Proverbs 14:9 - Ohiatonhseratokénti

⁹ Nón꞉kwe tehonatenonhwarorí꞉tonte iáh oʼthé꞉nen tehontsterístha nahatirihwanérake, nok ne tionkweʼtaié꞉ri tehonatonhwentsó꞉ni naonhsahonwatiʼnikónhrhenʼse.

Proverbs 14:9 ပူးပေါင်းရင်းမြစ်များ

Job Tánon ne Raoronhiakensera 15:16

thóh ónte ní꞉ioht tsi sénha káronh nahontasakawétakwe tsi niká꞉ien ne iakotehenserá꞉re tánon ionkweʼtahétken; tsi niká꞉ien né꞉ne iakohióthens karihahetkénhsera ranekí꞉ra ne karihwaneraháktshera tsi ní꞉ioht nohnékanos!

Proverbs 1:22

“Tsón꞉kwe ne tesewatenonhwarorí꞉tonte! To nikarí꞉wes iáh thaiesewaʼnikonhrá꞉take? To nikarí꞉wes entsonʼweskwenní꞉heke thaietshié꞉ron ne kaweientéhtshera, iáh kenh nonwén꞉ton thaiesewaweientéhtaʼne?

Proverbs 10:23

Teiotenonhwarorí꞉tonte naiontonhnhá꞉ren ne thé꞉nen naióntiere ne wahétken. Nón꞉kwe rotiʼnikonhrowá꞉nen rononʼwéskwani nahò꞉ten wattokhahtsherí꞉io.

Proverbs 11:20

Roiá꞉ner ráhswenhs nónhka wahétken ionnonhtónnions, nok shakonorónhkhwa nónhka tierihwaié꞉rits.

Proverbs 12:2

Roiá꞉ner rawerienʼtí꞉ios nón꞉kwe tiakorihwaié꞉ri, enhshakohré꞉wahte nónhka ionteʼnikonhrón꞉nis ne karihwáksen.

Proverbs 13:15

Iakoʼnikonhrowanáhtha tenwatén꞉tsha ne kakwénienhstatsera, nok nónhka iáh thaʼón꞉ton naiontateniáhese tho kiʼ non nihonathahitáhkhe tsi nón꞉we nahontkarón꞉ni.

Proverbs 3:34

Iáh oʼthé꞉nen tehshakoniahé꞉sen ne iená꞉ie nok shakorihwakweniénhstha nónhka iakoniténhton.

Proverbs 3:4

Tókaʼ tho nénhshiere, Rawenni꞉io tánon nonkwehshón꞉ʼa kwáh í꞉ken tsi enhonerienʼtí꞉io.

Proverbs 30:20

Ne ká꞉ti kí꞉ken iakón꞉kwe iakonià꞉kon ne iáh teiakorihwakwaríhshion, eniontenahkwaié꞉sahteʼ, sók eniontá꞉wen, tánon eniaʼié꞉ron, “Iáh oʼthé꞉nen tewakatié꞉ren ne iáh tetkariwaié꞉ri!”

Proverbs 8:35

Nónhka eniontiaʼtatshén꞉ri enietshén꞉ri ne iohnheʼón꞉we, tánon ne Roiá꞉ner enhawerienʼtí꞉io ne raotirihwà꞉ke.

Leviticus 5:7

Tó꞉ka iáh taskarakwéni ne teiotinakaronhtónʼa tó꞉ka ó꞉ni ne kahiatákeras, ónenk tsi entetsawíten ne Roiá꞉ner naskárhiakʼthe ne sarihwanerahák꞉tshera tekatsiʼtenhseráke tó꞉ka ó꞉ni tekenihiáse oríte, nénska né꞉ne karihwáneren tánon nó꞉ia né꞉ne watéskonʼte aorihwáke.

Jude 1:18

Wahetsiróri, “nó꞉nen enʼwahwe noʼnáken tewenniseráh꞉te, enhontotashon nónkwe ne taietʼtsiʼieron, ne nónkwe ne rathísere tsi nihonskáneks nok iáh tehonwaiathi꞉saks ne Rawenni꞉io.”