Proverbs 13:14 - Ohiatonhseratokénti

¹⁴ Tsi nahò꞉ten eniesarihónnien ne rotiʼnikonhrowá꞉nenʼs tsi shí꞉ken ní꞉ioht ne iohnáwerote ne tsi sónhnhe entkáhawe natónhnhets. Eniesaiaʼtakéhnha nahseʼniá꞉kenʼne nó꞉nen iótteron tá꞉we tsi sónhnhe.

Proverbs 13:14 ပူးပေါင်းရင်းမြစ်များ

Psalms 116:3

Tsi niʼioterístaien ne kenhéion ne tewaʼkakwahtaséhton; tsi natewakawehesthánions ne Sheol ne onhtiéna; waʼkenikonhraronhiáken tánon onhkenikonranónwatʼte.

Psalms 18:5

nahosehríhie ne Sheol onknerénkthon; tsi nihioterísthaien ne kenʼhé꞉ion onhkenenhrót꞉thase.

Proverbs 10:11

Tiakorihwaié꞉ri akowennaʼshón꞉ʼa tho ní꞉ioht tsi ni ne tiohné꞉kote ionhnheʼón꞉we, nok ne iáh tetionkweʼtaié꞉ri akowennaʼshón꞉ʼa ionhséhtha tsi ionteriiohseraʼnón꞉we tsi niiakonhnhò꞉ten.

Proverbs 14:27

Tesatonhwentsó꞉ni kenh aseniá꞉kenʼne ne kenhé꞉ion? Ehtskweniénhstak ne Roiá꞉ner aseʼkénh ne thatká꞉waʼs natónhnhets.

Proverbs 15:24

Nón꞉kwe ne teiakoʼnikonhráthe ne enionthahíta ne iónhnhe ne è꞉neken nieiawé꞉non, iáh ki tsi niiohahó꞉ten ne ehtà꞉ke ne nieiawé꞉non kenhé꞉ion.

Proverbs 16:17

Nónhka tionkweʼtaié꞉ri tho nón꞉we enionthahaté꞉ko tsi iohatátie ne karihwanéren; satenʼnikón꞉raren ká꞉ti tsi nón꞉we wesenonhátie—tókaʼ ne ensaʼniá꞉kenhte.

Proverbs 16:22

Attokháhtshera tiohné꞉kote ne iónhnhe nónhka teiakoʼnikonhráthe nok ahsateʼnién꞉ten ahsherihónnien ne iáh thaʼteiakoʼnikonhráthe iáh shaʼtékena té꞉ken.

Proverbs 16:6

Sarihwatokénhak tánon sanitenrahtskónhak, Rawenni꞉io enshiaʼnikónhrhenʼseʼ tsi sarihwanéren. Tshewèn꞉narahkhwak ne Roiá꞉ner tánon iáh oʼthé꞉nen ne karihwáksen thaiesà꞉raʼne.

Proverbs 9:11

Attokháhtshera entison ne ahsonhnhé꞉son.

1 Samuel 25:33

Tehinonwerá꞉tons ne Ní꞉io ní꞉se sarihwáke ó꞉ni tsi niwatʼtokhatserí꞉io ní꞉se washotási, raón꞉ha wahatiatanónsthate nón꞉wa wenhniseráte tsi nòkwah ne karihwáksen sewateriwahtewáton ó꞉ni tó꞉sa í꞉i akathatenikonraʼiériʼte ne í꞉i katshanáke ákatste!