Proverbs 12:7 - Ohiatonhseratokénti

⁷ Rotirihwanerenʼákskon ne ienhotiià꞉tenhte tánon iáh oʼthé꞉nen thahonthwatsirón꞉ni, nok ne thotirihwaié꞉ri raotihwá꞉tsire enhonnónhnheke.

Proverbs 12:7 ပူးပေါင်းရင်းမြစ်များ

2 Samuel 7:16

Ne tsi waswatsiratátie ó꞉ni ne sanakerásera kwáh oriwí꞉io enhionhníhake ne ne tsi nènhwe nakʼkénton; sahén꞉ton ne sanontiʼiótsera kwáh enkáthake ne tsi nènhwe enkén꞉hake.

2 Samuel 7:26

Ne kíʼ aoríhwa ne shasénhna tsi enkasenhnowahnénhke tsi nénhwe enhonnónheʼke, ‘Ne Sakoiá꞉ner ne ratironhiakerónons ne sakoNí꞉io tsiokwékton NÍsraerʼronónke’; tánon ne natwátsireh Táwit tsi enkariwakwathákwenke ne sahén꞉ton.

Esther 9:14

Ronontí꞉io waharí꞉wenhte eʼthó naiá꞉wenʼne, tánon akarihowanáhton tsi nón꞉we tkanakerahserá꞉ien ne Susa. Thó ká꞉ti nón꞉we ne raotiieròn꞉ta oié꞉ri nihá꞉ti Haman shakoioʼokón꞉ʼa wahonwatiiaʼtaniión꞉ten akwé꞉kon nón꞉kwe nahonwatí꞉ken.

Job Tánon ne Raoronhiakensera 11:20

Ne ronhnonkweʼtahétken iáh tahotinikonraién꞉taʼne tsi nihotiiá꞉tawens; tsi nahiotón꞉hake nahatiniá꞉kenhne kwáh ki enwatón꞉thonke ne raotirihwá꞉ke, Tánon ne ronskáneks nohná꞉ken tahonthahontón꞉rie.”

Job Tánon ne Raoronhiakensera 34:25

Tiorì꞉wa tsi roterientarastsíhen ne raotiiothénhseras, teshesakokaraténies ne tsi niwashón꞉tes, tánon tehonwahtinénstsias.

Psalms 37:10

Kénk nikaríhwes ne rotiriwahnerákskon tsi enhatihiatáton; eʼthohsáne kwáh waʼsasteniáron tsi waʼsehiatisá꞉khe, iáh kíʼ thasehiatatʼtsénhri.

Proverbs 10:25

Nó꞉nen tekaweratá꞉ses éntewe, ówera ienhotiʼiaʼténhawe ne iáh tethotirihwaié꞉ri iáh káneka thenshoné꞉sheke, ók ne thotirihwaié꞉ri tiótkon skén꞉nen enhonnónhnheke.

Proverbs 11:21

Saterièn꞉tarak ne iáh tetiakorihwaié꞉ri eniontré꞉wahte nok nónhka tiakorihwaié꞉ri enieʼniá꞉kenʼne naiontré꞉wahte.

Proverbs 12:8

Tókaʼ tesaʼnikonhráthe, eniesahsennakará꞉tate; tókaʼ iáh tesateʼnikonhrattókha, nón꞉kwe ehtà꞉ke eniehsón꞉ni.

Proverbs 14:1

Tsi nón꞉we nihatì꞉teron ne ionhniaton ne konteʼnikonhrattókha konhnonkwe, ók ne kariwahthonton noʼnonhwaro꞉rita.

Proverbs 14:11

Nón꞉kwe tiakorihwaié꞉ri akonónhsa shé꞉kon enkà꞉take nok ne iakorihwanerenʼákskon ó꞉nen nen né꞉ʼe teniakotenonhsarenién꞉ni.

Proverbs 15:25

Roiá꞉ner enhsakononhsaríhshien ne rontatón꞉ni, nek tsi enhanónhstate tsi nahò꞉ten iakó꞉ien ne iakotehré꞉ʼonʼs.