Proverbs 15:9 - Ohiatonhseratokénti

⁹ Roiá꞉ner ráhswens tsi nihotiianerenhserò꞉ten ne rononkweʼtáksen, nok shakonorónhkhwa nónhka tierihwaié꞉rits.

Proverbs 15:9 ပူးပေါင်းရင်းမြစ်များ

Psalms 1:6

Asèken ne Roiá꞉ner ranikonrahrá꞉tsies tsi rotihatátse ne tionkwetaiéris, ók ne tsi rotihatátsie ne hionkwetahétʼken thóh né nón꞉we nieiawéhnon tsi iohatátsie natkaronhniátshera.

Psalms 11:7

Asèken ne Roiá꞉ner roiánere nenhné꞉e; né tesakorihwaserakwénhnis ne kaiáneren kahioténhseras; tsi tionkwetaiéri enhierihwaiénterane tsi niotenorónston.

Psalms 139:24

Sésak tó꞉ka kén thènen ahonkatiénhni ne karihwahétken nakonháke. Tatkéntens ne tsi iohatátse né í꞉seke nónhwe nieʼiawénon.

Psalms 5:5

Iáh tesherihwáwis ne ionhthatónhni ne sahénton ahonhnétake; kwáh ratikwékon séhshons ne wahétken tsi nihontsiérha.

Proverbs 15:10

Tókaʼ tho nénhshiere tsi nahò꞉ten iáh tetkariwaié꞉ri, kwáh í꞉ken tsi ensatré꞉wahte; enhsíheie tókaʼ iáh thaʼsatateríhon ne ahserihwakwaríhsi.

Proverbs 21:21

Tasarihwaié꞉rik tánon sarihwakwarihshiónhak tánon karí꞉wes enhshónhnheke; ronatiaʼké꞉shon eniesakwénienhste tánon entiesarihwaierítsten.

Proverbs 21:4

Nón꞉kwe iakorihwanerenʼákskon ne iakoniarawá꞉kon tsi iontatkweniénhstha tánon iontatón꞉ni ne ká꞉ti kí꞉ken karihwáksen.

Proverbs 21:8

Nón꞉kwe ne rotihnhí꞉kon iotʼhahakwá꞉ton tsi rón꞉nes; ne iáh tehotihnhí꞉kon eʼthó nen né꞉ʼe nenhatí꞉iere tsi nahò꞉ten tkariwaié꞉ri.

Proverbs 4:19

Né꞉ʼe raotiháha né꞉ʼe rotirihwanéren thóh naʼtetió꞉karas tsi ní꞉ioht nahsonthén꞉ne né꞉ʼe tenhatihraʼkwénhtaraʼne ne tsi iáh thahóntkahtho nahò꞉ten tahonahsì꞉tiaʼke.

Proverbs 8:13

Nó꞉nen entskwénienhsteʼ ne Roiá꞉ner, énhtswen kiʼ ne karihwáksen; íhkswens naʼkatkáhtho tsi nihatiweiennò꞉ten nónhka iontatón꞉ni, ó꞉ni ne karihwanéren tánon ne owennaʼshón꞉ʼa ne kaʼnikonhrhá꞉ton.

Isaiah 26:7

Tsi nihotihahóten ne tionkwetaiéri iotʼthahakwahríshion í꞉ken; Ó Saiá꞉neren, í꞉se stakwaríhshions tsi ronaháte ne tionkwetaiéris.

Isaiah 51:1

Takwahtahónsatat, í꞉se ne nètho sewásehre naʼterihwakwahrihshión꞉tshera, í꞉se ne tsiʼsewahiatísaks ne Roiá꞉ner. Iasatʼkátho nosténhra tsi nón꞉we tsesakwétaron, tánon ne tsi ienenhiokwáts꞉tha tsi nón꞉we tsesakenratákwen.

Isaiah 51:7

Takwahtahónsatat, tsi nítsion ne sewateriéntare ne karihwakwarihshíonhtsheras; í꞉se ne tsiónkwe né sewáhawe nakerihonhnienʼnítsheras ne seweʼriá꞉nes; tó꞉sa ietsitshániset nonkweʼshónhas tsi nisakotiʼkenhrenhserón꞉nis nakorénshons, tánon tó꞉sa tasewanikónren nó꞉nenh enietsikenrenhserónhni ní꞉se.

Jeremiah 44:4

Iewatʼkhontáhkwenh ieʼkhehiateniéthaʼkwe nahkenhatsherahókons ne rotitokénʼse, ronónha ietʼtsiró꞉ri ne tó꞉sa éhtho nahisehwá꞉iereh kí꞉ken tehioriwahnónhiani ne íksons.

Hosea 6:3

Ánion ionkwahterientáran, tewá꞉rek natsitewaienterahʼne ne Roiá꞉ner; tsi nontahawenonhátie etʼniiorihwí꞉io tsi ní꞉ioht tsi tahiorenhehátie; kwáh thóh ní꞉ioht tsi enshonkwahiatórenhne tsi ní꞉ioht ne iotsatará꞉tses nokenhnoré꞉seras, tsi ní꞉ioht ne kokwitè꞉ne iokenhnó꞉res ionekanóntens nonhóntsa.”

Habakkuk 1:13

Ne skará꞉ke shó꞉tsi iotokenskéhonwe nahontkáto ne kariwahetkénhsera, tánon ní꞉se iáh taskwénhni ne tasatkáneren ne tewaterientawenhriéhon; nontié꞉ren tsi ne teskánere ne iáh othé꞉non tekariwástha, tánon tateshá꞉tote nó꞉nen ne ronhnonkweʼtahét꞉kens sakonatónhtha tsi niiá꞉kon ne sénha rotiiá꞉nere tsi ní꞉ioht ne ronón꞉ha?

Matthew 7:13

Tatsiataȣeiat tsinonkati nikannhohaha; aseken ne Kannhohoȣanen oni teiohahakaron oneson iakoiatenhaȣitha; Kentiokoȣanen oni neh nitiens,

Deuteronomy 7:13

Akwáh enhianó꞉ronhkwe ó꞉ni enhiaiaʼtaté꞉riste, káti né꞉ne akwáh ahisewentiohkowá꞉nen ó꞉ni wé꞉so ahisewawiraién꞉taʼne; enhaiaʼtatériste tsi sahenthaké꞉rons, ne káti nahónton nahishanatsaiéntaʼne, onenharataʼsehontsherá꞉keri, tánon ne iakeniewáhtha kénhies; tánon tsi enhiaiaʼtaté꞉riste ne tsi nénhthion ne tionhnónskwarons ó꞉ni ne teiotinakaronhtón꞉a. Akwé꞉kon énthion kí꞉ken kaiataterí꞉tsheras ne tsi nishakorahratstén꞉ni ne ietsisoʼthonkonhkén꞉en tsi énthion.

1 Timothy 6:11

Onk kíʼ níse, Rawenni꞉io rahonkwéta, satsiatatískwak akwékon kíʼ nahorihoténsons. Sewaskènha ne karihwakwarihshióntsera, karihwiʼióston, tewetákwen, kanoronkwátsera, taiewisátstheke, tánon weriasí꞉io.

2 Timothy 2:22

Satiatatískwak ne rahononweséntseras ne kenʼnihthotihiónsas, onk neh saskèna ne karihwahkwarishióntsheras, tewetákwen, kanoronkwátsera, ó꞉ni ne skénnon, skátke tsi niháti ne ronʼneriaʼsí꞉ios iehonwanátons ne Roiá꞉ner nasakoiénawaʼse.