Proverbs 15:32 - Ohiatonhseratokénti

³² Tókaʼ iáh thahsatahónhsatate nahshié꞉na nahò꞉ten naiesaweientéhten í꞉se kiʼ enhsatatkarón꞉ni. Tókaʼ enhshié꞉na ne aiesatakwaríhshien tensaʼnikonhrátheʼne kiʼ.

Proverbs 15:32 ပူးပေါင်းရင်းမြစ်များ

Psalms 50:17

Asèken iáh tesenón꞉wes naiesatakwaríhshion, tánon í꞉seh iesá꞉tses nakewenhnahókons.

Proverbs 1:7

Tókaʼ íhsehre aiesaʼnikonhrowanénhake teiotonhwentsóhon atskweniénhsthake ne Roiá꞉ner. Kí꞉ken ronátiaʼke tehonatenonhwarorí꞉tonte tánon iáh tehatikweniénhstha ne raottokháhtshera tánon iáh tehonthón꞉tats nahontéweienhste.

Proverbs 10:17

Ón꞉kwe ne eniontahónhsatate naiontaterihwakwaríhshien eniakónhnheke, nok ónhka iáh thaierihwaié꞉na tsi teienióhskenʼs, iótteron kiʼ ne raotirihwà꞉ke.

Proverbs 13:18

Nónhka ne kwáh iáh thaʼtehonatonhontsó꞉ni nahatiweientéhtaʼne eniahkoténhton tánon eniontatéhate. Nónhka eniontahónhsatate ne aiakorihwakwarihshiónhake eniontatkwénienhste kiʼ.

Proverbs 15:14

Nón꞉kwe ne tehotiʼnikonhráthe tehonatonhwentsó꞉ni sénha wé꞉so nahatiweienté꞉taʼne, nok ne iáh thaʼtehotiʼnikonhráhthe shaʼtehatinón꞉weʼs tsi iáh tekarihonnién꞉ni.

Proverbs 15:21

Nón꞉kwe ne iáh thaʼteiakoʼnikonhráthe ronatonhnháhere tsi rotinonhwaró꞉ri, nok ne ronttokhahtsherí꞉io eʼthó nihatiiérha tsi nahò꞉ten tkariwaié꞉ri.

Proverbs 15:31

Tókaʼ kwáh tokén꞉ʼen enhsatahónhsatate nónhka naiesarihwakwaríhshien, tesaʼnikonhráthe kiʼ.

Proverbs 15:33

Ahtskweniénhsthake Roiá꞉ner ensarihónnien ne taiesaʼnikonhrátheʼne. Ó꞉nenk tsi enhsaní꞉tenhte nohén꞉ton nenhskwé꞉ni nahshié꞉na kakwenienhstáhtshera.

Proverbs 15:5

Teiotenonhwarorí꞉tonte ne tóhsa ahshié꞉na nahò꞉ten ne iesaién꞉ʼa iesarihonnién꞉ni, wattokhatsherí꞉io nahshié꞉na nahò꞉ten eniesarihwakwaríhshien.

Proverbs 17:16

Iáh thetekáhsta ahshatwistakarón꞉ni ahtsheweientéhten ne rononhwaró꞉ri aseʼkénh iáh tehoʼnikonhraientá꞉tskon.

Proverbs 18:15

Nón꞉kwe né teiakoʼnikonhráthe tiótkon iakotateweienentá꞉ʼon nahò꞉ten aieweientéhtaʼne.

Proverbs 19:20

Tókaʼ enhsatahónhsatate ne kaʼnikonhrí꞉io tánon thoʼnisaʼnikonhró꞉ten nahseweientéhtaʼne, entewenhnisera꞉teke tensaʼnikonhrátheʼne.

Proverbs 29:1

Tókaʼ sénha enhsatenontsistahní꞉rate tsi ní꞉kon ónhka aiesarihwakwaríhshion, éntewe nenhnísera akwáh tokén꞉ʼen ensateraʼswáksenʼne tánon iáh nonwén꞉ton thaonsahsatonhnhakwatá꞉ko.

Ecclesiastes 7:5

Sénha tsioiánere né꞉ne ronhtenikonhratʼthókʼkha aiesatewenhnaiéntonhwe tsi ní꞉ioht ne thonathónhnokthe tahiesarihwáhkwaʼse tsi taiesanonhweráton.

Isaiah 1:5

Onhniʼiotsiéren ní꞉se tsi takonhniénhnis nakonhnonwenhsehrário? Ónh niʼiohtsiéren tsi iesakonhtákwen naskatkónten? Kwáh sanonhtsistakwékon thiʼtsioróhron tsi ióhto, tánon sehriasakwékon tsi iononwáktani.

Isaiah 3:9

Tsi nihatikonshó꞉tens ne tsi iakorihwanirátis; rontró꞉ris ne raotirihwaneraháktsheras kwáh né꞉ne Sodom, iáh kí tehotirihwaséhton. Enshontateriwáhsten! Asèken ronónha iahontátʼkwaʼse ne karihwahetkénhsera.

Jeremiah 5:3

Oriwihiohónwe ne Roiá꞉ner tsi né réhsaks ne tewehthákwen. Iahién꞉ton, ók iáh othènen karíhwa thesónni; wahthiaskwahséhrahkwe, ók iáh teshathontháton nahishaweienthetháhon; Shanonhtsisthaʼníron tánon iáh thathetsisatkarahthénion tsi nòkwa ne sahriwahnerahákʼtsheras.

Deuteronomy 21:18

“Tó꞉ka shí꞉ken ónhkak iakonekenʼteronhtsherá꞉ien ne rononhtsistaʼní꞉ron tánon iáh tehatewenhnarákhwa, né꞉tho ranekèn꞉teron iáh teshakowenhnarákwa ne ronhwaiénha, iawerohátien tsi ronwarewátha.

Deuteronomy 21:20

Ken ní꞉ioht tsi enhonwatiró꞉ri, ‘Ne shakenihiénha ronontsistaʼní꞉ron tánon iáh tehatewenhnarákhwa tánon iáh tehathóntats nasonhtiatahónsatate; ratwistatieshá꞉tha tánon rahnekakástha.’

Hebrews 12:15

Tashatáthene tóhsa ahonsesharihwahnóron ne Rawenni꞉io raoténrat. Tóhsa ónhka ne thóh nahiakohiátawen tsi ní꞉ioht ne kahontátʼsen nenwahtehiáron tánon wéso tsi nenkáiere ne wahétken ne tsi ióien ne kanonkwahtsheráksen.

Ne꞉ne Sák Rohiaton 1:22

Tóhsa sathatenikonhráten thokàken nék khók tsi aihsatahonsathátonke ne rahowénnas; khék, tsiótenst.

Revelation 3:19

Enkheiaʼtewenhnaién꞉tonhwe tánon enkheriónhnien tsi niiá꞉kon ne khenorónhkwa. Kwáh kíʼ tasewaʼnikonrakontakwénhak, ne aorí꞉wa, tánon sasewatatré꞉wat.