Proverbs 12:23 - Ohiatonhseratokénti

²³ Nón꞉kwe ne teiakoʼnikonhráthe thaʼteniontó꞉tate tsi nahò꞉ten iakoterién꞉tare, nok ne iáh thaʼtehotiʼnikonhráthe enhatirihó꞉wanahte tsi iáh tekarihonnién꞉ni.

Proverbs 12:23 ပူးပေါင်းရင်းမြစ်များ

Nehemiah 2:12

Wakatkétsko ne tsi niwasón꞉tes, Í꞉i tánon tó꞉kara ní꞉hati ne ronhnónkwe ne iakwahkwekonhátie. Kwáh iáh ónhka tekheró꞉ri tsi nahó꞉ten nakení꞉io ró꞉ten nakwerhiáne tsi nahó꞉ten ahontió꞉ten ne Jerusalem. Iáh thahó꞉then ne kaʼtshé꞉nen tetʼtsaténha nek khók ne kaʼtshé꞉nen ne watkhonwí꞉serehne.

Nehemiah 2:16

Ók ne ratikó꞉ras iáh tehonaterienʼtárakwe kaʼnón꞉we niewakénon khéhs tsi nikatieráhkwe, tiorì꞉wa tsi iáh tekheró꞉ri ne shiʼtaʼehró꞉nons khéhs ne ratiʼtsihénstatsis khéhs ne ratisenhnowá꞉nens khéhs ne ronaterihóntons khéhs ne ronatiá꞉kes né꞉ne enhotiiò꞉ten ne kahioʼténhsera.

Proverbs 10:14

Ne ronttókha akwé꞉kon enhatiié꞉na ne karihonnienníhtshera tsi ní꞉kon enhatikwé꞉ni, nok ne rotinonhwaró꞉ri nó꞉nen enthontá꞉ti, kaʼnikonhrharáhtshera iáh í꞉non téteweʼs.

Proverbs 10:19

Sénha wé꞉so enhsatá꞉ti, sénha watié꞉sen nahserihwanéraʼke. Tókaʼ sateʼnikonhrattókha, thaʼtenhsató꞉tate.

Proverbs 11:13

Iáh ónhka ne teierihwenhawíhtha thahsheniáhese tsi nahò꞉ten ioterihwahséhton, nok enwá꞉ton ensheniáhese nónhka tiakonkweʼtaié꞉ri.

Proverbs 13:16

Nón꞉kwe ne ronateʼnikonhríson tiótkon enhonnonhtonnión꞉ko nohén꞉ton thé꞉nen kenʼ niahatí꞉iere, nok ne iáh thaʼtehotiʼnikonhráthe tehonterihwareniá꞉tha nen né꞉ʼe tsi iáh tehonteʼnikonhrattókha.

Proverbs 14:33

Attokháhtshera eʼthó í꞉wa raotiʼnikòn꞉rakon ne tehotiʼnikonhráthe nok ne tehonatenonhwarorí꞉tonte iáh oʼthé꞉nen tehonaterién꞉tare nahò꞉ten nen né꞉ʼe nattokháhtshera.

Proverbs 15:2

Nó꞉nen ne ronttokhahtsherí꞉io nón꞉kwe enthontá꞉ti, entisaʼnikonhratihéntho tsi nahò꞉ten ronaterién꞉tare. Nok ne iáh tehonttókha nek ne thontà꞉tis nahò꞉ten iáh orí꞉wa té꞉ken.

Proverbs 18:2

Nónhka tehotenonhwarorí꞉tonte iáh oʼthé꞉nen tehatsteríhstha tókaʼ kenh roʼnikonhraién꞉taʼs tókaʼ oni iáh; nek khók tehotonhwentsó꞉ni nahshakonaʼtón꞉hahse tsi niió꞉re tsi í꞉rehre tehoʼnikonhráthe.

Proverbs 29:11

Nón꞉kwe ne iáh thaʼtehotiʼnikonhráthe iáh tehonhséhtha ne raotinaʼkhwénhsera, nok ne ronttokhahtsherí꞉io rotiʼnikonhrí꞉io enhatikwé꞉ni nahontatié꞉na.

Ecclesiastes 10:3

Tsi tehonahtenonhwarohríthonthe kwáh tsewé꞉ne shé꞉kon nònhʼne tsi nokwáh ne thihononhontsáte ne tenhontátken tsi nihioháhes; onhkweʼtakwékon enhonwanahronhkáten tsi thonathónhnokʼthe.

1 Samuel 10:16

Saul wahawénhase ne rononhá꞉ʼa, “Washonkeniʼró꞉ri nètho tekonhóntes tsi skonwatiʼiatatʼtshénhrion.” Ók nahoriwaʼshón꞉ʼahs ne kanontiʼiótshera, ne tsi nihotharákwenhne ne Samuel, iáh thaʼhóten tehoró꞉ri.