Proverbs 12:18 - Ohiatonhseratokénti

¹⁸ Iáh tewanonhtonnionhtsherí꞉io nowennaʼshón꞉ʼa tho ni tsi ensakaré꞉wahte tsi ní꞉ioht ne aʼshareʼkó꞉wa, sók ne tkawennaié꞉ris enwá꞉ton ensátsenʼte.

Proverbs 12:18 ပူးပေါင်းရင်းမြစ်များ

Psalms 52:2

né satenikonronnihátse ne kakaronniátshera. Né senhnasáke kwáh né꞉ne kwáh iosarotíie iontkonsthonriát꞉tha í꞉ken, Tiotkonhónwe sahtsokentonhnihátses.

Psalms 57:4

Kwáh tehionkehonwaʼrónhni ne iónkshons, ne ronhnónha thóh nihatihiatóten tsi ní꞉ioht ne ónhkwe sakotiwáʼraks kénreks. Ne tsi ratinotsiótons kwáh né꞉ne osìkwe tánon kaiénkwires, né ronhnasákes kwáh né꞉ne iosarotí꞉ie.

Psalms 57:5

Iesasenhnakarátat Ó Sewenní꞉io, éhʼneken ne tsi karonhiáte, tánon sehríhon ne sahiatanerakwáhtshera tewaʼréni ohontsakwé꞉kon.

Psalms 59:7

Satkátho tsatehotihenrétha, rotiwenhnotí꞉ies tsi ní꞉ioht nasarekó꞉wa asèken “Ónhka ónhte” tsi ronhnontón꞉nions “Kwáh enhionkhiʼiathónteʼne?”

Psalms 64:3

Né ronhnasáke thóh niiohiotí꞉ie tsi ní꞉ioht nasarekówa, thóh ní꞉ioht tsi thatiwenhnínekens ne kawenhnákʼsenhs tsi ní꞉ioht ne ahionrón꞉thate ne kanonkwahtsherák꞉sen iehióhare ne kaienkwirakénhiate,

Proverbs 12:17

Nó꞉nen tkaié꞉ri tsi nahò꞉ten entehsatá꞉ti, aterihwakwarihshiónhtshera kiʼ enwatkwé꞉ni nok ne onó꞉wen nek né꞉ʼe tkáhas ne iáh teioterihwakwaríhshion.

Proverbs 13:17

Nónhka ratirihwenhá꞉wi ne iáh tehsheniahé꞉sen, nek entkáhawe ne kaʼnikonhrharáhtshera, nok ne ónhka sheniahé꞉sen entkáhawe ne skén꞉nen.

Proverbs 15:4

Kawenní꞉ioʼs tkáhas natónhnhets, nok ne iotewennatská꞉rat nek nen né꞉ʼe naiakoʼnikonhrakaré꞉wahte.

Proverbs 15:7

Nón꞉kwe tehotiʼnikonhráthe, attokháhtshera tehonrenià꞉tha, iáh kiʼ nen né꞉ʼe ne rotinonhwaró꞉ri.

Proverbs 16:24

Kawenní꞉ioʼs ne shá꞉ka ne otsiʼnahkontahkwá꞉ne ne ótsikheta—teiotsikhè꞉tare nahsátkenʼse tánon iakaohnhiióhstha.

Proverbs 25:18

Tóka iáh tetkariwaié꞉ri nahò꞉ten aiesarihwáhrho, ne shá꞉ka ne aʼshareʼkó꞉wa, kanà꞉kare, tókaʼ ó꞉ni kaièn꞉kwire ne kwáh tiohioʼthí꞉ie áhonste aiesàriohte.

Proverbs 4:22

Akewennaʼshón꞉ʼa entkáhawe natónhnhets tánon ataʼkaritéhtshera ne ónhka eniakoʼnikonhraién꞉taʼne.

Daniel 11:33

Ne ronteʼnikonhrattókhaʼs ne shakotihentén꞉se ne onkwehshón꞉ʼa iatenhonteʼnikónraiehste ne raonattokháhtshera nahotiʼnikonhraién꞉taʼne tsi niiawénhserons. Ók kwak kenʼk nikarí꞉wes kí꞉ken ronteʼnikonhrattókas ó꞉tiaʼke enhonwatí꞉rio ne tsi waterí꞉io tóka ni ó꞉ni enhonwanatiaʼtátshaʼahte tsi niió꞉re ienhonní꞉heie, tánon ó꞉tiaʼke ó꞉ni enhonwatinenhskwenháton tánon enhonwatinnhó꞉ton.

Revelation 1:16

Ne saweiententhákwen ne rahá꞉we tsá꞉ta nikatsistóhkwake, tánon tsi rashakáronte takaiá꞉kenhne ne iohiotí꞉ie, tetsarónhkwen tsi iohiotí꞉ie, tánon ne rakónhsake kwáh né꞉ne karáhkwa teiostwáte kwáh kashatstenhseraná꞉non.

Revelation 22:2

thóh iotohéston asénhnon tsi tekanatokenhátse ne kanatowanénke. Ne skhatisonʼs ne tsikaniataratátse thóh iorón꞉thoʼte natonnhest né꞉ne kahá꞉we tékeni iawénhre niatewahiákes, nahohikshón꞉as sewenhnitatʼtionʼs tsi niwahianihniónktha; tánon nahonerathashón꞉ahs ne tsi ioronhthó꞉te né꞉ne tsakotsiéntha ne ronhnonhontsakeró꞉nons.