Proverbs 12:1 - Ohiatonhseratokénti

¹ Nónhka ienorónhkhwa ne karihonnienníhtshera eniontshennón꞉ni nahshehró꞉ri nahò꞉ten iáh tethotirihwaierí꞉ton. Iáh kiʼ tewattokhahtsherí꞉io nónhka iéhswenhs naiontaterihwakwaríhshien.

Proverbs 12:1 ပူးပေါင်းရင်းမြစ်များ

Psalms 119:27

Takónhnien nahonkenikonraiénhtaʼne tsi niʼiohthánions ne saianerénhseras, tánon thóh nónh꞉we nenhkatenikonrahiénton ne iohrihwahnerakwahténions sarihonhnienhnítseras,

Psalms 141:5

Sehríhon ne rotirihwakwahríshions ahionkatewenhnaiéntonhwe; seríhon ne rotirihwató꞉ken tiontʼkerihwakwahríhshias. Tó꞉sa nonwénhton ne raonénhie ne ronhnonkwetahét꞉kens ne ahionkenontsistókaʼwe, asèken nakaterénhnaient iehiorihwakonhtákwen tsi kát꞉konte tsi nihatiweienhnák꞉sens.

Psalms 32:9

Tó꞉sa iakosátens tahonsehsewaʼtsérenhke khés ne tewahóntes, né꞉ne iáh othènen tehotinikonhrahiéntas, né nenhʼné꞉e ónenk tsi waʼteristanonhtáhas khés natkonwarotharók꞉tha enthoniniarotaróhke, tó꞉ka iáh kíʼ tsatákʼta thanésehke.

Psalms 50:17

Asèken iáh tesenón꞉wes naiesatakwaríhshion, tánon í꞉seh iesá꞉tses nakewenhnahókons.

Psalms 92:6

Nek khók ne teiakotenonwaʼroríhtonhte iáh taiekwéni nahiakonikonhraiéntaʼne, ne tiakotónhnokte iáh taiekwéni nahiakonikonraiéntaʼne kí꞉ken:

Proverbs 10:8

Ón꞉kwe ne iakoʼnikonhrí꞉io enieié꞉na nahò꞉ten ne tkariwaié꞉ri eniontathró꞉ri. Ón꞉kwe ne teiotenonhwarorí꞉tonte tsi rontà꞉tis enhontatkarón꞉ni.

Proverbs 11:31

Nónhka tiakorihwaié꞉ri teniakoterihwaʼserákwahse kén꞉ʼen tsi ionhwentsá꞉te, kwáh ká꞉ti orihwí꞉io saterièn꞉tarak nónhka iáh tetiakorihwaié꞉ri tánon iakorihwanéren tsi eniontré꞉wahte.

Proverbs 12:2

Roiá꞉ner rawerienʼtí꞉ios nón꞉kwe tiakorihwaié꞉ri, enhshakohré꞉wahte nónhka ionteʼnikonhrón꞉nis ne karihwáksen.

Proverbs 15:10

Tókaʼ tho nénhshiere tsi nahò꞉ten iáh tetkariwaié꞉ri, kwáh í꞉ken tsi ensatré꞉wahte; enhsíheie tókaʼ iáh thaʼsatateríhon ne ahserihwakwaríhsi.

Proverbs 18:1

Nón꞉kwe ne iáh tehontén꞉ros nakohrèn꞉shon rononhá꞉ʼa khók rontaté꞉iahre; akwé꞉kon ratirihwáiaʼks tsi nahò꞉ten akohrèn꞉shon ronaterién꞉tare nahò꞉ten tkariwaié꞉ri.

Proverbs 30:2

Katshé꞉nen sénha tho nitiaʼtò꞉ten tsi ní꞉ioht ne ón꞉kwe; iáh tho té꞉ioht tsi wakeʼnikonhraién꞉taʼs tsi ní꞉ioht ne tsón꞉kwe.

Proverbs 8:17

Khenorónhkhwa ónhka ionkenorónhkhwa; ne ónhka iontiaʼtíhsaks eniontiaʼtatshén꞉ri.

Proverbs 8:32

Ó꞉nen ká꞉ti, ne kenʼnitisewaién꞉ʼa takwatahónhsatat, tho naʼsewá꞉iehr nahò꞉ten enkí꞉ron tánon ensewatonhnhá꞉ren.

Proverbs 8:36

Nónhka iáh thaiontiaʼtatshén꞉ri eniontatkarón꞉ni; nónhka iónkswenhs konwanorónhkhwa ne kenhé꞉ion.”

Isaiah 1:3

Né tehonákares tionhnónskwahron rátsinn roienhtérih né raotshénen, ne tewahón꞉tes roteriénhtare tsi nón꞉we nihatekwahtahástha tsi nón꞉we nihonóntens ne rahiatakwení꞉io; ók né Israel iáh né tehioteriéntare, nakonkwetaʼshón꞉ʼas iáh tehotiʼnikonhraiéntas.

Leviticus 13:10

ónhka aiesát꞉kenhse. Tó꞉ka karáken ní꞉ioht tsi ióto ne sané꞉honkne né iatenhkakaraʼténiaʼthe nonónhweron karáken nenhiáwenhne tánon titkáhere ne iók꞉khas,

2 Thessalonians 2:10

tánon né enshahkósten niatékon tsi ní꞉ioht ne kariwahétʼkens ne kanikonráhton tsi nihiákon nenshahkótonthe. Enhatihiatáton tioríwah tsi iáh tahtehonaróton iáh ó꞉ni tehotinoronkwáhʼon ne oriwiʼiohónwe né꞉ne ahiakoniakénton.