Proverbs 15:4 - Ohiatonhseratokénti

⁴ Kawenní꞉ioʼs tkáhas natónhnhets, nok ne iotewennatská꞉rat nek nen né꞉ʼe naiakoʼnikonhrakaré꞉wahte.

Proverbs 15:4 ပူးပေါင်းရင်းမြစ်များ

Psalms 109:22

Asèken waʼkíten tánon tekatkárias, tánon tewaʼkeriasawehéstha.

Proverbs 10:11

Tiakorihwaié꞉ri akowennaʼshón꞉ʼa tho ní꞉ioht tsi ni ne tiohné꞉kote ionhnheʼón꞉we, nok ne iáh tetionkweʼtaié꞉ri akowennaʼshón꞉ʼa ionhséhtha tsi ionteriiohseraʼnón꞉we tsi niiakonhnhò꞉ten.

Proverbs 12:18

Iáh tewanonhtonnionhtsherí꞉io nowennaʼshón꞉ʼa tho ni tsi ensakaré꞉wahte tsi ní꞉ioht ne aʼshareʼkó꞉wa, sók ne tkawennaié꞉ris enwá꞉ton ensátsenʼte.

Proverbs 15:3

Roiá꞉ner tehaká꞉nere tsi niiá꞉wenʼs tsik nón꞉we, tetehshonkwaká꞉nere tsi nitewatiéhrha tókaʼ kenh tkariwaié꞉ri tókaʼ ó꞉ni tewarihwanérakʼs.

Proverbs 15:5

Teiotenonhwarorí꞉tonte ne tóhsa ahshié꞉na nahò꞉ten ne iesaién꞉ʼa iesarihonnién꞉ni, wattokhatsherí꞉io nahshié꞉na nahò꞉ten eniesarihwakwaríhshien.

Proverbs 16:24

Kawenní꞉ioʼs ne shá꞉ka ne otsiʼnahkontahkwá꞉ne ne ótsikheta—teiotsikhè꞉tare nahsátkenʼse tánon iakaohnhiióhstha.

Proverbs 18:14

Tsi sanonhtónnions sahská꞉neks nahshónhnheke ne ensáhawe nó꞉nen sanonhwáktani, tókaʼ ensá꞉ti, enwatóhetste ne sahrharáhtshera.

Proverbs 18:8

Taierihwenhá꞉wihte tsi iawékon tewanón꞉weʼs iaietewahnéhkwane!

Proverbs 26:22

Iawékon ne taierihwenhá꞉wihte! Kwáh ionkwé꞉kas ne iaietewahnéhkwane!

Proverbs 3:18

Nónhka aieié꞉na attokháhtshera ronatonhnháhere; attokháhtshera entiaka꞉wen natónhnhets.

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

1 Timothy 6:3

Ónhka nóia ní꞉ioht tsi ensakotirihónnien naʼteriwahnothátsera tánon iáh thènen oríhwah tarónni ne kwáh tóhʼkenske neh꞉ne Sonkwaianer Ié꞉sos Kerístos rahowennahókons tánon ó꞉ni ne karihonniennítsera nón kwariwiʼiosthóntsera

Revelation 2:7

Ánion nónhkak ne tehionhontakáronhte iontahón꞉satat tsi nahó꞉ten ne Roʼnikonrí꞉ioston ratón꞉nions rononhà꞉ke ne tsi ionterennaientákwas. Ne ne tsi niiá꞉kon nenhiontesénhniete, Í꞉i kwáh enkerí꞉on ne tahiontskà꞉on tsi iorón꞉tote ne atón꞉nhets ne ne thóh nón꞉we tsi rothé꞉taien ne Ní꞉io.