Proverbs 12:11 - Ohiatonhseratokénti

¹¹ Raiénthohs ne rotsteʼniá꞉ron wé꞉so kiʼ enhoién꞉take nahò꞉ten à꞉rake nok ne tehotenonhwarorí꞉tonte ratenhniserakaiónhstha iáh oʼthé꞉nen tekariʼwáhsta tsi nihatiéhrha.

Proverbs 12:11 ပူးပေါင်းရင်းမြစ်များ

Genesis 3:19

Ó꞉nenk tsi Tenhsáʼtarihenserón꞉hkohte ne skonhsà꞉ke ne naʼón꞉ton nohwénhtsa thé꞉nen aontaká꞉nio; kwáh tsi niió꞉re ohwentsá꞉ke nón꞉we nienséhse; tsi tho nón꞉we nitiesaiaʼténha; okèn꞉ra ní꞉se í꞉ken, tánon shé꞉kon kiʼ oʼkèn꞉ra iensehsá꞉ton.”

Psalms 128:2

Né ensatonhnhètstaʼwe tsi nisahiothénhen ne satshaná꞉ke; kwáh ensatʼtsenhnónhni, tánon kwáh ensahianerásthen.

Psalms 26:4

Iáh skát꞉ne tehiakwáhtiens ne iáh othènen tehatiriwástha, iáh ó꞉ni tekaterosehrónhnis tsi nihiákon ne karihwaʼkwahrishióntshera ronatkhonwarorók꞉ton;

Proverbs 13:20

Skátne sewé꞉shek ne ronttókha í꞉se ó꞉ni ensattókhaʼne. Tókaʼ enhsatenroʼserón꞉ni ne iáh tehonteʼnikonhrattókha eniesakarón꞉ni.

Proverbs 13:23

Kahéhta ne iáh tewáhtston wé꞉so aontaió꞉ha ne atenná꞉tshera raotirihwà꞉ke ne rotitenhténion, nok kí꞉ken iáh tethotirihwaié꞉ri ratíhnhes nahatiiéntho.

Proverbs 14:23

Saióʼten tánon tenhsatén꞉tsha nahshonhnhéhkwen; tókaʼ nek ne enhsitskó꞉take nek ne sáhthare ensenténhton kiʼ.

Proverbs 14:4

Tókaʼ iáh tehsanáhskwaien ne tiohnhónskwaron rá꞉tsiʼn ne aontahatihéntho ieʼtarakahrhathóhstha iáh kiʼ thé꞉nen thakaién꞉take tsi senekeraientáhkhwa, tókaʼ sanáhskwaien tentká꞉rake ne onahtsa.

Proverbs 20:13

Tókaʼ tió꞉konteʼ sèn꞉taʼs, ensenténhtaʼne kiʼ. Tesatateweienhá꞉rat tánon wé꞉so ensaièn꞉take náhseke.

Proverbs 27:27

Sók ne kontiiaʼtákerahs ionatatén꞉ron entié꞉son onòn꞉ta ní꞉se tánon sahwá꞉tsire ó꞉ni ne konnón꞉kwe iesaióʼtenhse.

Proverbs 28:19

Raiénthohs ne rotsteʼniá꞉ron roká꞉te nahò꞉ten à꞉rake. Nón꞉kwe iontehniserakaiónhstha tiótkon eniakoténhton.

Proverbs 6:32

Tókaʼ ká꞉ti ne rón꞉kwe enhatenahkwaié꞉sahteʼ ne kén꞉ton iáh tehoʼnikòn꞉ra. Kwáh nek ne enhatatkarón꞉ni tsi rónhnhe.

Proverbs 9:13

Ohnonhwarorí꞉ta ne shá꞉ka tsi ní꞉ioht ne ión꞉kwe teioterienʼtakária tánon iáh tekarihonnién꞉ni, ó꞉ni iáh teiotehenhserá꞉ien.

Proverbs 9:16

“Tasewatáweiaʼt, tsón꞉kwe ne iáh tekarihonnién꞉ni!” Ók wakèn꞉ron, kí꞉ken sewanonhwaró꞉ri,

Proverbs 9:6

É꞉ren sewatatiaʼtenhá꞉wit tsi nón꞉we nihón꞉neʼs ne iáh tehonttókha tánon entsónhnheke. Né꞉ʼe sewáhsehr ne karihonnienníhtshera.”

Jonah 2:8

Tsi niiá꞉kon ne kaiaʼtonnihshón꞉ʼa konwahsén꞉naiens ne iáh thé꞉nen tekarihwáhstha ronatswaté꞉nion ne orihwakwé꞉kon ne Rawenni꞉io raotén꞉rat.

Ephesians 4:28

Tóhkaʼ senenskwáskwe, ónenk tsi ensátkaʼwe tánon tasatásawen satehʼnhatserónni, ehnahontáwe kwáh ioiánere tsi asathathonʼnhakéna ó꞉ni naskwéni aseiénawase ne iakóten.

2 Thessalonians 3:8

Iáh tehionkwaienáʼon ónhka ahionkhiʼiénawahse ne iáh tahionkwahkariákon. Khèʼkhok, wahonkwaióten ó꞉ni wahakwaronhiáken; konʼtatiésons ó꞉ni ahsontakwékʼkons tsi wahonkwahióten né꞉ne tóhsa ónhka tsi nítsion akwahkarahiénhase.

Judges 9:4

Tsáta niwáhsenh nikawístakes kawistarákens wahónhion thóh nitsawè꞉non né꞉ne raononhsatokentikówaʼne ne Baal-Ne꞉ne-Naterihwasehronhniátsera, tánon nètho ohwístha né washakónahne ne ratinikonhráthas ahonwatsátarase.