Proverbs 15:8 - Ohiatonhseratokénti

⁸ Roiá꞉ner rotonhnháhere nó꞉nen tionkweʼtaié꞉ri ronaterén꞉naien, nok ráhswens ne thatíhas karihwiioseʼokón꞉ʼa ne rotirihwanéren.

Proverbs 15:8 ပူးပေါင်းရင်းမြစ်များ

2 Samuel 15:12

Tsi nikarí꞉wes ne Absalom ne wahateriwathéntsiaʼte wahatenaskwaʼtsahatá꞉nion, Ahithophel Giloró꞉non ne sahotiéten ne iahá꞉sa, ne roʼtenikonráwiskwe ne Táwit, thóh nón꞉we nithawénon raonatowanénhke Giloh. Ne kariwaséhton ontehiá꞉ron wakasháststenhne, tánon nonkweʼókons iakotsiokowanenhonhátie ne Absalom raoriwá꞉ke.

1 Kings 3:10

Ne Roiá꞉ner wahawerientí꞉io nètho Solomon tsi thóh ní꞉ioht tsi waharihwanónton,

1 Chronicles 29:17

Wakateriénhtare tsi onhkweʼtaʼkwé꞉kon tsi seiaterahsát꞉kenhse tánon serientí꞉ios tsi niʼiákon ne iakotonkwetaʼkwahríhshion. Né tkarihwaiéri tánon orihwihiohón꞉we kwáh thóh niwakenikonhró꞉ten tsi akwé꞉kon í꞉se thonʼiáwi kí꞉ken, tánon wakhé꞉ken ne shonkweʼtashón꞉as né kénʼen ronatsataró꞉ron tsi ronatʼtsenhnónhni tsi nonhtahatiʼhá꞉sehron wahesawíhon.

Psalms 141:2

Satóntat tséna nakaterénhnaient né shón꞉niat tsi ní꞉ioht ne wenhnekerákon wakahtsienkwahronniatákwen ne sahénton, tánon ó꞉ni ashé꞉na tsi niwakanenhtsaʼkaratáton tsi niwakaterénhnaien tsi ní꞉ioht tsi tsénas nokarasné꞉ha iontsienkwahronhniáta ne sahénton.

Psalms 17:1

Satahónsatat, Saiá꞉ner nahó꞉ten ne kaiánere í꞉ken; Sahtenhnikonráren tsi natekaséntʼthos, satahónsatat nakaterénhnaien, ne ne òhsa ne iáh tekanikonrá꞉tha.

Proverbs 10:24

Ne tionkweʼtaié꞉ris ratiié꞉nas nahò꞉ten ronhská꞉neks. Nok ne iáh tetionkweʼtaié꞉ris ne enhatiié꞉na nahò꞉ten kwáh aonhá꞉ʼa thatitshá꞉nis.

Proverbs 15:29

Nó꞉nen nón꞉kwe tiakorihwaié꞉ri enionterén꞉naien, Roiá꞉ner rotahónhsate, nónhka iáh tetiakorihwaié꞉ri iáh thahshakotahónhsatate.

Proverbs 15:7

Nón꞉kwe tehotiʼnikonhráthe, attokháhtshera tehonrenià꞉tha, iáh kiʼ nen né꞉ʼe ne rotinonhwaró꞉ri.

Proverbs 21:27

Roiá꞉ner ráhswenhs nó꞉nen iáh tetionkweʼtaié꞉ri aontahonwahawíhten ne karihwiioshokón꞉ʼa naterennaientatsherá꞉kon ne tsi wanonhtonnionhtseráksens tsi ní꞉ioht tsi ronnonhtonniónhkwas.

Proverbs 21:3

Tho ná꞉tsehr tsi nahò꞉ten ne tkariwaié꞉ri, ne sénha enhawerienʼtí꞉io ne Roiá꞉ner ne aontahtshawíhten ne karihwiioseʼokón꞉ʼa naterennaientatsherá꞉kon.

Proverbs 28:9

Tókaʼ ne kaianerénhsera iáh thahsatewèn꞉narahkwe, Rawenni꞉io enhàhswen ne saterennaientáhtshera iáh thahatahónhsatate.

Ecclesiastes 5:1

Sehnikonhráhrat tsi ní꞉ioht tsi Ononsatokentíke nienhénse. Sénha ne ioiánere né thóh niáien nahiontéweiensthe tsi ní꞉ioht ne iahióntkaʼwe ne kariwihiosehokónhas tsi nihatiʼiérah ne thoʼnahthónnokʼthe né iáh tehonahteriénthare tsi natetsatʼthíhen ne wahétken tánon ne ioiánere.

Song of Songs 2:14

O aktsiʼténʼa orí꞉te, tsi teionitstenróʼren, Thóh, tsi iokarónton nostenrákes. Takeríhon nakonhkonsáke, takeríhon nakonwenhnáronhke, asèken tsi natesawenhnatsikhétare, tsi nisatʼkathotsherí꞉io.

Isaiah 61:8

Asèken Í꞉i né Watiá꞉ner né kenorónh꞉kwah nahterihwakwahrisiónhtshera í꞉ken, Ít꞉sons ne kanénhskwen tánon né iewehienhnáksenh; kwáh enwakerihwató꞉kenhke tsi enhthekhéhion tsi naʼteonahténtion, tánon kwáh né enkheʼhiónhnien né tsi nénhwe enkénhake naʼterihwasehronniátshera.

Isaiah 66:3

Ónhka akénhake nahononwarhiá꞉kon né tionhnónskwahron teonákares tsi ní꞉ioht náh né nón꞉kak wahonthatenonwarhiá꞉kon ónkwe; ónhka akénhake nahionteskónthen né teiotiʼnakaronhtónha owí꞉ra, tsi ní꞉ioht náh nónkak watonwaniá꞉rhiake éʼrhar; ónhka akénhake nahontahiéhaʼwe onátsa ahontahiéiesʼte, kwáh né꞉ne ónhkak tahiéiesʼte kwésʼkwés onekwénhsa; ónhka akénhake né arónhniaʼte né iontatehiarastákwah tsi ahontahá꞉ieste né kanetanó꞉ron, akwáh thóh ní꞉ioht né nónkak kaiatónhni akonwaiataʼtérisʼte. Né kí꞉ken né akahónha iakotaterakwénhni tsi nihieweienhnó꞉tens, tánon thóh raonatehenserákon ronatonhnáhere;

Jeremiah 6:20

Nahó꞉ten katsteristhákwa ne wenhnekeráhkon tionhkhawitenni ne Sheba nónhwe, ó꞉ni ne iekhwá꞉konhonsthákwa ne ahinónhson nióres tionhontsiaténion? Iáh thatiéna ne rahonahthatawítsheras iáh ó꞉ni tahonkherientí꞉io ne rahothiriwiʼiosehokónhas.

Daniel 9:23

Shontahsatáhsawen, watshaniténhten ne Rawenni꞉io, waʼthiarihwaʼserákwaʼse. Ianorónhkhwa ne Rawenni꞉io, né kátiʼ aorì꞉wa kénʼen nontá꞉ke naʼontakonhroriá꞉na nahò꞉ten kénton. Kwáh satahónhsatat tsi nenkeʼnikonhraiéntahte natetshénhsera.

Leviticus 7:18

Tó꞉ka thènnen aiewárahke nasénhaton niwenhniserakéhaton, ne Rawenni꞉io iáh thahaiéna ne iesatkáwen. Ne iewatkáwen iáh í꞉se thaʼisathasé꞉thase ók né kíʼ enwatenáthonkwe iáh tehiotkwéniens, tánon ónhka kíʼiok enhiéke kwáh enhieronhiake tsi nieniawenhne.

Micah 6:6

“Onhnahó꞉ten iahihawí꞉then raohénton ne Roiá꞉ner, tánon takattsákete raohénton ne Roiá꞉ner ne eʼnekénstsi? Raohénton onhtéken niáke ne ne katshé꞉nen nahihiatsathatsáhate, ne ne énska tehaosehrihià꞉kon tionhnónskwahron owí꞉ra?

Micah 6:7

Kwáh onhtéken ne Roiá꞉ner ahawerienhtí꞉ioste ne thó꞉ka tewenhniawehetsheráhsen niháti teotikakaronhtón꞉a ratítsinn, né oié꞉ri tewenhniawehetseráhsen nakónhake kaniataratátie iorésen? Né onhtéken aontatiéste ne thakowá꞉nen rièn꞉ʼa ne aorihwà꞉ke nakerihwanerahák꞉tsheras, ne naoshatsténhsera ne tsi kónnhe asè꞉ken ne nahorihwaneraháktsheras nakatónnhets?”

Haggai 2:14

Ne Haggai ethò꞉ne sahèn꞉ron, Káti kwáh ne shaʼorí꞉wa ne kí onkweshón꞉ʼa, tánon kí꞉ken ratitióhkwaien natkénton rónhnes, rá꞉ton ne Roiá꞉ner. Tánon kwáh satéhiot tsi ní꞉kon rotihiothénhen ne rontsá꞉nakes; tánon tsi nahoʼténhsons ne thóh nón꞉we thotiiestánion tsi iáh tehiotʼkwéniens

Malachi 1:10

Weh, ónhka naionská꞉neke naienientháhrho ne tsi kahnhoká꞉ronte tánon aionté꞉kaʼte ne tsi ktsenhahráhkhwa ne iáh oh thé꞉non tshiaʼtákene? Iáh tewakerienʼtiióhstha ne tsonhá꞉ke, Rá꞉ton ne Sakoiá꞉ner ne ratironhiaʼkehró꞉nonʼs. Tánon kwáh iáh thatié꞉na naontesewá꞉iehste ne sewahtsaʼnà꞉ke naontá꞉we.

John 4:24

Raonikonroskon ne Niio; eh kati oni neneh niiot ne ronȣasennaiens akȣa onikonroskon tsi Ronȣasennaiens.