Proverbs 14:8 - Ohiatonhseratokénti

⁸ Oh nontié꞉ren ne rattókha tsi teiakoʼnikonhráthe? Ne tsi roterién꞉tare tsi nihatiéhrha. Oh nontié꞉ren ne iáh thaʼtehoʼnikonhráthe tsi tehotenonhwarorí꞉tonte? Ne tsi í꞉rehre raonhá꞉ʼak roterién꞉tare.

Proverbs 14:8 ပူးပေါင်းရင်းမြစ်များ

Psalms 111:10

Nón꞉kwe nenhonwaʼkwénienste ne Roiá꞉ner né꞉ne tsotasawáʼkwen nahiontenikonratʼtókhaʼne; nakwékon ne thóh nenhiéhiere kwáh ioiánere tsi iakonikonhraiéntas. Kwáh kíʼ ioterihwí꞉son ne tiókonte tahonwaʼnonhweratónsheʼke.

Psalms 119:5

Ó tánon tsi nikeweienhnótens aiáwens aiorihwatokenháken ahonkatienawastónhake ne sarihonnienhnítseras!

Psalms 119:73

Satshanáke watsiatíshon tánon watiatasherónhni; tewakáwis nahonkenikonraiéntaʼne ne nahónton akewehientétaʼne ne satsiawenhráhseras.

Psalms 143:8

Takeríhon nahonkatʼtónhtene ne iorihwatóken sanoronhkwáhtshera noronhkéne, asèken í꞉seke nón꞉we nihtewaketákwen. Takerihónhnien tsi nihiohahóten akatʼthahíta, asèken í꞉seke nón꞉we nikaterénhnaiens.

Proverbs 11:18

Nónhka ne iáh tetiakorihwaié꞉ri iáh oʼthé꞉nen kwáh thaʼtaiontèn꞉tsha. Nok tókaʼ tho nénhshiere tsi nahò꞉ten tkariwaié꞉ri kwáh ki iorihwí꞉io tsi tensaterihwaʼserákwahse.

Proverbs 12:5

Nón꞉kwe iakorihwakwaríhshion ioiánere tsi teniesarihwáhshnieʼse; nónhka iáh tetiakorihwaié꞉ri nek ne aiesaʼnikonhrhá꞉ten.

Proverbs 15:21

Nón꞉kwe ne iáh thaʼteiakoʼnikonhráthe ronatonhnháhere tsi rotinonhwaró꞉ri, nok ne ronttokhahtsherí꞉io eʼthó nihatiiérha tsi nahò꞉ten tkariwaié꞉ri.

Proverbs 2:9

Tókaʼ enhskwatahónhsatate, ensaterién꞉taraʼne nahò꞉ten tkaié꞉ri shaʼténhshiere tánon ne tkarihwaié꞉ri. Ensaterién꞉taraʼne tsi nénhshiere.

Proverbs 8:20

Tsi tekatekhaháhkhwa né꞉ne tkarihwaié꞉ri; né꞉ʼe wakathahitáhkhe ne aterihwakwarihshionhtsherá꞉kon,

Ecclesiastes 2:13

Óh, wakateriénthaʼre, “Natʼtokáhtshera sénha ne iohiánere tsi ní꞉ioht ne ononhwaroʼríta, tsi ki ní꞉ioht ne teioswátʼthe sénha ne iohiánere tsi ní꞉ioht ne tetsiókaras.

Ecclesiastes 2:16

Iáh ónhka tesonhwenʼnéhiare ne ronhtenikonhratʼthó꞉kha, tánon iáh ónhka tesonwenhnéhiare ne thoʼnahtónnokʼte. Nenhnísehra táwe, kwáh tewakwékon tsi enhionkhihiathanikónhren. Kwáh tewahkwékon ónenk tsi entewénheie—rontenikonhratʼthó꞉kha tánon ne thohʼnathónnokʼte satenhiothónhake.

Jeremiah 13:20

Jerusalem, satʼkátho! Ne iesáhsons othoréhke nonhtahonnenonhátie! Kahniehonénon nonhkweshón꞉a ne ieshaniahésenhne nasehiatennikonhráhren, sonkwetahkénʼen tsi nisehsennhowanáhthaʼkwe?

1 Corinthians 3:19

Asèken nahóten ne tsi ionwentsiáte tekaiatorétha né꞉ne kariwahkwahrishóntshera akénhake tehiotenonwahrorítonte nèn꞉ne ne Rawenni꞉io raohénton. Tsi niwáhton noriwahtokénti, “Rawenni꞉io shahkoterístaiens ne rontótʼkhas ne rahotinikonrowahnhatsherákons”;

Ephesians 4:22

Kwáh kíʼ iasewárek ne sewaweienʼnakáhion, tsi ne iónʼnis ne séhkon thoʼní꞉ioht tsi ahisehʼtsiónnheke—neh oweienʼnakáion tsi wahthónton neh tsi nikanikonráhthakwe nahoskanéktseras.

Ephesians 5:17

Tóhsa tasewathonʼnókʼtat, nók satheniénten naseriwatʼtsénri nahóten tehonthohontió꞉ni ne Roiá꞉ner ahisahióten.

2 Timothy 3:13

tánon ne ionkwetahétken tánon ne tesakhorenkénnies kwáh sénha enhotihetkénten, sakotinikonraténnis nakorénsons tánon ó꞉ni ronwahtinikonraténnis nón꞉ne ne ronónha.

Ne꞉ne Sák Rohiaton 3:13

Ónhka kén tsi nítion naihsewatʼthókake ó꞉ni ahisewanikonraientáseke? Né seriwanírat tsi niʼioiánere tsi nishón꞉ne, tsi nikahiotenserí꞉io sahiotén꞉en né tsi nithisariwaiéri ó꞉ni sanikonraientáskon.