Proverbs 15:26 - Ohiatonhseratokénti

²⁶ Roiá꞉ner ráhswens ne iáh tewanonhtonnionhtsherí꞉io, nok rawerienʼtí꞉ios nowennaʼshón꞉ʼa ne watenroʼserí꞉io.

Proverbs 15:26 ပူးပေါင်းရင်းမြစ်များ

Psalms 19:14

Aiáwenhs nakewenhnasónhas ó꞉ni nakanontonnióntsheras ó꞉ni tsi nikatenikonraiéntons nakweriáne aeserientí꞉io, Ó Saiá꞉ner, iséke nón꞉we nikathasehtákwah tánon í꞉se sestsiatákwen.

Psalms 45:1

Né꞉ne kawenní꞉ios enkánane nakenikónhrakon; tsi nenhirenhnarásthen ne ronnontí꞉io. Kwáh tsi ní꞉ioht nónhkak ne rorenhnáhon nahioianeréhake tsi aʼhahiáton.

Proverbs 11:20

Roiá꞉ner ráhswenhs nónhka wahétken ionnonhtónnions, nok shakonorónhkhwa nónhka tierihwaié꞉rits.

Proverbs 15:23

Iotonhnhá꞉raht nó꞉nen enhsetshén꞉ri ne kwáh tkawennaié꞉ri tsi nahò꞉ten saterihwahtentiá꞉ton!

Proverbs 15:25

Roiá꞉ner enhsakononhsaríhshien ne rontatón꞉ni, nek tsi enhanónhstate tsi nahò꞉ten iakó꞉ien ne iakotehré꞉ʼonʼs.

Proverbs 15:27

Tókaʼ enhsateʼnién꞉ten ne iáh tetkarihwaié꞉ri tahsnaʼnéta tsi tahsatèn꞉tsha, ienhsheiaʼtenhá꞉wihte ne sahwá꞉tsire tsi tensewaʼnikonhrhá꞉ren. Tóhsa oʼthé꞉nen tsé꞉na nahò꞉ten iáh tetkarihwaié꞉ri aiesatkáriaʼkse nothé꞉nen tánon karí꞉wes enhshónhnheke.

Proverbs 16:24

Kawenní꞉ioʼs ne shá꞉ka ne otsiʼnahkontahkwá꞉ne ne ótsikheta—teiotsikhè꞉tare nahsátkenʼse tánon iakaohnhiióhstha.

Proverbs 24:9

Nahò꞉ten enhateweiennón꞉ni ne tehotenonhwarorí꞉tonte nek ne karihwáksen. Ón꞉kwe shakotíhswenhs nónhka thihshakoié꞉ron, tánon enhshakotiaʼtontákwahse.

Jeremiah 4:14

Jerusalem, sehnóhareh ne karihwahétken ne serhiáne, ne nahionthónʼon ahonshasehniákenʼne. Tohʼnikaríwes tiotkonhónwe ne enshaʼnonhthonniónsehke ne karihwaneraháktsheras?

Matthew 15:19

Aseken Akaȣeriane tkaiakens ȣahnontonniontseraksens; Atatahseton, Kanakȣaiesatsera, Kanenskȣen, Kanikonrhaton, ne oni nʼatatenratonnisera.