Proverbs 15:25 - Ohiatonhseratokénti

²⁵ Roiá꞉ner enhsakononhsaríhshien ne rontatón꞉ni, nek tsi enhanónhstate tsi nahò꞉ten iakó꞉ien ne iakotehré꞉ʼonʼs.

Proverbs 15:25 ပူးပေါင်းရင်းမြစ်များ

Job Tánon ne Raoronhiakensera 24:21

“Konwakarón꞉nis ne iáh tehiowí꞉raien tsotonwí꞉sen, tánon iáh othé꞉non tekonwaʼtserá꞉se nahioianeréhake ne ioteré꞉hons.

Psalms 10:14

Ók í꞉se kwáh satkáthos né atkaronhniátshera ó꞉ni karonhiakénsera, né iakokarewáton tsi nihiakoiátawens í꞉se tiesáwis; iʼséke sheshehiatákwas ne tehiontonhnakáriaks; í꞉se teshenes ne teiontonnahkarions.

Psalms 138:6

Asèken iawerohátien ne Roiá꞉ner tsi nió꞉re tsi éhʼneken thénteron, tesakoteriéntare kí ne iakothenténion; tánon ne iontatónhni iáh thahónton naiesathaséhten.

Psalms 146:9

Ne Roiá꞉ner sakonikonrarátses ne tíʼiete; sakoiénawase ne tehiontonhnakárias tánon ne ionateréhons, ók tsi nihatiʼweienótens ne ionkwetahétkens sakorihwathóntha nénhe.

Psalms 52:1

Nontsiéren tsi tesataterénhsaron, seniakátste shón꞉kwe, ne kariwahetkénseras tsi nisatserá꞉nion? Rawenni꞉io Tsi né nénhwe enhorihwatokénhake

Psalms 52:5

Ók Rawenni꞉io kíʼ enhiakarón꞉ni tsi nénhwe enkénhake; kwáh ienhiaiéna tánon enthiaiatinekénsthakwe tsi sanón꞉sohte; kwáh éhʼren enhiaiatenháwite ne tsi ionhontsáien tsi ratíteron ne ronhnón꞉nhe. Selah

Proverbs 12:7

Rotirihwanerenʼákskon ne ienhotiià꞉tenhte tánon iáh oʼthé꞉nen thahonthwatsirón꞉ni, nok ne thotirihwaié꞉ri raotihwá꞉tsire enhonnónhnheke.

Proverbs 14:11

Nón꞉kwe tiakorihwaié꞉ri akonónhsa shé꞉kon enkà꞉take nok ne iakorihwanerenʼákskon ó꞉nen nen né꞉ʼe teniakotenonhsarenién꞉ni.

Proverbs 15:26

Roiá꞉ner ráhswens ne iáh tewanonhtonnionhtsherí꞉io, nok rawerienʼtí꞉ios nowennaʼshón꞉ʼa ne watenroʼserí꞉io.

Proverbs 23:10

Tóhsa nonwén꞉ton iahá꞉srek tsi karistí꞉seron nonhwéntsa tánon tóhsa nonwén꞉ton shéhkhwa raononhwéntsa ne ratiksaʼokón꞉ʼa tehonatonhnhakarí꞉ʼon.

Isaiah 1:17

sewatéweienst thóh nasewáier ne ne ioiánere; sewésat kaiáneren, saietʼtsiniákent ne iontateronhiakéntha, ietsiʼiénawas ne iáh tehiakonísen, taiétsine ne ionateré꞉ons.

Isaiah 2:12

Asèken ne Sakoiá꞉ner ne ronterí꞉os ratironhiakerónons tsi rawenhniserahrákwen né sakokkónten ratikwékon ne iontatónhni tánon ne iakotatkowaná꞉ton ensakokkónten tsi niháti ne iakotatʼtharatáton tánon aiesenhnowanénhke;

Jeremiah 5:28

nonhtiéren tsi ronahrésenhs ó꞉ni kwáh ioiánere tsi tehonskáhons. Iáh tiehiotókʼte tsi nihatiweiennákʼsens. Iáh tetheshakonáhwis ne tehionthonnahkárhias ne raothihianerénsehras khés nahonnénesʼthe ne tkarihwaiéri tsi nòkwa ne sahkotiwihsáhtha.

Daniel 5:20

Oʼk ne tsi wahatatón꞉niʼne, wahatenontsistáksaʼte, ó꞉ni wahateʼniakátstate, Rawenni꞉io eʼtho nahá꞉sa, tsi nontahaiá꞉tenʼne ne raorenhsarónhtshera kwáh ehk thónhton.

Deuteronomy 19:14

“Tó꞉sa é꞉ren shá꞉wit tsi karistatátie tsi rahontsá꞉ien ne tetsanonhsanéken, tsi nitkakwatákwen ne wahón꞉nise tkèn꞉ne ne ionhontsá꞉ien ne Roiá꞉ner saNí꞉io thiawì꞉re.

Ne꞉ne Sák Rohiaton 1:27

Tsi nahóten ne Rawenni꞉io ne Kaníhsera ráton ne kwáh aóskon ó꞉ni oriwí꞉io kariwiiostonhtsera, kén ní꞉ioht: teietʼtsiriwásnies ne tehonthonnakárhias ratitʼsahokónhas tánon ne ionateréhons tsi nihothironiáken tánon sewatatenónhstat tóhsa aisewahétʼkenten ne tsi ionwentsiáte.

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”