Proverbs 12:3 - Ohiatonhseratokénti

³ Karihwanerenʼáktsera iáh teiakó꞉wis skén꞉nen aionnonhtónnionhwe, nok ne thotirihwaié꞉ri énskaʼk ne tsi nihotirihwahní꞉ron.

Proverbs 12:3 ပူးပေါင်းရင်းမြစ်များ

Job Tánon ne Raoronhiakensera 15:29

kwáh iáh tahotikwahtséhake, tánon ne raotikwashé꞉tsheras iáh thakarihwéshonhke; akwé꞉kon iáh thakaterónten nonwenhtsá꞉ke.

Psalms 15:5

Nenhsakowístani iáh tehára ne watehiárons, tánon iáh thatehonwatsikhetároseh nasakokʼkónhten ne iáh tehiakoníkon. Tsi nihiákon kíʼ kén thóh niweiehnó꞉ten iáh kíʼ nonwénhton tahiakohiathíshonkwe.

Proverbs 10:25

Nó꞉nen tekaweratá꞉ses éntewe, ówera ienhotiʼiaʼténhawe ne iáh tethotirihwaié꞉ri iáh káneka thenshoné꞉sheke, ók ne thotirihwaié꞉ri tiótkon skén꞉nen enhonnónhnheke.

Proverbs 11:5

Aterihwakwarihshiónhtshera ne tionkweʼtaié꞉ri sénha watié꞉sen tiakó꞉wis tsi iakónhnhe, nok ne iáh tetiakorihwaié꞉ri ronnónha kiʼ ienhontatià꞉tenhte.

Proverbs 12:12

Akwé꞉kon nón꞉kwe ne iáh tethotirihwaié꞉ri nek tehonatonhwentsó꞉ni ahatitshén꞉ri tsi nahò꞉ten karihwáksen kenʼniahatí꞉iere, nok ne tionkweʼtaié꞉ri tiótkon ne rotirihwahní꞉ron.

Ecclesiastes 8:8

Iáh ónhka taiekwéni ne tó꞉sa ahiahiéheie tó꞉ka ó꞉ni tahionhnathákwahthe nenhnísehra ne kenhéiat. Nètho ateriʼióhsehra iáh tahónthon nahitewahniákenhne; iáh tahónthon nahitewahnikónhrahte nahitewahtèko.

Ephesians 3:17

Tánon wakaterénʼnaien ne Kerístos ne hiahatenakthónʼni ne sewerianésons taʼiahonkóton ne tewethákwen. Wakaterénʼnaien neh kwáh taiahoserénhen ó꞉ni ne ahionniáton ne kanoronkwátsera.

Colossians 2:7

Kwáh teshohsérast ne saterahshón꞉as ne raonháke, rahonháke nón꞉we nasahtiatón꞉ni, tanón kahsástet tsi tisetákwen, tsi niiesahrihonhnién꞉ni. Tanón kwáh tiatanahnónhak ne kanonweratóntsera.

1 Samuel 25:33

Tehinonwerá꞉tons ne Ní꞉io ní꞉se sarihwáke ó꞉ni tsi niwatʼtokhatserí꞉io ní꞉se washotási, raón꞉ha wahatiatanónsthate nón꞉wa wenhniseráte tsi nòkwah ne karihwáksen sewateriwahtewáton ó꞉ni tó꞉sa í꞉i akathatenikonraʼiériʼte ne í꞉i katshanáke ákatste!