Proverbs 15:14 - Ohiatonhseratokénti

¹⁴ Nón꞉kwe ne tehotiʼnikonhráthe tehonatonhwentsó꞉ni sénha wé꞉so nahatiweienté꞉taʼne, nok ne iáh thaʼtehotiʼnikonhráhthe shaʼtehatinón꞉weʼs tsi iáh tekarihonnién꞉ni.

Proverbs 15:14 ပူးပေါင်းရင်းမြစ်များ

Psalms 119:100

Sénha ishinónhwe niwahkenikonhrahiéntas tsi ní꞉ioht ne tonhnonkwetahions, asèken wahkatienawáston ne saianerénhseras.

Psalms 119:97

Óh, tsi nikenorónhkwah ne saianerénhsera! Niahtewenhniseráke ne kanonhtonhniónkwas.

Proverbs 1:5

Kí꞉ken karihonnienníhtshera enká꞉nahne attokháhtshera sénha enhotiʼnikonhrowáhnha ne rotiʼnikonhrowá꞉nenʼs enhshakotiʼnikòn꞉ron ne ronateweiénhston.

Proverbs 12:23

Nón꞉kwe ne teiakoʼnikonhráthe thaʼteniontó꞉tate tsi nahò꞉ten iakoterién꞉tare, nok ne iáh thaʼtehotiʼnikonhráthe enhatirihó꞉wanahte tsi iáh tekarihonnién꞉ni.

Proverbs 15:15

Tsi ronnónhnhe rotí꞉ten tió꞉konteʼ tehotihniotátie, nón꞉kwe iakotonhnháhere tió꞉konteʼ ne ionʼwé꞉sen tsi ronnónhnhe.

Proverbs 18:15

Nón꞉kwe né teiakoʼnikonhráthe tiótkon iakotateweienentá꞉ʼon nahò꞉ten aieweientéhtaʼne.

Proverbs 9:9

Iáh oʼthé꞉nen tewatsterístha nahò꞉ten ienhsheiatátiaʼse ne ronttókha sénha nen né꞉ʼe enhonttókhaʼne. Tsi nahò꞉ten enhsehró꞉ri ne rotirihwakwaríhshion ne karihwí꞉io sénha kiʼ enhotiʼnikonhrowáhnha.

Isaiah 30:10

Ronnónha sakonénhni ne iehatiʼrihwákens, “Tó꞉sa sewatkátho”; tánon ne rotitó꞉kense, “Tó꞉sa iasewarihwáken tsi nahó꞉ten tkariwaiéri nonkwahrihwàke; né takwahtháras ne waterihwatiéʼsens í꞉ken, ne iaʼsewarihwàke ne tekarihwarastánion,

Isaiah 44:20

Né ranón꞉tens né wakenronʼtákwen; né kanikonraʼtátshera onikónra né wahotʼthaharákwahte, tánon iáh thaʼhakwéni nahatatenónsthate khés nahénron, “Iáh kén kí꞉ken nahó꞉ten niʼkháwe ne tsi kaweientethá꞉kwen kanikonrá꞉ton í꞉ken?”

Hosea 12:1

Ne Ephraim thóh enontsiatá꞉ren tsi teioweratá꞉se, tánon ne ratiweráhsera kontaseʼkó꞉wa ne tsitkarahkwí꞉nekens nentkawerénhawe; ne tehatinanetárions nonhó꞉wens tánon ne iaothé꞉nen kaianerénhsera tè꞉ken; wahontsanerenhserón꞉ni skátne ne Assyria, tánon ne kénʼie Egypt niahatíhawe.

Acts 17:11

Neh nónwe, nonkwesónhas sénha ne rontenikonrakthókhas tsi ní꞉ioht ne Thessalonica. Kwáh thoʼthinikonrakontákwen tsi rontahónsahtats nateriwanothátsera, tánon kwáh niaʼtewenniseráke tsi ronteweiénstha noiatonseratokénti neh nahothithókenʼse tóhka kén thóʼkenske tsi nahóten ráton ne Kór.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.