Proverbs 15:5 - Ohiatonhseratokénti

⁵ Teiotenonhwarorí꞉tonte ne tóhsa ahshié꞉na nahò꞉ten ne iesaién꞉ʼa iesarihonnién꞉ni, wattokhatsherí꞉io nahshié꞉na nahò꞉ten eniesarihwakwaríhshien.

Proverbs 15:5 ပူးပေါင်းရင်းမြစ်များ

1 Chronicles 28:20

Né Ronnonhtí꞉io Táwit wahawénhase ne roiénha Solomon, “Tashetakwénhak tánon tashanikonhrahkonhtaʼkwénhak. Tashatásawenh ne kahioténhsera tánon tó꞉sa othènen teshá꞉taste. Né Roiá꞉ner Rawenni꞉io, tsi nikáien ne rihiótenhse, kwáh ensenikweʼkónhake. Kwáh iáh thahiatewénhtheʼte, ók ensheʼnikwekónhake tsi niʼió꞉re ienshienthoserénhtaʼne né kénʼen Ononsatokentiʼkó꞉wa.

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

Psalms 141:5

Sehríhon ne rotirihwakwahríshions ahionkatewenhnaiéntonhwe; seríhon ne rotirihwató꞉ken tiontʼkerihwakwahríhshias. Tó꞉sa nonwénhton ne raonénhie ne ronhnonkwetahét꞉kens ne ahionkenontsistókaʼwe, asèken nakaterénhnaient iehiorihwakonhtákwen tsi kát꞉konte tsi nihatiweienhnák꞉sens.

Proverbs 1:23

Sewatahónhsatat nó꞉nen enkwattéhten; entkwá꞉ion ne karihwí꞉io, entkáhtkaʼwe tsi ní꞉kon wakaterién꞉tare.

Proverbs 1:7

Tókaʼ íhsehre aiesaʼnikonhrowanénhake teiotonhwentsóhon atskweniénhsthake ne Roiá꞉ner. Kí꞉ken ronátiaʼke tehonatenonhwarorí꞉tonte tánon iáh tehatikweniénhstha ne raottokháhtshera tánon iáh tehonthón꞉tats nahontéweienhste.

Proverbs 10:1

Ne ká꞉ti kí꞉ken Solomon raorihonnienníhtshera: Shakotiienʼokón꞉ʼa ne ronttokhahtsherí꞉io enhshakotikwénienhste ne shakotiʼnihó꞉kon; ronwatiienʼokón꞉ʼa ne rotinonhwaró꞉ri eniotiʼnikonhráksen kiʼ né꞉ʼe shakotiʼnistenʼó꞉kon.

Proverbs 13:1

Ratsa꞉ʼa ne raʼteʼnikonhrattókha enhotahónhsatate ne roʼniha nó꞉nen enhotakwahrisi, ók ne ratiʼnikonhráksen iáh nonhwénhton tahontró꞉ri nahò꞉ten ne iáh tetkariwaié꞉ri tsi nihontiéhrha.

Proverbs 13:18

Nónhka ne kwáh iáh thaʼtehonatonhontsó꞉ni nahatiweientéhtaʼne eniahkoténhton tánon eniontatéhate. Nónhka eniontahónhsatate ne aiakorihwakwarihshiónhake eniontatkwénienhste kiʼ.

Proverbs 15:4

Kawenní꞉ioʼs tkáhas natónhnhets, nok ne iotewennatská꞉rat nek nen né꞉ʼe naiakoʼnikonhrakaré꞉wahte.

Proverbs 15:6

Nón꞉kwe thotirihwaié꞉ri enhatihá꞉wake raonatshokowáhtshera, nok ne iáh tethotirihwaié꞉ri enhonáhtonʼse nó꞉nen éntewe kaʼnikonhrharáhtshera.

Proverbs 19:20

Tókaʼ enhsatahónhsatate ne kaʼnikonhrí꞉io tánon thoʼnisaʼnikonhró꞉ten nahseweientéhtaʼne, entewenhnisera꞉teke tensaʼnikonhrátheʼne.

Proverbs 25:12

Nónhka aiesahronká꞉ten ne orihwí꞉io tsi iakoterién꞉tare tánon nónhka iakotateweienentá꞉ʼon aiontahónhsatate, ne sénha shaʼtékena tsi ní꞉ioht ne ohwistanó꞉ron anisnónhsawi tánon ne kwáh tiohskatsténion ohwistanoronʼshón꞉ʼa.

Proverbs 6:23

Tsi nahò꞉ten iesahró꞉ri ne shá꞉ka ne teiohahseráthe; ensaháharahte ensahró꞉ri tsi ní꞉ioht tsi tkariwaié꞉ri nahshónhnheke.

Titus 2:15

Ietsirihónnien kí꞉ken nahorihoténsons tánon kwáh sewahsatsʼtenserakwékon ísewats tsi nenietʼtsinikonrahreke tánon ietʼtsihiatʼthéten ne ietʼtsihiatahónsate. Kwáh tóhsa ónhka ietʼtsiríhon naiesakénron.