Proverbs 13:11 - Ohiatonhseratokénti

¹¹ Tókaʼ só꞉tsi watié꞉sen tsi enhsakwáhtsheʼne sénha iohsnó꞉re entsisà꞉ti. Tókaʼ sénha wentó꞉re tahsatèn꞉tsha sénha ki wé꞉so ensaièn꞉take.

Proverbs 13:11 ပူးပေါင်းရင်းမြစ်များ

Job Tánon ne Raoronhiakensera 20:15

Ne iehonekwáhnon kakwasheráse, ók kwáh ki thentátsʼtike ne kakwahtshéseras; Rawenni꞉io seh tethahiákens ne raonekwenhtákon.

Psalms 128:2

Né ensatonhnhètstaʼwe tsi nisahiothénhen ne satshaná꞉ke; kwáh ensatʼtsenhnónhni, tánon kwáh ensahianerásthen.

Proverbs 10:2

Kakwahtshéhtshera enhshié꞉na tsi nonkwá ne iáh teioterihwakwaríhshion iáh shaʼtékena té꞉ken, nok ne karihwakwarihshiónhtshera ensaʼniá꞉kenhte tsi sónhnhe.

Proverbs 13:10

Ne wanonhthonnionhtsheráksen nek tkáhas taionʼnikonhrhá꞉ren. Ne sénha wattokhahtsherí꞉io nahseriʼwanón꞉ton naiesaʼnikón꞉ron.

Proverbs 13:12

Nó꞉nen ahskanéktshera tewaskwaʼseronhkwen, awé꞉ri ki ó꞉ni enwaʼnikonhró꞉kten, nok nahskanéktshera eʼthó naiá꞉wenʼne thentká꞉raʼne natonhnharáhtshera.

Proverbs 20:21

Sénha watié꞉sen tsi aiesakwáhtsheʼne, ká꞉ron ki nenhsatshennónniaʼte.

Proverbs 21:6

Ne iáh teioterihwakwaríhshion tsi enhshié꞉na ne kakwahtshéhsera iohsnó꞉re tsi entsisáhtonʼse, ne entkarihón꞉ni tsi kenheiá꞉tne niensaiaʼténhawe.

Proverbs 28:20

Nón꞉kwe ne iakorihwakwaríhshion tiótkon eniakotonhnhá꞉rake tánon enká꞉nahne tsi iakónhnhe. Tókaʼ tesasteríhens naiesakwáhtsheʼne tsi nonkwá꞉ti iáh tetkariwaié꞉ri ensatré꞉wahte.

Proverbs 28:22

Ne ronnónhaʼk khók rontaté꞉iahre tehotisteríhens nahotikwáhtsheʼne, iáh tehonttókhas kátke kententéhtshera tahotíhkwahte.

Proverbs 28:8

Tókaʼ ensakwáhtsheʼne ne tsi shenaʼtonhkwén꞉nis nónhka ahshehwístani wé꞉so nahatikáriaʼke nowí꞉ra, sakwahtshéhsera akó꞉ren enieié꞉na né shakotinorónhkhwa ne rotí꞉ten.

Ecclesiastes 5:14

tánon ethòne akwékon ensohnáthonse né naʼteraswakʼsénhtshera entkarihón꞉ni tánon iáh othénenh tshiatetsothaténron nahonwenhnohétsthase ne sakothihiohokónha.

Jeremiah 17:11

Nónhkwe nenhiehiéna nowísta ne kanikonhráton tsi ní꞉ioht ne otsiténha watkhanónhshiaʼke ne ne iáh ahónha tehioninónhsoh. Ne nónen kwáh enhothakarí꞉teʼke enhóthonse ne raoʼtsiokowáhtshera, tánon ne tsi iehióthokʼte kwáh iáh othènen tèsken tsi ní꞉ioht ne thohthónnhokʼthe.