Proverbs 16:21 - Ohiatonhseratokénti

²¹ Nónhka tehoʼnikonhráthe tánon rotonkweʼtíson ronwaienté꞉ri tsi roʼnikonhraientá꞉tskon. Sénha ronʼwé꞉sen tsi enthatà꞉ti sénha kiʼ enthonwéhtahkweʼ.

Proverbs 16:21 ပူးပေါင်းရင်းမြစ်များ

1 Kings 3:12

kwáh kíʼ thóh nénhtiere tsi nasehrihwanónhton. Kwáh sénha iawethowánen nathokhátsera entkónhion tánon ne kanikonhraienthátsera tsi ní꞉ioht nónhka akóren tsi nitsawénon tánon iáh shé꞉kon nónhka nakóren thóh tahonhsahiothónhake.

Psalms 45:2

ʼI꞉se ne kwáh tesenekénhteron tsi niháti ne ronhnónkwe; tsi nisahronkhatserí꞉io tsi ní꞉ioht tsi sathátis. Né Rawenni꞉io tiotkonhónwe iahiatateríston.

Proverbs 10:13

Ón꞉kwe ne iakoʼnikonhrowá꞉nen karihwí꞉ioʼs tsi enhontá꞉ti, nok ne iáh tehotiʼnikonhraientátskon teiotonhwentsóhon nahonwatihré꞉wahte.

Proverbs 10:23

Teiotenonhwarorí꞉tonte naiontonhnhá꞉ren ne thé꞉nen naióntiere ne wahétken. Nón꞉kwe rotiʼnikonhrowá꞉nen rononʼwéskwani nahò꞉ten wattokhahtsherí꞉io.

Proverbs 10:8

Ón꞉kwe ne iakoʼnikonhrí꞉io enieié꞉na nahò꞉ten ne tkariwaié꞉ri eniontathró꞉ri. Ón꞉kwe ne teiotenonhwarorí꞉tonte tsi rontà꞉tis enhontatkarón꞉ni.

Proverbs 15:7

Nón꞉kwe tehotiʼnikonhráthe, attokháhtshera tehonrenià꞉tha, iáh kiʼ nen né꞉ʼe ne rotinonhwaró꞉ri.

Proverbs 16:22

Attokháhtshera tiohné꞉kote ne iónhnhe nónhka teiakoʼnikonhráthe nok ahsateʼnién꞉ten ahsherihónnien ne iáh thaʼteiakoʼnikonhráthe iáh shaʼtékena té꞉ken.

Proverbs 23:15

Konién꞉ʼa, tókaʼ tensaʼnikonhrátheʼne, wé꞉so tsi enkatshennón꞉ni.

Proverbs 27:9

Iontiaʼtakonʼonhstáhkhwa tánon wenhserákonʼs kén꞉ie entkáhawe enhsatonhnhá꞉ren, ók ne kaʼnikonhrharáhtshera enkaríhsi tsi skén꞉nen sanonhtónnions.

Ecclesiastes 12:10

Ne sakorihonhniénhni wahateniénten nahatsénhri ne watewenhnaʼtsésens, ók nowenhnásonhs ne rohiathónhnions kwáh ohriwí꞉io íken.

Isaiah 50:4

Né Roiá꞉ner Ní꞉io thaʼkáwi né rawenhnáson ne naʼsakoʼrihón꞉nien, ó꞉ni tsi niʼiákon nó꞉nen ronwatirihʼhonhniénhni né nahón꞉ton nahonkateriéntaraʼne onhní꞉iot tsi akheʼiatiénawaste ne teiakowiʼsenhéion tsi akhethá꞉rase. Niaʼtehioronhketsheráke ratiétha— raiétha nakwahónta né nakatahonsaʼtáte kwáh tsi ní꞉ioht tsi niʼiá꞉kon ne ionthaterihʼhonhniénhni.

Hosea 14:9

Tsi nihiá꞉kon ne iontenikonraʼthókha iakonikonraiéntas kí nahorihothénsons; tsi nihiá꞉kon ne ieierihwákens iakoteriènhtare. Asè꞉ken ne raoweiénhnas ne Roiá꞉ner tkariwaié꞉ri í꞉ken, tánon ne tionkweʼtaié꞉ri thóh nón꞉we nihiakothaí꞉take, ók ne rotiriwanerahátskon né꞉ne tonasitsiátstha.

Matthew 11:25

Ethone ne Iesos tontahenron: O konsennaiens Rakeni, ok tiseȣenniio tsi Karonhiate oni tsi Ionȣontsiate, ne tsi sheriȣasetenni neh nikarihotens ne iontokhas oni ne ienikonrasson, nok neh ne kenniiakasa shetokatenni.

Luke 4:22

Akȣekon ok oni ronȣariȣaȣasehakȣe, nok iakohnerakȣaskȣe tsini kaȣenniios ne thaȣenninekens; nok iontonhakȣe: iah kenh naha neh teken ne Sose roienha?

John 7:46

Tontahonniron ne ratiriton: Areko nonȣenton teiotetsenrion enskat ne ronkȣe eh nahoieren tsi ahatati tsiniiot ne kenhkaien.

Romans 16:19

Akwékon iakoriwarónken tsi nisewariwatóken tsi nòkwa ne oriwatokénti, neh kíʼ karihónnis tsi niwakatʼtsennónni níse sewariwáke, tewakatonwentió꞉ni naihsewanikonrowanénhake tsi nòkwati ne ioʼiánere, nók tóhsa tesewawénrie ne wahétken.

Ne꞉ne Sák Rohiaton 3:17

Nók ne karonhiáke nitiawénon ne kanikonraienthátsera kwa né aóskon íken; tánon ó꞉ni sakthíken, tioriwaiéri, ó꞉ni wateroserí꞉io; kwá thitʼkáhere nataniténron ó꞉ni ne kaientwákwas ne kahiotenseríʼios; iáh ó꞉ni tehiotkenronniáskon iáh ó꞉ni kaierónsera tèken.