Proverbs 16:24 - Ohiatonhseratokénti

²⁴ Kawenní꞉ioʼs ne shá꞉ka ne otsiʼnahkontahkwá꞉ne ne ótsikheta—teiotsikhè꞉tare nahsátkenʼse tánon iakaohnhiióhstha.

Proverbs 16:24 ပူးပေါင်းရင်းမြစ်များ

Psalms 119:103

Tsi natehiowenhnatsikhétares ne sarihonhnienhnítseras, sénha ne tehiotsikhétare tsi ní꞉ioht notsinakonhthakwáhne raotiʼtsikhéta!

Psalms 19:10

Sénha né tehiorenhkénʼniet nètho tsi ní꞉ioht nowistanóron, ó꞉ni ne wé꞉so kawistanoronhtserí꞉io; tánon sénha tehiotsikhétare tsi ní꞉ioht ne otsinakontakwáhne otsikhéta, tánon tsi niwattsánons ne tsi rathisestathahástha notsinahkontakwáhne.

Proverbs 12:18

Iáh tewanonhtonnionhtsherí꞉io nowennaʼshón꞉ʼa tho ni tsi ensakaré꞉wahte tsi ní꞉ioht ne aʼshareʼkó꞉wa, sók ne tkawennaié꞉ris enwá꞉ton ensátsenʼte.

Proverbs 15:23

Iotonhnhá꞉raht nó꞉nen enhsetshén꞉ri ne kwáh tkawennaié꞉ri tsi nahò꞉ten saterihwahtentiá꞉ton!

Proverbs 15:26

Roiá꞉ner ráhswens ne iáh tewanonhtonnionhtsherí꞉io, nok rawerienʼtí꞉ios nowennaʼshón꞉ʼa ne watenroʼserí꞉io.

Proverbs 17:22

Satonhnhá꞉rak ne entkáhawe ensataʼkarí꞉teke. Tókaʼ tió꞉konteʼ saʼnikonhrèn꞉ton skenén꞉ʼa tsi enhsíheie.

Proverbs 23:16

Enkená꞉ieʼne nó꞉nen enwakathón꞉teʼne tsi sáhthare nattokháhtshera owennaʼshón꞉ʼa.

Proverbs 27:9

Iontiaʼtakonʼonhstáhkhwa tánon wenhserákonʼs kén꞉ie entkáhawe enhsatonhnhá꞉ren, ók ne kaʼnikonhrharáhtshera enkaríhsi tsi skén꞉nen sanonhtónnions.

Proverbs 3:8

Tókaʼ tho náhshiere, kwáh né꞉ne toʼk nikanonhkwahtsherí꞉io naonsonnihnón꞉ni tsi sakarewáhton tánon ká꞉ron nenhseronhiá꞉ken.

Proverbs 4:22

Akewennaʼshón꞉ʼa entkáhawe natónhnhets tánon ataʼkaritéhtshera ne ónhka eniakoʼnikonhraién꞉taʼne.

Ecclesiastes 12:10

Ne sakorihonhniénhni wahateniénten nahatsénhri ne watewenhnaʼtsésens, ók nowenhnásonhs ne rohiathónhnions kwáh ohriwí꞉io íken.

Song of Songs 4:11

Tsi niʼiawenhontserákon ne otsikhéta ne iawere, serítiake; ne senhnasáke onónhta íken tánon otsikéta nakeriwáke. Ne satʼtserónhniat thóh niwenhseró꞉ten kwáh ne ne Lebanon.

Jeremiah 15:16

Wahsekthárahse, tánon kwáh tsi niaʼtekawénhnahke tsi wahkathahonshá꞉thaʼte. Ní꞉i i꞉se sonkwétha, Saiá꞉ner Sewenní꞉io Shaʼshastsʼtenserowáhnen, tánon káti ne shaʼwénhna wahkánhaʼne nakwerhiáne natʼtsennónhnia ó꞉ni natnonnharáttsera.

Deuteronomy 32:2

Nakerihonhnienhní꞉tshera thóh ní꞉ioht tsi entewasénhne tsi ní꞉ioht ne iostharathénions nenhiokén꞉nore tánon thóh nenhiá꞉wenhne nonhontsà꞉ke tsi ní꞉ioht ne iohawé꞉ien. Nakewenhnahó꞉kons entewasénhne tsi ní꞉ioht ne iotsatharátses nenhionatstaraté꞉ni ne ohonwá꞉rahses, tsi ní꞉ioht ne skenénha tsi ní꞉ioht tsi iokenhnó꞉ron ne ohonthásehke.

Revelation 10:10

Káti iaháko ne kenhní꞉wa kahiatonhserakwenhnón꞉ni ne ratsá꞉nake ne raronhiakeró꞉non tánon wáhkehke, thóh natehiotsikhè꞉tare ne tiá꞉kon tsi ní꞉iot ne otsinaʼkontaʼkwáhne otsikhè꞉ta ne tiá꞉kon, ók nó꞉nenh saʼké꞉ke, ne kenekwenhtá꞉kon wahotskárane.