Proverbs 14:31 - Ohiatonhseratokénti

³¹ Tókaʼ enhshetenhstéhten ne iakotenhténion, enhtsheʼnikonhrakaré꞉wahte Rawenni꞉io ne shakoiaʼtíson; tókaʼ tenhsheiahrhó꞉ton ne iakó꞉ten Rawenni꞉io enhtshennó꞉wanahte.

Proverbs 14:31 ပူးပေါင်းရင်းမြစ်များ

Job Tánon ne Raoronhiakensera 24:4

Ieshakotí꞉rens ne iakothenténion ne é꞉ren ahié꞉te nowahà꞉ke; ne iakonoronsthén꞉nis ne tsi ionhwentsá꞉te iakotashetonháties.

Psalms 12:5

“Tioríhwa tsi nikarihwahétken tsi nihonwatiʼiérase ne tehonthonhnakárias, tioríhwa, tsi niotironhiáken né tehonthonhnakárias, kwáh ónenk thóh nénhtiere,” ráton né Roiá꞉ner; “kwáh entkákʼkakwe né kaienawaséhtshera tsi nithonskáneks.”

Proverbs 14:21

Tókaʼ tesatonhwentsó꞉ni naiesatonhnhá꞉rake, shé꞉tenhr ne iakó꞉ten; karihwáksen nónhka ahshekèn꞉ron.

Proverbs 17:5

Tókaʼ thenhsheié꞉ron iakotenhténion, entsheʼnikonhrakaré꞉wahte Rawenni꞉io aseʼkénh ne shakoiaʼtíson. Ensatré꞉wahte tókaʼ enhsatshennón꞉ni nónhka iakoteraʼswaksén꞉ʼen.

Proverbs 19:17

Nó꞉nen enshé꞉ion ne iakó꞉ten, ne shá꞉oriwa ne ahtshé꞉ni ne Roiá꞉ner tánon Roiá꞉ner enhshiakáriaʼkse.

Proverbs 22:16

Tókaʼ enhsón꞉ni nahò꞉ten ahshé꞉ion ne rotikwáhtshe tánon tókaʼ ó꞉ni ehtà꞉ke enhsheión꞉ni ne rotitenhténion, íhsehre eʼthó naontá꞉we aiesakwáhtsheʼne, í꞉se kiʼ ó꞉ni ensenténhtaʼne.

Proverbs 22:2

Iakokwáhtshe tánon iakó꞉ten ne shá꞉ka tsi ní꞉ioht ne Roiá꞉ner tsi shakoiaʼtíson.

Proverbs 28:8

Tókaʼ ensakwáhtsheʼne ne tsi shenaʼtonhkwén꞉nis nónhka ahshehwístani wé꞉so nahatikáriaʼke nowí꞉ra, sakwahtshéhsera akó꞉ren enieié꞉na né shakotinorónhkhwa ne rotí꞉ten.

Ecclesiastes 5:8

Tó꞉sa sahneráhko nónenh ensatkátho né kakórahse iakoronhiakéntha ne iakoténtha tánon tsiakototʼtakwénhni ne kariwahkwahrishión꞉tshera tánon ne tkariwaiéris. Iaʼtehionkwétahke ne ronahterihónton tsi thonwahthínes ónhkak ne sénha éneken ronahteríhonte, tánon ó꞉ni shé꞉kon tetsáronh thonwathínes né sénha éneken ronahterihóntons.

Leviticus 25:17

Tó꞉sa entienikonhrá꞉ten Nisraerʼró꞉non, ók tiewénhnarak ne Roiá꞉ner Saní꞉io.

Leviticus 25:35

Tó꞉ka ne Israerʼró꞉non ákta tsi nónhwe niʼshí꞉teron thóh raná꞉kere wahothénthaʼne tánon iáh thaʼhakwéhni nahathatsiathakéna, ónenk tsi thenhtserihwásnieʼse tsi kíʼ ní꞉ioht ne raná꞉tshera, ne káti nahónton niahakónhthaʼkwe tsatákʼtha ahanákereke.

John 12:8

Aseken tiotkon enseȣaientake ne iakotent; nok nʼii iah tiotkon taeteȣakȣekon.

Deuteronomy 24:14

“Tó꞉sa senikonhráhten ne iakotenhthén꞉nion ó꞉ni ne tehiontonhnakháras ienhátsheras, né꞉ne tó꞉ka ken Israerʼró꞉nons akénhake tó꞉ka ó꞉ni tihononhontsá꞉tes né꞉ne sewanatá꞉kons ratinakerénion.

1 Sawátis 4:21

Tsi nitesonkwáwi natsawenrhátsera ne Kerístos neh꞉ne kíʼ kén: nónka enhonwanóronkwe ne Rawenni꞉io ónenk tsi enhiontateʼnóronkwe nakorénsons.