Proverbs 11:8 - Ohiatonhseratokénti

⁸ Ne tionkweʼtaié꞉ri iakoiaʼtanónhstats ne oʼthé꞉nen taionʼnikonhrhá꞉ren, nok ne enhatiié꞉na kaʼnikonhrharáhtshera ne iáh tethotirihwaié꞉ri.

Proverbs 11:8 ပူးပေါင်းရင်းမြစ်များ

Psalms 37:39

Ne Roiá꞉ner shakonónstats ne tionkwetaiéri tánon teshakóʼnhes nónen thé꞉nen tekanikónrahre.

Proverbs 11:7

Nó꞉nen ne iáh tethotirihwaié꞉ri enhonníheie raonahskanéktshera ó꞉ni enkénheie. Tókaʼ kakwahtshéhsera ahseniáhehse kwáh nen né꞉ʼe iáh oʼthé꞉nen tetkáhas.

Proverbs 11:9

Enwá꞉ton eniesakarón꞉ni tsi rotíhthare ne iáh tehotiʼniiohserá꞉ien nok ne ronteʼnikonhrattókha eniesaʼniá꞉kenhte.

Proverbs 12:13

Ne iáh tethotirihwaié꞉ri ne ienhotiià꞉tenhte ne raotiwén꞉na, nok ne rotirihwakwaríhshion iáh nen né꞉ʼe thaʼtahonʼnikonhrhá꞉ren.

Proverbs 21:18

Nón꞉kwe ne ionkweʼtáksenʼs ronteʼniéntha nahshakotikarón꞉ni ne tionkweʼtaié꞉ri nok kiʼ ronnónha enhshontatkarón꞉ni.

Daniel 6:25

Shonteweienén꞉taʼne né ronnontí꞉io iashakohiá꞉tonʼse kwáh tsi niaʼteiakaʼonhontsà꞉ke ne onkwehshón꞉ʼa, tsi naienekwenhsó꞉ten, ó꞉ni tsi naiewennoʼténhake ne onhwentsià꞉ke: “Wé꞉so taontnaʼné꞉ta skén꞉nen né tsonhà꞉ke!