Proverbs 13:1 - Ohiatonhseratokénti

¹ Ratsa꞉ʼa ne raʼteʼnikonhrattókha enhotahónhsatate ne roʼniha nó꞉nen enhotakwahrisi, ók ne ratiʼnikonhráksen iáh nonhwénhton tahontró꞉ri nahò꞉ten ne iáh tetkariwaié꞉ri tsi nihontiéhrha.

Proverbs 13:1 ပူးပေါင်းရင်းမြစ်များ

1 Kings 22:43

Kwáh ne sáka tsi ní꞉ioht ne roʼníha Asa ne thohʼhénton, thóh nihoiéren tsi nahó꞉then ne tkarihwaiéri rahohénton ne Roiá꞉ner; ók kíʼ tsi nonhwésons nihonterenhnaienthákwahkwe iáh tekarihwathónton, tánon kíʼ nonhkweshón꞉as iehiakokonhthákwen iehiontkáwas karihwihiosehokónhas tánon nahóntsahathe ne kanethanórons ehnónhwe.

Proverbs 10:1

Ne ká꞉ti kí꞉ken Solomon raorihonnienníhtshera: Shakotiienʼokón꞉ʼa ne ronttokhahtsherí꞉io enhshakotikwénienhste ne shakotiʼnihó꞉kon; ronwatiienʼokón꞉ʼa ne rotinonhwaró꞉ri eniotiʼnikonhráksen kiʼ né꞉ʼe shakotiʼnistenʼó꞉kon.

Proverbs 12:15

Nón꞉kwe ne iáh thaʼtehotiʼnikonhráhthe tiótkon rón꞉nehre thatiié꞉rits tsi nihontiéhrha. Ne tehotiʼnikonhráthe enhontahónhsatate nahò꞉ten ahonwatiʼnikòn꞉ron.

Proverbs 14:6

Nón꞉kwe ne iontatkweniénhstha iáh nonwén꞉ton thaʼtaiakoʼnikonhrátheʼne, nónhka ionteʼnikonhrattókha watié꞉sen naieweientéhtaʼne.

Proverbs 15:12

Nón꞉kwe rontatkweniénhstha iáh tehatinón꞉weʼs nónhka tahonwatiwénneʼke; iáh nonwén꞉ton thahshakotiriʼwanón꞉tonhse ahonwatiʼnikòn꞉ron ne tehotiʼnikonhráthe.

Proverbs 15:20

Ratiksaʼokón꞉ʼa ne ronttokhahtsherí꞉io shakonatonhnhahrá꞉ni ne ronwatiʼníha. Nek ne rotinonhwaró꞉ri shakotíhswenhs ne shakotiʼnisténha.

Proverbs 15:5

Teiotenonhwarorí꞉tonte ne tóhsa ahshié꞉na nahò꞉ten ne iesaién꞉ʼa iesarihonnién꞉ni, wattokhatsherí꞉io nahshié꞉na nahò꞉ten eniesarihwakwaríhshien.

Proverbs 7:24

Ó꞉nen ká꞉ti kwaienʼokón꞉ʼa kwáh tokén꞉ʼen takwatahónhsatat tsi nahò꞉ten enkí꞉ron.

1 Samuel 2:25

Tó꞉ka ónkak aiontateriwánerakse naʼkó꞉ren, Ní꞉io enhakwéni nenhteshá꞉kone tsi niká꞉ien waʼtionterenhtáwenhreh; ók ónka aiekwé꞉ni nahontaʼiontáteʼne nón꞉kak aieriwáneraʼke tsi nó꞉kwah ne Roiá꞉ner?” Ók iáh teiakotahonsatháton ne raowenhnaókons ne ronwaníha; asèken thóh nihotenikonrón꞉ni ne Roiá꞉ner naʼsakononwarhiá꞉khon.