Proverbs 15:20 - Ohiatonhseratokénti

²⁰ Ratiksaʼokón꞉ʼa ne ronttokhahtsherí꞉io shakonatonhnhahrá꞉ni ne ronwatiʼníha. Nek ne rotinonhwaró꞉ri shakotíhswenhs ne shakotiʼnisténha.

Proverbs 15:20 ပူးပေါင်းရင်းမြစ်များ

1 Kings 1:48

tánon wahaterénhnaien, ‘Thóh teninonhweráton ne Roiá꞉ner, ne Sakoní꞉io Nisraerʼró꞉nonhke, ónhwa wenhniseráte wahahiónhnien saiáta ne tsi kwahtsiraʼthátie wahononhtí꞉iosʼthe, tánon wahakeríhon ní꞉i akatʼkátho!’”

1 Kings 2:9

Ók iáh kíʼ tehiówenk né kénk tsahonhsáre ne tó꞉sa othènen wahonwaréwaʼthe. Sateriénthare tsi nenhshié꞉re, tánon ónenk tsi né enshaterihwathéntsaʼte nahonwanonhwaʼrhiákon.”

1 Kings 5:7

Ne Hiram kwáh íken tsi wahawerientí꞉io sahaiéna tsi nonhtahaterihwaniéthe ne Solomon, tánon káti wahénron, “Tehonwanonweráton ne Roiá꞉ner nónhwa wenhniseráte Asèken thó꞉wi ne Táwit thóh nióre tsi ratenikonhratʼthóka roiénha né tahonsahonakʼthákwen tsi ronhnonhtí꞉io íken nètho ratishástsʼthe kenhtiókwah!”

Exodus 20:12

“Skweniénstat ne ianíha ó꞉ni ne sanisténha, né káti nahónton ahionhníse ashón꞉nheke nonhwenhtsàke né tkonhiawíre.

Proverbs 10:1

Ne ká꞉ti kí꞉ken Solomon raorihonnienníhtshera: Shakotiienʼokón꞉ʼa ne ronttokhahtsherí꞉io enhshakotikwénienhste ne shakotiʼnihó꞉kon; ronwatiienʼokón꞉ʼa ne rotinonhwaró꞉ri eniotiʼnikonhráksen kiʼ né꞉ʼe shakotiʼnistenʼó꞉kon.

Proverbs 13:1

Ratsa꞉ʼa ne raʼteʼnikonhrattókha enhotahónhsatate ne roʼniha nó꞉nen enhotakwahrisi, ók ne ratiʼnikonhráksen iáh nonhwénhton tahontró꞉ri nahò꞉ten ne iáh tetkariwaié꞉ri tsi nihontiéhrha.

Proverbs 15:19

Tókaʼ sentóhrha, tsik nienhénhse akwé꞉kon nienwentó꞉reke, tókaʼ sarihwakwaríhshion iáh kiʼ oʼthé꞉nen thaʼtahsaʼnikonhrhá꞉ren.

Proverbs 23:22

Etshatahónhsatat ne iaʼníha; tókaʼ iáh ráonha thaʼkénhake iáh kiʼ kén꞉ʼen thashéhseke. Nó꞉nen saʼnisténha entiakó꞉ionʼne shenaʼtón꞉hahs tsi sherihwakweniénhstha.

Proverbs 23:24

Tókaʼ tehsonkweʼtaié꞉ri, rotí꞉ien kiʼ né꞉ʼe iesaién꞉ʼa nahonatonhnhá꞉rake. Tánon enwá꞉ton nahshená꞉ieʼne tókaʼ sawí꞉raien ne rattokhahtsherí꞉io.

Proverbs 29:3

Tókaʼ tehserénhsarons ne attokháhtshera enhninaiéhake ne iesaién꞉ʼa ní꞉se sarihwà꞉ke. Teiotenonhwarorí꞉tonte ahsathwistatié꞉sahte ne waʼthonwisenʼtsheráksenʼs akontirihón꞉ni.

Proverbs 30:17

Tókaʼ thentshié꞉ron ne iaʼníha tókaʼ ó꞉ni enhshéhswen saʼnisténha nó꞉nen eniontiaʼtísa, kwáh orihwà꞉ke wenheión꞉taks én꞉wake tsi sónhnhe tókaʼ ó꞉ni tsokaweʼkó꞉wa aiesakahratàhko.

Leviticus 19:3

Tsi sewahiatátʼtions ónenk tsi enhietʼtsikweniénsthake ne ietsinisténhas ó꞉ni ne ietsinihó꞉kons, tánon ensewenhtanorónsthaʼke ne iawenhthatokentíke, tsi kíʼ niwakerihwíson. Í꞉i ne Watiá꞉ner Sewaní꞉io íken.

Philippians 2:22

Nók sewatheriéntareʼne tsi nihronkwethóten ne Timothy. Ehníʼioht tsi skátne ionkiniʼioténhen tsi síken ní꞉ioht ne riʼiénha akénhake tsi teiontsateriwaʼrieniatonhátie ne kariwí꞉ios.