Proverbs 15:15 - Ohiatonhseratokénti

¹⁵ Tsi ronnónhnhe rotí꞉ten tió꞉konteʼ tehotihniotátie, nón꞉kwe iakotonhnháhere tió꞉konteʼ ne ionʼwé꞉sen tsi ronnónhnhe.

Proverbs 15:15 ပူးပေါင်းရင်းမြစ်များ

Genesis 37:35

Ratikwé꞉kon ne raonekenhteronʼtsheraʼshón꞉ʼahs ó꞉ni ne tsonathonwí꞉senʼs shakoioʼokón꞉ʼahs wahonteʼnién꞉ten nahonwaʼnikonhrahní꞉rate; ók iáh tehothontá꞉ton nahonwaʼnikonhrahnirá꞉ton, tánon wahén꞉ron, “Iáh, kwáh ienkátsnenhte ne Sheol nón꞉we tsítreʼs ne riién꞉ʼa, enwakatshonniónhkwen.” Káti ne roʼníha tehohsenthó꞉se.

Genesis 47:9

Ne Jacob wahawènhahse ne Pharaoh, “Tsi niiohserá꞉ke nonhwentsà꞉ke sikónhnhe énska tewenʼniáwe áhsen niwáhsen niiohserá꞉ke; iáh tewé꞉so tánon iohserahní꞉ronhkwe tsi ní꞉ioht tsi kónhnhehkwe. Iáh tshié꞉was tsi niiohseró꞉tenʼskwe tsi nihonnónhnhehkwe ne khehsothokonʼkénhen tsi nikarí꞉wes rotinatenhá꞉wihskwe.”

Proverbs 15:13

Nó꞉nen nón꞉kwe ronatonhnháhere, rotikonhsaiéhshon, nó꞉nen rotiʼnikonhráksenʼs enthotiʼnikòn꞉renʼne.

Proverbs 15:14

Nón꞉kwe ne tehotiʼnikonhráthe tehonatonhwentsó꞉ni sénha wé꞉so nahatiweienté꞉taʼne, nok ne iáh thaʼtehotiʼnikonhráhthe shaʼtehatinón꞉weʼs tsi iáh tekarihonnién꞉ni.

Proverbs 15:16

Ne sénha ioiánere naiesenténhton tánon atshetshaníhsheke ne Roiá꞉ner tsi niʼiot ne aiesakwatshéhake tánon taiesaʼnikonhrhá꞉rake.

Proverbs 16:22

Attokháhtshera tiohné꞉kote ne iónhnhe nónhka teiakoʼnikonhráthe nok ahsateʼnién꞉ten ahsherihónnien ne iáh thaʼteiakoʼnikonhráthe iáh shaʼtékena té꞉ken.

Proverbs 17:22

Satonhnhá꞉rak ne entkáhawe ensataʼkarí꞉teke. Tókaʼ tió꞉konteʼ saʼnikonhrèn꞉ton skenén꞉ʼa tsi enhsíheie.

Acts 16:25

Kák꞉non ne sihwasóntʼthen ne Kór tánon ne Silas ronaterénnaien ó꞉ni tehonwariwákwaʼse ne Rawenni꞉io, tánon ne ronátiakes ne rathinóton ronwanatahónsate.

Romans 12:12

Sewaskanektserákon non nahisewathonnárake, sewanikonkástek tsi tesewanikónrahre, tánon tiókonte tsi sewaterenʼnaiéntat.

Romans 5:11

Nók iáh kíʼ thók tèkon; ionkwatonʼnáhere neh tsi nihoiéren ne Rawenni꞉io rahonháke ne Sonkwaiáner Ié꞉sos Kerístos, rahónha ónen wasontiónʼnien ne Rawenni꞉io aionkwaténroke.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

2 Corinthians 1:5

Ionkwatiá꞉tare tsi nateiotenonhianíhton tsi ní꞉ioht tsi roronhiá꞉kenʼen ne Kerístos, nok ne káti á꞉re tsi niiorihwanéhrakwat tsi ní꞉ioht tsi sehshonkwaʼnikonhraieʼwén꞉thos.

2 Corinthians 6:10

Iáh teionkwakhwáhtshe nohontsakékhe, nok ionkwakwáhtshe tsi nonkwá꞉ti ne karonhiakékha.

1 Tiér 4:13

Kek sahtsennonníhak tsi kwáh thóʼwa thóh ní꞉ioht tsi aisaronhiaken꞉énhake tsi nihoronhiakén꞉en ne Kerístos, nekáti nahiontónʼon kwáh asiatanánonke natʼtsenonniátsera nónen enwenéstonke ne rahohiatanerakwátsera.