnonhniátakwe. Wahonteshatstenhserók꞉ten, ók akwé꞉kon tsi ní꞉kons ronatenonshonhniá꞉kon kwáh kíʼ enhiotéke. Kwáh seh Roiá꞉ner Roshatstenhserowá꞉nen kí꞉ken thóh nihaié꞉ra?

Proverbs 16:26

Rón꞉kwe ne roióʼte rotonhkariá꞉kskon sénha enhahkwísron enhoióʼten ne tsi enhawerienʼtí꞉io nó꞉nen tenhsatská꞉hon.

Proverbs 16:28

Nón꞉kwe ne iáh tetionkweʼtaié꞉ri teierihwenhawíhtha; ó꞉ni tahshakonaʼnikonhrhá꞉ren tánon tahshakotikháhsi natenroʼseraʼshón꞉ʼa.

Proverbs 16:30

Seʼnikón꞉rarak nón꞉kwe rotikonhsaiéhshon tánon rontkahrokeríkhons tsi teiesaká꞉nere; karihwáksen tsi nahò꞉ten ronnonhtonniónkwas.

Proverbs 19:28

Iáh theteká꞉ien naterihwakwarihshiónhtshera ne iakoteʼnikonhríson naierihwahní꞉rate nónhka aiontatkarón꞉ni. Nón꞉kwe iáh tetiakorihwaié꞉ri ienorónhkhwa tsi nahò꞉ten ne karihwáksen.