Proverbs 12:5 - Ohiatonhseratokénti

⁵ Nón꞉kwe iakorihwakwaríhshion ioiánere tsi teniesarihwáhshnieʼse; nónhka iáh tetiakorihwaié꞉ri nek ne aiesaʼnikonhrhá꞉ten.

Proverbs 12:5 ပူးပေါင်းရင်းမြစ်များ

Psalms 119:15

Kateweiénstha ne saianerénhseras; tánon wahkatʼkenhsehátie ne sarihonhnienhnítserah.

Psalms 139:23

Takaterhiasát꞉kens, Ó Saiá꞉ner, tánon kí takenikonhraienhtéri.

Proverbs 11:23

Tiótkon tkáhahs ne ioiánere tsi nahò꞉ten tehonatonhwentsó꞉ni ne thotirihwaié꞉ri; nok ne iáh tethotirihwaié꞉ri oʼthé꞉nen enhatiié꞉na onkweʼtakwé꞉kon eniakoná꞉khwen!

Proverbs 12:4

Rón꞉kwe ronià꞉kon ne tiakorihwaié꞉ri né꞉ʼe raotonhnharáhtshera tánon raonaiéhsera; nok ne rón꞉kwe ronià꞉kon ne thonwá꞉wis atehénhsera kwáh ne shá꞉ka ne takwaʼáhsen raohstièn꞉takon aʼónʼtien.

Proverbs 12:6

Raotiwén꞉na ne rotirihwanerenʼákskon iakohnonhwarhiakons, nok ne raotiwén꞉na ne thotirihwaié꞉ri eniakoʼniá꞉kenhte nónhka iontatteronhkwén꞉nis.

Proverbs 14:8

Oh nontié꞉ren ne rattókha tsi teiakoʼnikonhráthe? Ne tsi roterién꞉tare tsi nihatiéhrha. Oh nontié꞉ren ne iáh thaʼtehoʼnikonhráthe tsi tehotenonhwarorí꞉tonte? Ne tsi í꞉rehre raonhá꞉ʼak roterién꞉tare.

Proverbs 24:9

Nahò꞉ten enhateweiennón꞉ni ne tehotenonhwarorí꞉tonte nek ne karihwáksen. Ón꞉kwe shakotíhswenhs nónhka thihshakoié꞉ron, tánon enhshakotiaʼtontákwahse.

Isaiah 55:7

Ánion ne ronhnonkwetaʼtsénhkwa rontiakwahríhsi tsi nihatiʼweienhnióten, tánon ne iáh teotirihwaʼkwaríhshion tsi nihonanonhtonhnthiontseró꞉tens; Sheʼríhon rahonháke ne Roiá꞉ner nieshón꞉ne, ne ká꞉ti nahónton ashaʼkóthenre, tánon rahonháke nón꞉kwah Ní꞉io꞉ne, asèken kwáh enkananónhake tsi ensheʼsakonikónhrenhse.

Jeremiah 4:14

Jerusalem, sehnóhareh ne karihwahétken ne serhiáne, ne nahionthónʼon ahonshasehniákenʼne. Tohʼnikaríwes tiotkonhónwe ne enshaʼnonhthonniónsehke ne karihwaneraháktsheras?

Jeremiah 9:3

Kwáh tsiókonhte tsi ronahthateweiennenhtáhon nahonnhówenhte; kanikonhráhton tsi ní꞉ioht ne kariwahkwarishión꞉tshera né wahsáhrihʼne tsi ionwenhtsiáte. Ne Roiá꞉ner ráton, “Nakonhkwetashón꞉a kwáh tiehothithakwahrishiáton kén niehathihiéra ne kariwahétken tánon iáh tehionkeriwahniráthi tsi Í꞉i ne rahotiʼNí꞉io.”

Jeremiah 9:5

Kwáh rathikwékonh sahkonatʼthaharahkwátha ne rontenroshon꞉a, tánon iáh ne skahiáta tewatʼró꞉ris noriwí꞉io; ronahthaʼterennahténni ne ronnahsáhke nahonnhówenhthe tánon iáh tehontsiakwahríshions ne raothiriwahneraháktshera. Tiehothithakwahrishiáton ne iáh tetkariwahiéri, tánon ekʼniehéions hioʼnonhtherahtséthaʼne ne kanikonhráhton. Ne Roiá꞉ner ráton nètho rahonkwetahshón꞉a wahonwahkénron.

Matthew 2:16

Ȣahonakȣen nʼErod sahattoke tsi ronȣanikonrhatenni ne ratisennoȣanens, ȣahatennhane ȣahontataȣentho nʼeksaokonha tsi ni Kanata, oni tsi niiaonȣentsia ne Bethlehem, tekeni teiakaoseriiakon nontontasaȣen, aseken etho niiore nitiotasaȣe tsi ronȣarorʼ ne Ratisennoȣanens.

Matthew 26:4

Nok neh ȣahatitsienhaientakȣe kah nahontahatiierate tsi ahonȣaiena nok ahonȣario ne Iesos.

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

2 Corinthians 4:2

Iáh theʼtewatsterístha ne ioterihwatehaʼshón꞉as nothé꞉nen aitewariʼwáhsehte. Iáh ó꞉ni tetewateʼnién꞉tha nónhka aiethinonhwaroriʼtón꞉ni tóka ó꞉ni aontetewatoktáhkwe ne Rawenni꞉io raowennaʼshón꞉ʼa. Rawenni꞉io tetehshonkwaká꞉nere, ne khók ne orihwí꞉io tsi nahò꞉ten entewèn꞉ron, sók ne ronatiaʼkéhshon enhonaterihwahní꞉ratshe naontaionkhiiéhtahkwe.