Proverbs 15:18 - Ohiatonhseratokénti

¹⁸ Ne ienaʼkwahseró꞉hen tkáhas ne taieriʼwakéhnha, nok ne iakoʼnikonhrí꞉io tkáhas ne skén꞉nen.

Proverbs 15:18 ပူးပေါင်းရင်းမြစ်များ

2 Samuel 19:43

Ók nʼIsraerʼró꞉nons watonwatiriwaserá꞉kwase ne Judahró꞉nons, “Oiéri niʼiorihwáke sénha í꞉i ionkwariwaien ne raonhá꞉ke ne ronnontí꞉io. Ne nònhne sá꞉ka ne Táwit sénha tsi ní꞉iot ní꞉se. Onhnontiéren káti tsi waskwakénron ní꞉i? Iáh kén í꞉i tetionkwatierénton tsi wahakwénron tentetsiʼtewahiaténhawe ne ronnontí꞉io?” Ók ne raotiwenhnaókons ne Judahró꞉nons sénha ne iateononniáton ne raotiwenhnaókons tsi ní꞉iot nʼIsraerʼró꞉nons.

Proverbs 10:12

Kahswènhtshera nek tkáhas kaʼnikonhrharáhtshera, nok kanoronhkhwáhtshera tsoʼnikónhrhens akwé꞉kon nahò꞉ten iakoʼnikonhraksá꞉tha.

Proverbs 14:29

Tókaʼ saʼnikonhrí꞉io, tesaʼnikonhráthe kiʼ, tókaʼ senaʼkwahseró꞉hen, nek ne enhshenaʼtón꞉hahse tsi tehsatenonhwarorí꞉tonte.

Proverbs 15:1

Tókaʼ skenén꞉ʼa tsi tenhserihwaʼserá꞉ko shakʼthenwá꞉ton ne kanaʼkhwénhtshera, nok ne kanaʼkhwenhsherá꞉kon nowén꞉na sénha eniakonaʼkón꞉ni.

Proverbs 15:19

Tókaʼ sentóhrha, tsik nienhénhse akwé꞉kon nienwentó꞉reke, tókaʼ sarihwakwaríhshion iáh kiʼ oʼthé꞉nen thaʼtahsaʼnikonhrhá꞉ren.

Proverbs 16:14

Nónhka ionttokhahtsherí꞉io enionteʼnién꞉ten nahotonhnhá꞉rake ne ronontí꞉io. Tókaʼ enhoná꞉khwen ne ronontí꞉io, tókaʼ nón꞉wa ónhkaʼk eniaíeheie.

Proverbs 16:28

Nón꞉kwe ne iáh tetionkweʼtaié꞉ri teierihwenhawíhtha; ó꞉ni tahshakonaʼnikonhrhá꞉ren tánon tahshakotikháhsi natenroʼseraʼshón꞉ʼa.

Proverbs 22:24

Tóhsa sheiatenroʼserónnien nón꞉kwe ronteriiohseranón꞉we tánon ratinaʼkwahseró꞉hen.

Proverbs 25:15

Tókaʼ saʼnikonhkátste nahò꞉ten ahsheʼnikón꞉ron ne ierihwaʼshátste, enwá꞉ton tenhsheʼnikonhraté꞉ni ók ó꞉ni ne ratikorahserowá꞉nenʼs.

Proverbs 26:21

Ohswèn꞉ta katsí꞉rakatste, ó꞉iente enhshientóntho eniotékhake kiʼ tánon ó꞉ni ne ronnéhsaks ne tahonterihotáhrho ratinón꞉weʼs aiónhnheke ne taionterihwakén꞉ni.

Proverbs 28:25

Sonhà꞉aʼk sataté꞉iahre nek tkáhas kaʼnikonhrharáhtshera. Ne sénha ioiánere sarihwà꞉ke tahtshéhtak ne Roiá꞉ner.

Proverbs 29:22

Nón꞉kwe ienaʼkwahseró꞉hen tkáhas wé꞉so ne taionterihwakén꞉ni ó꞉ni kaʼnikonhrharáhtshera.

Ecclesiastes 10:4

Tó꞉ka shí꞉ken ne iakóra enhianáhkwahse, tó꞉sa kíʼ ensahthorísʼsen; ne iorihowáhnen tewaterientawenriéhon ahónton nahonsahionthatenikónhrenhse tó꞉ka sak tenhsahthatónhni.

Matthew 5:9

Iakotaskat nʼiakoianerenseriio: aseken Niio sakoienhokonha enhiontatenatonkȣake.