Proverbs 14:16 - Ohiatonhseratokénti

¹⁶ Nón꞉kwe tehotiʼnikonhráthe ratiʼnikón꞉rare tóhsa tahatiʼnióhskenʼne, nok ne iáh thaʼtehotiʼnikonhráthe iáh tshiaʼtehonnonhtónnions só꞉tsi tehotihskenhniase.

Proverbs 14:16 ပူးပေါင်းရင်းမြစ်များ

Genesis 33:9

Ók né Esau wahén꞉ron, “Ó꞉nen iatewatiérise, tiathatéken; satewé꞉ienton tsi nahó꞉ten saien ne iateshiá꞉ti.”

Genesis 42:18

Nahsénhaton siwenhniserakéhaton ne Só꞉se wahshakawènhahse, “Kenʼ naʼsewá꞉iehr tánon kwáh entsonhnheke, aseʼkénh ritshá꞉nihs ní꞉i ne Rawenni꞉io:

1 Kings 19:2

Nahónha iahoterihwaniéthase ne Elijah: “Aiáwens ne ratiní꞉ios ahiónhtienʼte nakíheʼie thóh nakaháwike nenhiórenhne tsi nónhwa nihiowistáhe né iáh thóh thaʼkonhierásere tsi né niseiérase ne rothithokenhséhakwe.”

1 Kings 20:18

Tsi wahathénhnaʼne, “Ronnón꞉nhek tsi enseiéna, iáh tewatsʼterístha tó꞉ka kén tsi tahónhne né nahonterí꞉io khés ne skénnon ronhné꞉satst.”

Nehemiah 5:15

Ne thatikó꞉rakwe nohén꞉ton ní꞉i thóh rotí꞉ien ne iorieniátste rononhà꞉ke nonkweshón꞉as, tánon washakotinatarákwa ó꞉ni nonenharákeri, tséskate ne kaié꞉ri niwáhsen nikakontserá꞉kes kawistará꞉kens; ne raonhatserashón꞉as kwáh ó꞉ni rotishatstenhseraién꞉takwe tsi nokwáh nonkweʼshón꞉as, ók iáh ní꞉i thóh tewatié꞉ren tiorì꞉wa tsi ritsá꞉nis ne Rawenni꞉io.

Job Tánon ne Raoronhiakensera 1:1

Ronkweʼkén꞉en thoraná꞉kereʼkwe tsi watonwentsá꞉ien ne Uz. Job ronwá꞉iatskwe tánon kwáh iáh othé꞉non tewátonskwe ne othé꞉nen ahontahonwárase tánon tronkweʼtaiérihkwe, tánon ne nénska rónkwe kwáh í꞉ken tsi rorihwakweniénstakwe ne Rawenni꞉io tánon ratharonhtsiénskwe tsi nokwáh ne karihwahetkénhsera.

Job Tánon ne Raoronhiakensera 28:28

Tánon wasakawénhase nonkweshón꞉as, ‘Orihwiiohón꞉we, ne raoteronhkwátshera ne Roiá꞉ner tsi né nathokhátsera í꞉ken; tánon né꞉ren ahiénte ne karihwahetkénhsera né꞉ne kaʼnikonhraientátshera í꞉ken.’”

Psalms 119:120

Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Psalms 34:14

Éhʼren í꞉set tsi nòkwah ne kariwahetkénsera, tánon ne sahióten tsi nahó꞉ten ne ioiánere; né séhsak ne skénnon í꞉ken, tánon sasteniáronk.

Proverbs 1:32

Ónhka ne iáh tshiekaié꞉ri tsi nihonaterién꞉tare enhonníheie né tsi iáh thahatiié꞉na ne attokháhtshera. Nón꞉kwe ne iáh thaʼteiakoʼnikonhráthe enhontkarón꞉ni né tsi iáh oʼthé꞉nen thaʼtehonaʼnikónhrhare.

Proverbs 14:15

Rononhwaró꞉ri tsik nahò꞉ten entréhtahkwe; nok ne tehotiʼnikonhráthe ratiʼnikón꞉rare tsi niahonenonhátie.

Proverbs 14:17

Nón꞉kwe ne ratinaʼkhwahseró꞉henʼs teiotenonhwarorí꞉tonte tsi nenhontieránion; ók ne tehotiʼnikonhráthe thaʼtehonató꞉te.

Proverbs 16:17

Nónhka tionkweʼtaié꞉ri tho nón꞉we enionthahaté꞉ko tsi iohatátie ne karihwanéren; satenʼnikón꞉raren ká꞉ti tsi nón꞉we wesenonhátie—tókaʼ ne ensaʼniá꞉kenhte.

Proverbs 16:6

Sarihwatokénhak tánon sanitenrahtskónhak, Rawenni꞉io enshiaʼnikónhrhenʼseʼ tsi sarihwanéren. Tshewèn꞉narahkhwak ne Roiá꞉ner tánon iáh oʼthé꞉nen ne karihwáksen thaiesà꞉raʼne.

Proverbs 22:3

Nón꞉kwe ionttokhahtsherí꞉io óksaʼk ienieièn꞉tereʼne tókaʼ tá꞉we ne kaʼnikonhrharáhtshera é꞉ren èn꞉ienhte, nok ónhka iáh tshiaʼtaionnonhtónnionhwe kwáh nen né꞉ʼe tho nienhén꞉ien tsi non tetekaʼnikónhrhare tánon nohnaʼkèn꞉kha entsontateriʼwáhsten.

Proverbs 28:14

Tiótkon tshewén꞉narakhwak ne Roiá꞉ner tánon enhsatonhnhá꞉rake. Tókaʼ seriahsahní꞉ron, wé꞉so kiʼ ensáhtonʼse.

Proverbs 29:9

Nó꞉nen ónhka teiakoʼnikonhráthe tsi teieiaʼtorehtáhkhwa enhonwahiatónhseron ne tehotenonhwarorí꞉tonte, nek ne roiéshon tánon iorakaré꞉ni tsi ni꞉iot tsi enhatonkweʼtáksaʼte.

Proverbs 3:7

Tóhsa nonwén꞉ton sanonhtonniónhak í꞉se kenh sénha sattókha. Kwáh nek ne tahtshéhtak ne Roiá꞉ner, tánon tóhsa sathón꞉tat kenʼniáhshiere nahò꞉ten iáh tetkariwaié꞉ri.

Proverbs 7:22

Thontaiawénhstsi ká꞉ti waháhsere, rohsharí꞉ne tsi shí꞉ken ní꞉ioht ne teiotiná꞉kares waʼkonwarióhsere, tsi shí꞉ken ne oskenón꞉ton iotiaʼkaróntion tsi nón꞉we tewaterístaien

Ecclesiastes 10:13

Tsi enthontásahwen ohnonwarorí꞉ta íken tsi rotíthare tánon kíʼ tsi ienhathísa kwáh íken tsi rothinahkwénhʼen.

Numbers 22:27

Ók kíʼ nónhwa, nónen ne tewahóntes sonhsahó꞉ken ne raronhiakeró꞉non, ehtàke wahatiatiónhnite. Ne Balaam wahotenakwahwenhratʼtie tánon sahononhwenhserário ne rahotshénen tewahónhtes ká꞉nia wáratste.

John 9:40

Neh ȣaonni otiake ne Pharisian netho ronneskȣe, ȣahonȣariȣanontonse, ȣaonniron: Nok nii, teiakȣaronȣekon oniken nii?

1 Thessalonians 5:22

tánon satiatatískwat tsi nahoténsons ne karihwákʼsen.