Proverbs 12:20 - Ohiatonhseratokénti

²⁰ Nónhka ronteʼnikonhrón꞉nis ne karihwahétken kwáh í꞉ken tsi enshontateriʼwáhtsten, nónhka iakoióʼte ne ioiánere enietshén꞉ri atonhnharáhtshera.

Proverbs 12:20 ပူးပေါင်းရင်းမြစ်များ

2 Chronicles 22:4

Waharihwánerahke tsi nòkwah ne Roiá꞉ner, tsioríhwa sarénheʼie ne ronikénʼen ronátiakes ne Ronontí꞉iokwe Ahab raowátsires né sonhwatenikonhráwiskwe, tánon né kíʼ wahá꞉sehre tsi nonhtahahiátenhne.

Psalms 119:118

Iáh tesehiatsenawástha ónhka ne iáh tehiontewenhnaráhkwa ne saianerénhseras; ne kanikonhrá꞉ton tsi nihontenikonhró꞉ris kwáh iáh othènen tekarihwástha.

Proverbs 12:12

Akwé꞉kon nón꞉kwe ne iáh tethotirihwaié꞉ri nek tehonatonhwentsó꞉ni ahatitshén꞉ri tsi nahò꞉ten karihwáksen kenʼniahatí꞉iere, nok ne tionkweʼtaié꞉ri tiótkon ne rotirihwahní꞉ron.

Proverbs 12:19

Onó꞉wen kenʼniionhnhésha, nok ne tkarihwaié꞉ri enionhnheʼón꞉we nen né꞉ʼe.

Proverbs 12:21

Iáh oʼthé꞉nen thaiakoiá꞉tawen ne wahétken ne tiakorihwaié꞉ri, nok ne iáh tetionkweʼtaié꞉ri nek ne enhatiié꞉na ne tahonʼnikonhrhá꞉ren.

Jeremiah 17:16

Ók, Saiá꞉ner, Iáh nonhwénhton thaʼtehionkeniʼriwahkenáhon nahsehkarónni; iáh nonhwénhton tewahkaskanékon né thènen tahotinikonhráhren. Saiá꞉ner, sahteriéntahre thíʼken; sahteriénthare tsi nahó꞉ten wáhken.

Daniel 11:27

Eʼthó꞉ne ki tehninontiioʼtsherá꞉ke skátne enhiátien ne atekhwahraʼtsherákta ne tahiatskáhon, ók tsi niwahétken tsi nahò꞉ten iateʼnikonhrón꞉ni, ó꞉ni tenhiatatenowénhten. Iáh thahniié꞉na tsi nahò꞉ten tehonatonhontsó꞉ni, ne tsi iáh ároʼkhok thieióhe ne eʼtho naiá꞉wenʼne.

Zechariah 6:13

Kwáh raónha enshanonhsón꞉ni tánon enhaié꞉na ne kakweniensthátshera tsi ní꞉ioht ne Rononhtí꞉io, tánon enteshakoniarotáhrohke ne rahonkweʼtahshón꞉ʼa. Tánon ratsihénstahtsi enhoterihóntahke ne raononhthiiotsherá꞉kon, tánon tetiá꞉ron tsi enhothiiò꞉ten ne skén꞉nonh ó꞉ni shahothirì꞉wa enkénhake.’

Matthew 5:9

Iakotaskat nʼiakoianerenseriio: aseken Niio sakoienhokonha enhiontatenatonkȣake.

Romans 1:29

Ne rathihiatanánon neh niateʼioriwákes neh kariwaneraháktseras, wanonthonniontseráksens, ronaskéʼnaʼse tánon kanakwátsera; kwáh rathihiatanánon neh kanosátsera, asakonásehthe, ronaterihioháties, rathinikonrátha, tánon rathiseróhen. Rothiriwakáte,

Hebrews 12:14

Shateniénten kwáh skén꞉nen akénhake kwáh tsík ónhka akénhake, tánon shatheʼniénten iotokéntik tsi ní꞉ioht tsi sónnhek, tsoríwah tsi iáh ónhka tahonwáhken ne Roiá꞉ner tóha iáh tóh tahiotónhake.