Proverbs 13:21 - Ohiatonhseratokénti

²¹ Kaʼnikonhrharáhtshera rotíhnonhteratseʼs ne rotirihwanéren tsik nón꞉we nienhón꞉ne, nok ne thotirihwaié꞉ri tenhonaterihwaʼserákwahse tsi nahò꞉ten ioianeré꞉shon.

Proverbs 13:21 ပူးပေါင်းရင်းမြစ်များ

Genesis 4:7

Tókaʼ aontesaierí꞉tonke, iáh ken takonienenke? Tánon tó꞉ka iáh tahontaserihwaiérite, karihwanéren ioniʼtsonhkón꞉ni ne kaʼnhohát꞉ta; í꞉se kí saskáneks, ók ónenk tsi ensatiaʼtakweʼní꞉iohste.”

Psalms 140:11

Tó꞉sa satónhtat ne iakenhnasát꞉sen naʼiakoianerenhseraiénhtake tsi ionhwenhtsáte; sathón꞉tat ne karihwahét꞉ken iostorekéha tsi ahiakotórahte ne ratinikonrahét꞉kens!

Psalms 32:10

Ne ionkwetahétʼken onén tsi enhatironhiáken, ók ne iorihwató꞉ken kanoronhkwáhtsera ne tehiakotsatháton tsi nihiákon ne tonhwethákwen ne Roiá꞉ner.

Psalms 54:5

Aiáwenhs ne Rawenni꞉io né arátste ne raotirihwahetkénsera tsi ensakoréwate. Kwáh ensakótonhte tsioríhwa tsi nihorihwaʼtó꞉ken.

Proverbs 11:31

Nónhka tiakorihwaié꞉ri teniakoterihwaʼserákwahse kén꞉ʼen tsi ionhwentsá꞉te, kwáh ká꞉ti orihwí꞉io saterièn꞉tarak nónhka iáh tetiakorihwaié꞉ri tánon iakorihwanéren tsi eniontré꞉wahte.

Proverbs 13:13

Tókaʼ iáh thahshié꞉na ne kaʼnikonhrí꞉io, seriʼwanóntha kiʼ né꞉ʼe kaʼnikonhrharáhtshera; íhtshehr kaʼnikonhrí꞉io ne ensaʼniá꞉kenhte.

Proverbs 17:13

Tókaʼ ne enseskáriaʼkte ne wahétken ne aonaktà꞉ke ne ioiánere, iáh ki nonwén꞉ton é꞉ren thá꞉wehte ne ioʼtáksen ne sanónhskon.

Proverbs 24:16

Iáh oʼthé꞉nen tewatsterístha tho niiotká꞉te ne thonnonkweʼtaié꞉ri tahatiʼnióhskenʼne, tiótkon tenhshatí꞉taʼne; nok ne iáh tethotirihwaié꞉ri enhontkarón꞉ni tókaʼ ó꞉ni enhontatáhtonʼte.

Isaiah 47:11

Ók karihwahetkénsera ensáraʼne, né꞉ne iáh taskwé꞉ni asathenhennáro tsi éhʼren ahonsáweʼte; né natʼkaronhniátshera kwáh kí ensáraʼne, né꞉ne iáh taskwé꞉ni nahonshaʼshiaʼtínekenwe; tánon ne iorihwaiesáhon kwáh thentsawénhstsi ensará꞉aʼne, né꞉ne kwáh iahʼothènon tesheʼrihwaientéri.

Ezekiel 7:5

Kén kíʼ nahó꞉ten ne Ronhnontí꞉io Roiá꞉ner ratónnions: “Énska ne kariwahiesáhtshera enhionónhterahtse nó꞉ia tsi táhwe ne shariwáhke.

Numbers 32:23

Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.

Acts 28:4

Ne thóh rathinákere wakonwáken nóniare iohiaténton ne Kór ratsianáke wathontaténhase, “Kí꞉ken rónkwe kwáh ónhte thó꞉ka tsi sohʼteriwatewáthon, nók Natesénna iáh tahoríʼon narónnheke, iawerohátsien tsi shoniakén꞉en ne kaniatarakekówane.”