Proverbs 14:14 - Ohiatonhseratokénti

¹⁴ Nón꞉kwe ne iáh tetiakorihwaié꞉ri enieié꞉na tsi nahò꞉ten teiakotèn꞉tshon. Nok ne tionkweʼtaié꞉ri teniakoterihwaʼserákwahse tsi nahò꞉ten iakoioʼtén꞉ʼen.

Proverbs 14:14 ပူးပေါင်းရင်းမြစ်များ

Psalms 109:17

Raʼnónweskwe ne tasakahonhnakáriaʼte; ánion kíʼ nateraswaksénhtsera rohiató꞉ren. Iáh tehanónswekwe nasakoiathatérisʼte; aiáwens kíʼ ne kaiatateríhtsera ahínonh nió꞉re ahontakénhake ne rahonháke.

Proverbs 12:14

Ne tkaiatawenní꞉io tsi nahò꞉ten tensaterihwaʼserákwahse tsi nahò꞉ten enhsì꞉ron tánon tsi nenhsátiere, ne enhshié꞉na tsi kiʼ nahò꞉ten tesatèn꞉tshon.

Proverbs 12:21

Iáh oʼthé꞉nen thaiakoiá꞉tawen ne wahétken ne tiakorihwaié꞉ri, nok ne iáh tetionkweʼtaié꞉ri nek ne enhatiié꞉na ne tahonʼnikonhrhá꞉ren.

Proverbs 14:10

Satonhnharáhtshera í꞉se khók sá꞉wen; nahò꞉ten ne iotskà꞉ra í꞉se khók sá꞉wen. Iáh ónhka thaʼtaieseniié꞉na.

Proverbs 14:15

Rononhwaró꞉ri tsik nahò꞉ten entréhtahkwe; nok ne tehotiʼnikonhráthe ratiʼnikón꞉rare tsi niahonenonhátie.

Proverbs 18:20

Enhshá꞉wake tiótkon tsi neniá꞉wenʼne nahò꞉ten entehsatá꞉ti.

Proverbs 9:12

Í꞉se sonhá꞉ʼa enhsatshennonniátahkwe tókaʼ sá꞉ien ne attokháhtshera, tánon tókaʼ iáh thahshié꞉na, í꞉se kiʼ enhsatatkarón꞉ni.

Jeremiah 17:5

Ne Roiá꞉ner ráton, “Enkheréwahthe tsi nihiákon nenhionkatkarahténi tánon onhkweshón꞉a enhonwatiʼniahesénhake, ne ne ahoshastsʼtenseráhkon ne kenhéion.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 8:5

Nonhtséren káti, akonhkwetahshón꞉a, tsi tahkwatʼkarahthénion tánon kwáh iáh thathiʼtisehwákthons? Ietʼtsihiatienawásthon ne sehwahiatónʼnis tánon iáh tesehwatʼthóntats ne Í꞉i nòkwah nathahontésehwe.

Ezekiel 22:31

Káti ienkátʼkaʼwe nakenahkwáhtshera ne rononháke, tánon tsi ní꞉ioht nótsire kwáh enkhehiáthonthe ne tsi nihonahtiéren.” Ne Ronhnontí꞉io Roiá꞉ner wahatáti.

Hosea 4:16

Kwáh tsi nihionontsistaní꞉ron ne tionhnónskwaron owí꞉ra, né Israel kwáh se ionontsistaní꞉ron; ahakwé꞉ni ken ne Roiá꞉ner ó꞉nen asakonónte tsi ní꞉ioht ne teiotinakarontón꞉as ne watenhenrowá꞉nenhne kontì꞉teron?

Zephaniah 1:6

Tsi nihiákon ne tsakokton tsi ronhwanonhterá꞉tsene ne Roiá꞉ner, ronónha ne iáh tehonwaiatísaks ne Roiá꞉ner khés ne thé꞉nen ahonwarihwanóntonhse.

John 4:14

Nok tanon nenhanekira nenhinekanonte iah nonȣenton tiiahonsahoniatathen, aseken ok nehe nenhinekanonte ienȣatnaȣeronni ne rahonhake ne iah taonsteske tiotkon tanon enhiohnekotake tsi niienhenȣe.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

Galatians 6:4

Kwáh kíʼ teʼiotonwentióʼon neh iaʼtesháti tsi tasathatiatorétase. Tóhka ioiánere, ethòne kíʼ enwáton ne tasathaterénsaron tsi nahoténson saiotén꞉en, nehne kwáh tóhsa tahontasatenákeraste nakóren tsi naiakohiotén꞉en.

Galatians 6:8

Tóhkaʼ thoʼnónwe nen tsiéntho tsi kahétaien ne kariwakʼsénʼke, tsi neh ensanitonniónnen nahsientʼtkwáko ne kenhéiat; tóhkaʼ thoʼnónwe nen tsiéntho tsi kahétaien ne tkariwaiéri, neh tkariwaiéri neh entʼkaháwithe nasientʼtwáko ne ionnheónwe.

Hebrews 3:12

Tewatenroshón꞉a, sewanikonráhrat tóhsa ónka tsi nítion thoʼnióre tsi aiseweriaskatsénhake ó꞉ni aisewahtenowéntake kwáh ahtsisewatswahténien ne ronnheónwe Ní꞉io.