Proverbs 15:6 - Ohiatonhseratokénti

⁶ Nón꞉kwe thotirihwaié꞉ri enhatihá꞉wake raonatshokowáhtshera, nok ne iáh tethotirihwaié꞉ri enhonáhtonʼse nó꞉nen éntewe kaʼnikonhrharáhtshera.

Proverbs 15:6 ပူးပေါင်းရင်းမြစ်များ

Psalms 112:3

Kakwaséhtseras enkaientákene raotinonskónshons, tánon ne raotirihwakwahrihshión꞉tseras tenhkawishástsʼteke né꞉ne tsi nénhwe enkénhake.

Psalms 37:16

Tsík nikónha ahiakoiéntahke ne tionkwetaiéri sénha ne iawetowáhne sahtèkena íken tsi ní꞉ioht ne iawetowáʼnenh rotiʼiénton ratikwékon ne ionkwetahetkenʼokónhas.

Proverbs 10:22

Roiá꞉ner raoiaʼtateríhtshera enión꞉ni naiesakwáhtsheʼne tánon iáh oʼthé꞉nen teká꞉ien ne aiesaʼnikonhráksaʼte.

Proverbs 13:22

Thonnonkweʼtaié꞉ri nó꞉nen enhonníheie né꞉ne shakonatereʼokón꞉ʼa enhatiié꞉na ne raonatshokowáhtshera, nok ne iáh tetionkweʼtaié꞉ri nó꞉nen enhonníheie ne raonatshokowáhtshera nen né꞉ne enhatiié꞉na ne tionkweʼtaié꞉ri.

Proverbs 15:16

Ne sénha ioiánere naiesenténhton tánon atshetshaníhsheke ne Roiá꞉ner tsi niʼiot ne aiesakwatshéhake tánon taiesaʼnikonhrhá꞉rake.

Proverbs 15:5

Teiotenonhwarorí꞉tonte ne tóhsa ahshié꞉na nahò꞉ten ne iesaién꞉ʼa iesarihonnién꞉ni, wattokhatsherí꞉io nahshié꞉na nahò꞉ten eniesarihwakwaríhshien.

Proverbs 15:7

Nón꞉kwe tehotiʼnikonhráthe, attokháhtshera tehonrenià꞉tha, iáh kiʼ nen né꞉ʼe ne rotinonhwaró꞉ri.

Proverbs 16:8

Ne sénha ioiánere ne ostón꞉ha tahsatèn꞉tsha tókaʼ tkarihwaié꞉ri, tsi niʼiot ne wé꞉so tahsatèn꞉tsha tánon iáh tetkariwaié꞉ri tsi ní꞉ioht tsi wesaién꞉taʼne.

Proverbs 21:20

Nón꞉kwe ronttokhahtsherí꞉io rotikwáhtshe tánon kakwahtshehserá꞉kon tsi ratì꞉teron, nok ne iáh thaʼtehotiʼnikonhráhthe tsi ni꞉iot ne iohsnó꞉re enhatiié꞉na nohwísta tho ni iohsnó꞉re tsi enhonthwistahní꞉non.

Proverbs 3:33

Roiá꞉ner enhà꞉ren kahrewahtáhtshera tsi nón꞉we nihatì꞉teron ne rotirihwanerenʼákskon nok enhaiaʼtaté꞉rihste tsi ratì꞉teron ne tionkweʼtaié꞉ri

Proverbs 8:21

ahtshoʼkowáhtshera entekhé꞉ion nónhka ionkenorónhkhwa, thentká꞉raʼne raotinónhskon ne kanoròn꞉shon.

Ecclesiastes 4:6

Tó꞉ka kíʼ nónhwa, sénha né ioiánere ne kenkníkon ahiakoiénthaʼke, ahiakonikonhrihióhake, tsi ní꞉ioht ne tehiontsanáhke tiókonhte tahiakoweienhnaráhon, hiontheniéntha nakonhwahiéna nówera.

Hebrews 11:26

Wahanonthónnionʼwe nahonwahnikonrahkaréwahthe ne Kerístos aharihónni iawehtatʼtsáni sénha ne wéso satekéna tsi ní꞉ioht ne tsi níkon iohtsokowahtsheráien ne Egypt, asè꞉ken thóh nónwe iatehakánere tsi niahawenonhátie ne tkakariaktsheráhehre.