Proverbs 14:3 - Ohiatonhseratokénti

³ Ratiná꞉ie tehonatenonhwarorí꞉tonte só꞉tsi wé꞉so rontà꞉tis; raotiwennaʼshón꞉ʼa ne ronttókha ne enhotiiaʼtanónhstate.

Proverbs 14:3 ပူးပေါင်းရင်းမြစ်များ

Job Tánon ne Raoronhiakensera 5:21

Kwáh ki eniesahiataséhtonhke tsi nokwáh ne ronhnenhná꞉satʼsens, tánon iáh kí tahisaterónhsehke atkaronhniátshera nó꞉nen enwá꞉we.

Psalms 12:3

Aiáwenhs ne Roiá꞉ner ahá꞉iake akwékon tsi nihontenaiestha né ratisáke tsi naʼtehonenhnashatsikhétare, né nawenhnáson ne iónhnis kowánen karenhsarónhtsera,

Psalms 31:18

Sehiárist nètho rotinó꞉wenhs ratikwékon ne ronhthatón꞉ni ó꞉ni ne ronhtatkowánen tsi nikáien ronhtátis nasahkotinontánahke ne tionhkwetaiéris.

Psalms 57:4

Kwáh tehionkehonwaʼrónhni ne iónkshons, ne ronhnónha thóh nihatihiatóten tsi ní꞉ioht ne ónhkwe sakotiwáʼraks kénreks. Ne tsi ratinotsiótons kwáh né꞉ne osìkwe tánon kaiénkwires, né ronhnasákes kwáh né꞉ne iosarotí꞉ie.

Proverbs 12:6

Raotiwén꞉na ne rotirihwanerenʼákskon iakohnonhwarhiakons, nok ne raotiwén꞉na ne thotirihwaié꞉ri eniakoʼniá꞉kenhte nónhka iontatteronhkwén꞉nis.

Proverbs 13:3

Seʼnikón꞉rarak tsi nahò꞉ten enhsí꞉ron tánon enhsenónhstate tsi sónhnhe. Nónhka iáh tehaʼnikón꞉rare tsi nahò꞉ten thatá꞉tis enhoiatá꞉tonte.

Proverbs 14:4

Tókaʼ iáh tehsanáhskwaien ne tiohnhónskwaron rá꞉tsiʼn ne aontahatihéntho ieʼtarakahrhathóhstha iáh kiʼ thé꞉nen thakaién꞉take tsi senekeraientáhkhwa, tókaʼ sanáhskwaien tentká꞉rake ne onahtsa.

Proverbs 18:6

Nó꞉nen onka ne teotenonhwaro꞉ritonhte enthatasawen ne tahariʼwakéhnha rariʼwanóntha nahonwanonhwenhserário.

Proverbs 18:7

Nó꞉nen rononhwaró꞉ri enthatà꞉ti ehtà꞉ke nienhatáthawe; tsi waterístaien enhoié꞉na tsi ní꞉ioht tsi róhthare.

Proverbs 21:24

Takenaʼtón꞉hahs ónhka iená꞉ie tánon enkonnaʼtón꞉hahse nónhka iakotkenhronniá꞉tskon, iontatón꞉ni, tánon ronnónha khók rontaté꞉iahre.

Proverbs 22:8

Tókaʼ wahétken tsi nenhsheiatié꞉raʼse nonkwehshón꞉ʼa atkarónnia kiʼ ensehshienthó꞉ko, tánon enwató꞉kten ne nónhka akó꞉ren ahsheʼwíshaʼte.

Proverbs 28:25

Sonhà꞉aʼk sataté꞉iahre nek tkáhas kaʼnikonhrharáhtshera. Ne sénha ioiánere sarihwà꞉ke tahtshéhtak ne Roiá꞉ner.

Daniel 7:20

Tánon waʼtewakatonhontsóhse naʼonkaterién꞉taraʼne oh nontié꞉ren tsi oié꞉ri naʼtehoná꞉karonte ne ranontsì꞉ne, tánon shé꞉kon ó꞉ia saiokétohte ó꞉ni wakakwé꞉ni ne áhsen nikanaʼkará꞉ke tón꞉senʼne. Kwáh tekakahratárion ó꞉ni kahshaká꞉ronte ó꞉ni kwáh kaná꞉ie tsi naʼteiotaterénhsaron. Sénha né iotteronʼón꞉we tsi ní꞉ioht notiaʼkéshon.

2 Tiér 2:18

Rontathonniénnis ne kanaiésera ó꞉ni tehiotenonwaroríthonte tsi nahótens rontónnions, tánon rónsta ne ioteriwatéha ne ratiʼierónkes tsi sakonaskanekténnis tsi asakonaterístaien tsi nihiákon ne ónwak iakotasawátie nahonwanatékwase nónkwe neh thóh nónwe nihonónnhe ne aterientawenrhietserákon.

Revelation 12:11

Ók ne ronwasenhniéton ne raón꞉ha ne raonekwénhsa ne teotinaʼkaronhtónha owí꞉ra tánon nowén꞉na ronatrorhiá꞉ton, tánon ronathateweienhnentá꞉on nahontsakwaríshion tsi ronhnón꞉nhe ó꞉ni nahonní꞉heie.

Revelation 3:10

Tiorì꞉wa ní꞉se tsi satienawátston nakewén꞉na ne ioʼnikonhkátste tekawishátste, Ní꞉i kwáh enkonhnónsthate nó꞉nen enwá꞉we ne tsi nikawistá꞉hets né꞉tho taionhnikón꞉raren tsi nontaiawenonhátie ohontsakwé꞉kon ne nahiakoteʼnién꞉ten ne ronhnonhontsakeró꞉nons.

1 Samuel 2:3

Tó꞉sa isiʼnónwe nonsashatáti shó꞉tsi kwáh ashenáieʼke, tó꞉sa serí꞉hon natatʼkowahnátshera thóh nahontáwe tsiʼtsakáronʼte; asèken ne Roiá꞉ner ne ne Ní꞉io nakwé꞉kon tseoteriéntare, tánon rahón꞉a tsi niʼieweiennótens nónkwe rakontieríhara.