Proverbs 11:5 - Ohiatonhseratokénti

⁵ Aterihwakwarihshiónhtshera ne tionkweʼtaié꞉ri sénha watié꞉sen tiakó꞉wis tsi iakónhnhe, nok ne iáh tetiakorihwaié꞉ri ronnónha kiʼ ienhontatià꞉tenhte.

Proverbs 11:5 ပူးပေါင်းရင်းမြစ်များ

2 Samuel 17:23

Nó꞉nenh ne Ahithophel sahatkátho nètho tsi nihotenikonráwi tsi iáh tehotíseron, wahokweniáren ne raotsénen tehahóntes tánon thóh nionsáre tsi thohʼnón꞉shote ne raohónʼa raonatowanénhken. Wahakwatá꞉ko ne raoriwashón꞉ahs, tánon wahatatniáterenhke; warénheʼie tánon thóh nón꞉we nahonwahiatá꞉ta ne roʼníha rotstenhrakáronhte.

Job Tánon ne Raoronhiakensera 18:7

Roianahní꞉ronhkwe, nok nón꞉wa kenk nateshakahésons, tánon né kwáh raónha tsi nioteʼnikonrónhni karihwaiésas.

Proverbs 1:18

Ne ká꞉ti shá꞉ka né꞉ʼe niionkweʼtò꞉tenʼs nahonterístaien ronnónha enhotiié꞉na tánon tho nón꞉we nenhonníheie.

Proverbs 11:3

Tókaʼ tehsonkweʼtaié꞉ri ne kiʼ ensaianénhawe ne tkarihwaié꞉ri. Nón꞉kwe ne iáh thaʼón꞉ton nahsheniáhese ronnónha kiʼ enhontatáhtonʼte tsi iáh tehotirihwakwaríhshion.

Proverbs 12:3

Karihwanerenʼáktsera iáh teiakó꞉wis skén꞉nen aionnonhtónnionhwe, nok ne thotirihwaié꞉ri énskaʼk ne tsi nihotirihwahní꞉ron.

Proverbs 13:6

Tkarihwaié꞉ri iakoiaʼtanónhstats ne iáh oʼthé꞉nen teiakohnhí꞉kon; karihwanéren ne ieniakoià꞉tenhte ne rotirihwanerenʼákskon.

Proverbs 14:32

Nón꞉kwe ne rotirihwanerenʼákskon ronónha enhontatenòn꞉waien ne tsi karihwáksen tsi nihontiéhrha, nok ne tionkweʼtaié꞉ri enhotiiaʼtanónhstate ne tsi ronatonkweʼtakwaríhshion.

Proverbs 15:19

Tókaʼ sentóhrha, tsik nienhénhse akwé꞉kon nienwentó꞉reke, tókaʼ sarihwakwaríhshion iáh kiʼ oʼthé꞉nen thaʼtahsaʼnikonhrhá꞉ren.

Proverbs 21:29

Nón꞉kwe ne tionkweʼtaié꞉ris kwáh tokén꞉ʼen ronaterién꞉tare nó꞉nen tkariwaié꞉ri tsi nihontiéhrha; nok ne iáh tetionkweʼtaié꞉ris shakotininonhwaroriʼtón꞉nis nakorèn꞉shon tsi nihontiéhrha.

Proverbs 28:18

Sarihwakwarihshiónhak tánon enhsheʼniá꞉kenʼne. Tókaʼ iáh tesarihwakwaríhshion thontaiawénhstsi enhsatkarón꞉ni.

Proverbs 3:6

Tshehià꞉rak ne Roiá꞉ner, akwé꞉kon tsi nenhsatieránion tánon enhianaʼtón꞉hahse tsi nahò꞉ten tkariwaié꞉ri.

Proverbs 5:22

Rotirihwanéren raotiioʼténhsera tho ní꞉ioht tsi ní꞉ioht ne waterístaien. Ne iohontiá꞉tenhke tsi rotirihwanéren.

Isaiah 26:7

Tsi nihotihahóten ne tionkwetaiéri iotʼthahakwahríshion í꞉ken; Ó Saiá꞉neren, í꞉se stakwaríhshions tsi ronaháte ne tionkwetaiéris.

Hosea 5:5

Tsi nihatináhie ne Israerʼró꞉nons ne iakokaronhniátha ne rahonhà꞉ke; Ephraim thóh raotinhitsherá꞉kon tonashítsiats; Judah ó꞉ni skátne tsi tonashitsiats.

Judges 20:41

Ethòne nʼIsraerʼró꞉nons sahónkhete, tánon ne Benjaminró꞉nons tsathonhnonhnaríkʼkhon tsioríhwa tsi wahóntʼthoke ónen thó꞉wa ahonwanáthonthe.