Proverbs 15:30 - Ohiatonhseratokénti

³⁰ Iakokonhsaieshónnion entkáhawe nahsatonhnhá꞉ren. Nó꞉nen enhserihwá꞉ronke karihwí꞉ioʼs sénha enhsonhnhí꞉ioʼne.

Proverbs 15:30 ပူးပေါင်းရင်းမြစ်များ

Ezra 9:8

Kenk nikarihwesónhne, O Saiá꞉ner Onhkwáh Ní꞉io, kwáh í꞉ken tsi thakwenhthénhrahkwe tánon waskwahsá꞉rihne nahonsahiakwaniá꞉kenhne tsi nihionkhinaskonhníhakwe tánon skén꞉nenk tsi ahiatsiónhneke ne kén꞉en nón꞉we iotenathatokénhti í꞉ken. Waskwahrí꞉hon nahonsahiakwahniá꞉kenhne tsi nokwáh ne kanáskwah í꞉ken tánon thontaátsion ná꞉se tsi ahonhsahiatsónhneke.

Psalms 89:15

Iakotáskats nonkweshón꞉ha tsi iakorenhnáhon ne taieríhwaʼkwe tsi ahiesahsénhnaien, tsi etʼthohʼnónwe nihonhnón꞉nhe kaswatʼthetsherákon tsi nisarihwaʼnonhwéhon;

Proverbs 12:25

Kaʼnikonhrharáhtshera ensanénhsko ne atonhnharáhtshera, nok ne kawenní꞉ioʼs ensaʼnikonhrakétsko.

Proverbs 13:9

Ne tionkweʼtaié꞉ri tsi shí꞉ken ní꞉ioht ne kwáh teiohahseráthe tsi teioswáthe; nok ne rotirihwanerenʼákskon kwáh nen né꞉ʼe tsi shí꞉ken ní꞉ioht ne tewaniʼtonhkwaríkhons ó꞉nen thó꞉ha aón꞉swa ne kaháhsera.

Proverbs 15:29

Nó꞉nen nón꞉kwe tiakorihwaié꞉ri enionterén꞉naien, Roiá꞉ner rotahónhsate, nónhka iáh tetiakorihwaié꞉ri iáh thahshakotahónhsatate.

Proverbs 15:31

Tókaʼ kwáh tokén꞉ʼen enhsatahónhsatate nónhka naiesarihwakwaríhshien, tesaʼnikonhráthe kiʼ.

Proverbs 17:22

Satonhnhá꞉rak ne entkáhawe ensataʼkarí꞉teke. Tókaʼ tió꞉konteʼ saʼnikonhrèn꞉ton skenén꞉ʼa tsi enhsíheie.

Proverbs 25:25

Kháre ó꞉nen wahserihwá꞉ronke karihwí꞉ioʼs í꞉non tionhwentsà꞉te nontá꞉we ne shá꞉ka nahshnekí꞉ra iohné꞉kano nó꞉nen kwáh saniaʼtáthenhs.

Proverbs 3:8

Tókaʼ tho náhshiere, kwáh né꞉ne toʼk nikanonhkwahtsherí꞉io naonsonnihnón꞉ni tsi sakarewáhton tánon ká꞉ron nenhseronhiá꞉ken.

Ecclesiastes 11:7

Kwáh íken tsi ioiánere naiekwéni nahionthonhnáren tsi nihionwésen tsi teioswátʼte nenhtiékeʼne

Isaiah 58:11

Né Roiá꞉ner kwáh enhiaʼsárihne ienhiokontákwen, tánon enhiaʼiéritʼtse tsi naʼtesatonhontsóni tsi nón꞉we nihioʼhontsáʼtens, tánon enhiastientaníraʼte; tánon thóh nenhshiaʼtothénhake tsi ní꞉ioht ne kwáh iakonekóntion ne kahétakon, kwáh né꞉ne tioné꞉koʼte, né nonékanos iah nonwénhton tewástes.

Revelation 21:23

Tánon ne kanatowanenke iáh othenen thateiotonhontsioni ne kará꞉kwáh khehs nasónt꞉thenhnekha kará꞉kwáh ne takaswát꞉thete, asé꞉ken ne ne raoiá꞉tanerakwahtshera ne Ní꞉io ne nahoswát꞉thetsera í꞉ken, tánon ne wathaseranihionthá꞉kwah ne ne teiotinakaronhtón꞉ha owí꞉ra.

Revelation 22:5

Tánon ne nón꞉we iáh ó꞉nenh thatahonthaioraráhseke; iáh thateonatonhontsó꞉ni ne kaswathétshera khéhs ne iahaserotákwah khéhs ne karáhkwa, asè꞉ken né꞉ne Roiá꞉ner Ní꞉io ne raotiswaʼthétshera enkenhá꞉ke, tánon kwáh enhontkoraste tsi ní꞉ioht ne rotinontí꞉ios tsi nienhén꞉we tánon tsi nenhweh enkenhá꞉ke.