Proverbs 14:11 - Ohiatonhseratokénti

¹¹ Nón꞉kwe tiakorihwaié꞉ri akonónhsa shé꞉kon enkà꞉take nok ne iakorihwanerenʼákskon ó꞉nen nen né꞉ʼe teniakotenonhsarenién꞉ni.

Proverbs 14:11 ပူးပေါင်းရင်းမြစ်များ

Job Tánon ne Raoronhiakensera 15:34

Asè꞉ken ne raotitióhkwas ne iáh teotinihioserá꞉iens tsi iáh othé꞉non tè꞉ken, tánon ótsire watsaháthas ne raonatóhseras ne ratinikonrá꞉tha.

Job Tánon ne Raoronhiakensera 18:21

Orihwiiohón꞉we tsi thóh ní꞉ioht tsi rotinonshó꞉tons ne iáh teotinihioserá꞉ien, thóh nihonaktò꞉ten ne iáh tehoienhté꞉ri ne Rawenni꞉io.”

Job Tánon ne Raoronhiakensera 21:28

Asè꞉ken ní꞉se sáton, ‘Kaʼnón꞉we nihonónhshote ne rasenhnowá꞉nen? Kaʼnón꞉we nihothatóhserote ne ronhkweʼtahétken ne thóh nón꞉we nahenterón꞉take?’

Job Tánon ne Raoronhiakensera 8:15

Tó꞉ka nón꞉kak iahontsiatarakáren tsi ronónshote, iáh thahotié꞉nawatste; tó꞉ka nón꞉kak iaiehiénah kwáh ki iáh thatakawishátsteke.

Job Tánon ne Raoronhiakensera 8:22

Tsi nihiá꞉kon ne iesatakwáhsons kwáh né꞉ne ne enhonatseronhniátonke natehénsera, tánon ne tsi ronathatóserote ne ionkweʼtahétkens enwahtónhtonke.”

Job Tánon ne Raoronhiakensera 8:6

Tó꞉ka thóh nió꞉re tsi satonkwetatkwéniens tánon satonkwetakwahríhshion, orihwihiohón꞉we ki ethò꞉ne kwáh thentthatane ne sarihwà꞉ke tánon entáhawe ne skén꞉non í꞉ken ne sarihwà꞉ke tsi nateiotonhontsó꞉hon.

Psalms 128:3

Ní꞉se tánon ne teseníteron kwáh wé꞉so enseniwiraiénhtaʼne; tánon ne ratitsaokónhas kwáh enhonatsoʼkowánenhke ne satekwahraʼtserák꞉ta.

Psalms 37:10

Kénk nikaríhwes ne rotiriwahnerákskon tsi enhatihiatáton; eʼthohsáne kwáh waʼsasteniáron tsi waʼsehiatisá꞉khe, iáh kíʼ thasehiatatʼtsénhri.

Proverbs 11:28

Nónhka ne teieká꞉nere akokwahtshéhsera tho neniá꞉wenʼne tsi ní꞉ioht ne kanennaʼkè꞉ne iotenerahtaténion, nok ne tiakorihwaié꞉ri eniakokwáhtsheʼne tsi ní꞉ioht ne ónerahte ióhskats ne akenhnhà꞉ke.

Proverbs 12:7

Rotirihwanerenʼákskon ne ienhotiià꞉tenhte tánon iáh oʼthé꞉nen thahonthwatsirón꞉ni, nok ne thotirihwaié꞉ri raotihwá꞉tsire enhonnónhnheke.

Proverbs 15:25

Roiá꞉ner enhsakononhsaríhshien ne rontatón꞉ni, nek tsi enhanónhstate tsi nahò꞉ten iakó꞉ien ne iakotehré꞉ʼonʼs.

Proverbs 21:12

Rawenni꞉io, ne kwáh thorihwaié꞉ri roterién꞉tare tsi nihontiéhrha raotinonhskónhshon ne iáh tetionkweʼtaié꞉ri, enhshakóhtkaʼwe tánon akwé꞉kon enhonáhtonʼse nahò꞉ten rotí꞉en.

Proverbs 21:20

Nón꞉kwe ronttokhahtsherí꞉io rotikwáhtshe tánon kakwahtshehserá꞉kon tsi ratì꞉teron, nok ne iáh thaʼtehotiʼnikonhráhthe tsi ni꞉iot ne iohsnó꞉re enhatiié꞉na nohwísta tho ni iohsnó꞉re tsi enhonthwistahní꞉non.

Proverbs 3:33

Roiá꞉ner enhà꞉ren kahrewahtáhtshera tsi nón꞉we nihatì꞉teron ne rotirihwanerenʼákskon nok enhaiaʼtaté꞉rihste tsi ratì꞉teron ne tionkweʼtaié꞉ri

Zechariah 5:4

Ne Roiá꞉ner Roshatstenhserowá꞉nen ráton ienhaténiethe kí꞉ken karewahthátshera, tánon ienhiakonnonhsohrénʼne kwáh tsi niatehionkwè꞉take ne ienénhskwas ó꞉ni tsi nihiá꞉kon ne ionnhowénhtha nó꞉nen iakorihwahní꞉raton. Akonónhskon enkaiénthake tánon enhiakohetkénten.”